الكورة في الشَّبَكَة ومع المصور الشِبْكة
< أيها الناس
< مشكلات المريخ لكرة القدم كتيرة.
< ولعل أكبرها وأعمقها لم يتطرق له الناس.
< مشكلة المريخ التي تظهر في الاداء السلبي والعشوائي.
< تكمن في أن الفريق يلعب بدون صناعة لعب.
< بدون تنظيم هجومي واضح.
< بدون لاعب يعرف من اين تؤكل كتف الفرق المنافسة.
< ففيصل موسى وشيمليس يتمتعان بموهبة ويفتقدان للقوة.
< وللحجم الذي يساعد على الاستفادة من تلك الموهبة
< فشميلس مثلاً إذا لعبوا ليهو كورة عاليه أقنع منها.
< بتبقي زي الرفعت الثيرموس فوق وكبيت منو في فنجال قوة.
< لا الفنجال بتملي.
< ولا بتحافظ على القوة.
< وتبقي مهارة شيمليس متوقفة على وصول الكرة اليه بدون وجود للخصم يشترك.
< وكذا هو حال فيصل موسى كثير السقوط على الأرض لأقل احتكاك.
< أيها الناس.
< المريخ يحتاج إلى قوة وفتوة وفن.
< ومركز صناعة اللعب مركز حساس يصنع الفارق.
< هذا المركز في المريخ ما فيهو إلا سيدا
< وللأسف نفتقد سيدا.
< ولا ندري ما هو السبب في هذا التوقف بعد رحلة العلاج.
< ولكن حتما سنعرف الحقيقة برغم عدم الشفافية التي تميز المريخ عن غيره في هذه الفترة.
< ولكن تبقى حقيقة واحدة.
< المريخ يحتاج إلى هيثم.
< يحتاج إلى من يعرف كيف يصنع اللعب والفارق
< أو ...
< يحتاج إلى صانع ألعاب بنفس المهارة وقوي.
< عشان كده.
< خلونا من التسجيلات العشوائية.
< خلونا من الأفارقة الفات فيهم الفوات.
< جيبوا لينا لاعبين شباب.
< وصانع ألعاب هو من نحتاجه بشدة.
< وفكونا من الأجساد الواهية.
< القوة أساسية في كرة القدم.
< المهم
< ناس روشا لسه دايشين من ضربة الدفاع الجوي
< يطربقوا ساااااااااي.
< كأس ماجابوهو لعيبة حريفة ما بجيبوا خليفة يا روشا.
< فوقوا.
< محمد عبد الشافي اخو محمد عبد الماجد قال
< لا بعرف نجيل صناعي ولا بعرف نجيل طبيعي
< بعكسها بعكسها.
< ولسه ما عرفنا المصور بالضبط مالو.
< خلوا الغلب ومسكوا في المصور.
< خلوا الكورة في الشبكة وعملوا مع المصور الشِّبْكَة.
< المصور عمل شنو غير صورها في الشبكه
< كان ما يصورها يعني !!!!
< ده مفروض يوديها الكوافير كمان قبل الصورة.
< زول زملكاوي وفريقو جاب قون.
< يزعل يعني !!!
< أيها الناس
< للهلال أجر المحاولة.
< خمسة وتمانين سنة بحاول.
< ده الإنجاز الحقيقي للهلال.
< والزمالك فريق ضعيف.
< الفرق القوية هي التي تهزم الزمالك رايح جاي.
< وشوفوا.
< البغلب الزمالك رايح جاي.
< هو البشيل الكأس.
< على أسوأ الفروض بلعب النهائي.
< وعلى الهلال أن يكرر المحاولة.
< بطولة إفريقية يا شجرابي.
< هذا الرقم لا يمكن الوصول إليه حالياً.
< أرقد في السرير التاني وفكر كويس وحاول بكرة.
< تبقى ستة وتمانين سنة
< جينيس للأرقام القياسيه يا عمك.
< في هلالاب من ولدوهم لمن اولاد اولادهم عرسوا
< راجيين الهلال يجيب كأس افريقية.
< لمن خرفوا.
< وحصيلة الهلال الإفريقية صحراء جرداء لا كأس فيها ولا ماء.
< فصاحة بس.
< أها
< نجي لي شمارات والي الخرتوم
< كان شفت يا والينا
< أمس قرينا
< سبعة آلاف معلم من الولايات جايين الخرطوم يقرونا.
< هو الخرطوم فيها سبعة آلاف طالب يا والينا؟!
< ما كلهم ضربوا الورنيش عشان العيش.
< وفرشوا الخيش والكبير شويه دخل الديش.
< حتى البتاتي بشيش بشيش.
< ما فكر في مدرسة كلو فكروا في كيس العيش.سلك كهربا
ننساك كيف وامتحان الشهادة الجاي الجالسون ما بكونوا اكتر من تلاتة.
والللللللللللى لقاء
سلللللللللللللللك
[/SIZE]في السلك - بابكر سلك
