جرائم وحوادث
جان يطالب بإخلاء منزل أسرة بالكلاكلة شرق
إندلعت نيران مجهولة داخل منزل أسرة بضاحية الكلاكلة جنوب الخرطوم فيما إلتهمت ألسنة اللهب الأثاثات وملابس الاسرة كافة . وأوضح الشيخ الذي استعانت به الأسرة لإخراج الجن من المنزل وفقاً للشهود ، أوضح للأسرة أن (جان) طلب منه إخطار السكان بضرورة إخلاء المنزل . وقال شهود عيان ان النيران التي يرجح البعض أسباب اشتعالها لإحراق أصحاب المنزل لكومة من القمامة بالساحة التي تقع أمام المنزل مباشرة ، مؤكدين ان النيران التي توقفت عن الإشتعال بالمنزل في الاول من رمضان عاودت ألسنتها في التصاعد عقب عيد الفطر . يذكر أن الأسرة التي طلبت من صحيفة حكايات حجب أسماءها والتحفظ على نشر صورها ، قيدت بلاغاً لدى الشرطة التي أوفدت فرقة من الدفاع المدني للتحري حول ملابسات الحريق الغريب .
الشيخ ده جابوه يطلع الجان ولا خاشي واسطة خير- ظاهر عليه جان مكرب البخلي الشيخ يقيف في صف الجان و يوصل الرسالة للاسرة وبصراحة بيكون قال ليهو اللعبة انت اطلع منها و اقنع لي الناس ديل عشان يخلو البيت- هو الجان ده قائل البيت ده خطة اسكانية ولا شنو ونفرض انو لو خلو ليهو البيت كيف ح يسجلوا في الاراضي اكيد ح يوكل الشيخ:cool: 😎 😎
سمح الجان دا عايز شنو ؟ خلو رجل مثلاً :rolleyes:
هو نحن اصلا ناقصين المعارضين والسياسيين كرهونا من ترابي لمهدي لباقان لعرمان لعبدالواحد يجي الجان يعمل لينا قلقلة خلاص قول ليهوا اشتريهوا يا ايجار ساكت مافي نحن حقنا ما بنفرط فيه اعمل حسابك قول ليهوا تحرق تنطط بطريقتك
يا ربي الجان ده يكون بنغالي
ولا يكون من المصريين البجو اليومين ديل
الله اعلم!