نحننا نقول الحق

نحننا نقول الحق < نحن المريخاب نقول الحق ولو على أنفسنا < كل الحق < ولا شيء غير الحق < لأن قول الحق ولو على أنفسنا ينقينا ويطورنا ويقدمنا < وهي ميزة تميزنا عن غيرنا < ومن غيرنا أعطى لهذا الشعب معنى أن يعيش < خاااااااص صفحة الاحمر الوهاج < ومعنى أن ينتصر < ومعنى أن يسجل في لوح الشرف الأفريقي < المهم < عندما نقول المريخ ما عاجبنا < هذا لا يعني أن الهلال جيد < ولأن أهل الهلال ليست لهم الجرأة ليقولوا إن الهلال كعب < أو قل القلة منهم تمتلك الجرأة < و لكن مرة مرة < أو مرة في العمر < هلل الأهلة لأننا قلنا إن المريخ كعب < اعتقدوا أنهم كانوا مبهرين < وطمعوا لدرجة أن أفتوا بصحة هدف بشه < هدف بشه ياتو < الله ورسوله أعلم < بشه شات الكورة بعد الحكم صفر < صافرة واضحة < توقف امتثالاً لها زغبير الذي كان اقرب للكرة < ولكن بشه لعبها برغم صافرة الحكم الواضحة < أعلى من صفارة القطر < ظهرت في تسجيل التلفزيون < وهم يفتون بصحة هذا الهدف < وينسون ان هدفهم الاول غير صحيح < بكري اوف سايد < بكري كعادته جري قبال الكورة تتلعب < وقانون التحكيم لا يقول اذا هبش اللاعب الكرة يعتبر تسلل < بل يقول اذا تداخل فيها يعتبر متسللاً برضو < دحين بكري هبشها ولا ما هبشها ؟؟؟ < اذا هبشها تسلل < واذا ما هبشها تداخل < وتداخل تعني تسلل < يبقى القون الاتحسب ما صحيح < جارين للقون الأساساً ما صحيح ومصفرين عليو تسلل قبل التهديفة ؟؟؟ < بربكم كيف تحكمون !!!! < النتيجة الصحيحة واحد صفر جابو اتير < في السقف < في حلق المرمى < أيها الناس < هلال الصفر الدولي في أحسن حالاته < لا يمكن أن يقارن بمريخ لوح الشرف في أسوأ حالاته < الفرق بين قاع الصفر وثريا لوح الشرف الأفريقي كروياً < كالفرق بين أمريكا والصومال معيشياً < وثريا لوح الشرف تشوفوها في القزاز بس < تهبشوها نهي بالكل كرتا كهيه < ويبقى أبو الهل مع لوح الشرف الأفريقي < زي النملة < تطلع الحيطة وتقع وتاني تطلع وتقع وتاني تطلع وتقع < لما روحها تطلع وتقع الوقعة الياها < والما بتلحقوا جدعوا < لكن حجارة الصفر بتصل كيف ثريا لوح الشرف !!!! < بعيد شديد عليها < أجمع عدد مرات دخول أبو الهل للمجموعات < ثم أضيف ليها عدد مرات وصول الهلال للنهائي < واضرب الناتج في مليار < وأضف إليها عدد جماهير الهلال منذ تكوينه بالشهداء أمدرمان وحتى اليوم < وأضف إليها كل الحروف التي كتبها محمد عبدالماجد حفظه الله ورعاه مضروبة في حروف روشا من زمن عالم النجوم < واضرب الناتج في خمسة وتمنين سنة < البجيك ما بدخلك لوح الشرف الأفريقي < شفت لوح الشرف الأفريقي ده كتير كيف ؟؟؟؟ < أيها الناس < حلنا في الإحلال والإبدال < الإحلال والإبدال يجب أن يكون بفهم < الخانة فيها مثلاً لاعبين < قول واحد متمرد والتاني ضعيف المستوى < نشطب ضعيف المستوى < ونجيب بدلو لاعب يجيد وجديد < ونستعين بلاعب من الرديف في نفس الخانة < يلعب الجديد مرة < ولاعب الرديف مرة < والمتمرد يقعد بره < تنتهي فترتو يدينا عجاج كرعينو < لانو لو شطبناهو بستفيد من باقي قريشاتو < وكيف يتمرد علينا وياكل قروشنا !!!! < الإحلال والإبدال يتم بوعي < خانة فيها وطني ومحترف < قول الاتنين ما قدر الطموح < نبحث عن لاعب في الخانة المعنية < لقينا وطني نشطب الوطني < لقينا اجنبي نشطب الاجنبي < وفي الحالتين نستعين بلاعب في نفس الخانة من الرديف < وهكذا نتخلص من الآفات ونصقل الاولاد < أولاد الرديف < ملحوظة < مازيمبي بقى يغلب ويكتل < اللهم لا ترنا مكروهاً لدرجة الكتل في عزيز لدينا < اها < نجي لي شمارات والي الخرتوم < كان شفت يا والينا < واحد قاعد يسمع موضوع المدينة < والناس ينضموا وينضموا ويقولوا لينا < جابوا سيرة الاقطان الطفشت عقلا لينا < وجابوا موضوع ريا وسكينة < صاحبنا بعد سمع كل القصص العندنا والسوتها فينا < وقصص الاراضي من الرياض حتى القطينة < اتلفت وقال لينا < وكت انبهلت واتشتت الرصاص موضوع مطار هيثرو شوفوهوا لينا < يمكن التعويض يطلع لينا سلك كهربا ننساك كيف وفي مطار هيثرو احتمال خواجه ينط لينا يتحلل يكمل الفينا والى لقاء سلك [/SIZE]في السلك - بابكر سلك