بابكر سلك
ﺍﻟﻜﻨﻐﻮ ﻛﻮﻧﻴﻜﺸﻦ
ﻣﺒﺎﺭﻳﺎﺗﻪ ﻳﺰﺩﺍﺩ ﻳﻮﻣﻴﺎً
> ﻛﻮﻟﻮﻣﺒﻴﺎ
> ﻧﺎﺱ ﺍﻟﺒﺤﺮ
> ﻣﺸﻮﺍ ﺍﻟﺒﺮﺍﺯﻳﻞ ﻣﻦ ﺍﻟﺒﺤﺮ
> ﻭﻓﺘﺤﻮﺍ ﺧﻴﺎﻝ ﻟﻲ ﺑﻬﻨﺎﻙ
> ﺗﺴﻌﺔ ﻧﻘﺎﻁ ﻣﻦ ﺗﺴﻌﺔ ﻧﻘﺎﻁ
> ﻭﺍﻟﺨﻮﻑ ﻳﻔﺘﺤﻮﺍ ﺧﻴﺎﻝ ﺯﻳﺎﺩﺓ
> ﺍﻟﻤﻨﺘﺨﺒﺎﺕ ﺍﻟﻜﺒﻴﺮﺓ ﺍﺗﻀﺢ ﺍﻧﻬﺎ ﻣﺎ ﺧﻄﻴﺮﺓ
> ﺗﻨﻘﻄﻌﺘﺎ ﻓﺎﺭﻏﺔ ﺳﺎﻱ
> ﻃﺎﺭﻭﺍ
> ﻛﻠﻬﻢ ﻓﻲ ﺍﻟﺤﺘﺎﻧﺔ
> ﻭﺭﺑﻨﺎ ﺍﻧﻘﺬ ﻣﻠﻜﺔ ﺑﺮﻳﻄﺎﻧﻴﺎ
> ﺍﻟﺤﻤﺪ ﻟﻠﻪ ﺍﻳﻄﺎﻟﻴﺎ ﺍﺗﻐﻠﺒﺖ
> ﻟﻮ ﺍﻳﻄﺎﻟﻴﺎ ﻏﻠﺒﺖ
> ﻭﺟﺎﺏ ﺍﻟﻘﻮﻥ ﺑﺎﻟﻮﺗﻮﻟﻲ
> ﺍﻟﻤﻠﻜﺔ ﻛﺎﻥ ﻛﺮﻫﺖ ﺍﻟﻴﻮﻡ ﺍﻟﻌﻤﻠﻮﺍ ﻓﻴﻬﻮ
ﺑﺮﻳﻄﺎﻧﻴﺎ ﻋﻈﻤﻰ
> ﻛﺎﻥ ﻓﺮﺡ ﺍﻟﺸﻌﺐ ﺍﻻﻧﺠﻠﻴﺰﻱ ﺑﺎﻟﺘﺄﻫﻞ
> ﻭﻟﻜﻦ ﺗﺪﻓﻊ ﺍﻟﺘﻤﻦ ﺍﻟﻤﻠﻜﺔ ﺑﺮﺍﻫﺎ
> ﻭﻳﺎ ﺭﻳﺖ ﻟﻮ ﻛﻞ ﺍﻟﺮﺅﺳﺎﺀ ﻭﺍﻟﻤﻠﻮﻙ ﻓﻲ ﺍﻟﺪﻧﻴﺎ
ﺗﺘﻬﻨﺎ ﺷﻌﻮﺑﻬﻢ ﻭﻳﺪﻓﻌﻮﺍ ﺍﻟﺘﻤﻦ ﻫﻢ
> ﻻﻧﻨﺎ ﺍﻋﺘﺪﻧﺎ ﻓﻲ ﺍﻟﺪﻧﻴﺎ ﺩﻱ ﻋﻠﻰ ﺍﻥ ﻳﺘﻬﻨﺎ
ﺍﻟﻤﻠﻮﻙ ﻭﺍﻟﺮﺅﺳﺎﺀ ﻭﺗﺪﻓﻊ ﺍﻟﺘﻤﻦ ﺍﻟﺸﻌﻮﺏ
> ﺍﻟﻤﻬﻢ ﺍﻟﻤﻠﻜﺔ ﺭﺑﻨﺎ ﻣﺮﻗﻬﺎ
> ﺍﻣﻬﺎ ﺩﺍﻋﻴﺔ ﻟﻴﻬﺎ
> ﻭﻟﻜﻦ ﺑﺮﻏﻢ ﻣﺘﻌﺔ ﻛﺄﺱ ﺍﻟﻌﺎﻟﻢ
> ﺑﺮﻏﻢ ﺍﻟﺘﻔﺎﻋﻞ ﻣﻌﻪ
> ﺍﻻ ﺍﻧﻲ ﺍﺗﻤﻨﻰ ﺍﻥ ﻳﻨﺘﻬﻲ ﺍﻟﻴﻮﻡ ﻗﺒﺎﻝ ﺑﺎﻛﺮ
> ﺩﺍﻳﺮ ﻛﺄﺱ ﺍﻟﻌﺎﻟﻢ ﻳﻨﺘﻬﻲ ﺑﻲ ﺳﺮﻋﺔ
> ﻋﺸﺎﻥ ﺩﻭﺭﻱ ﺍﻟﻤﺠﻤﻮﻋﺎﺕ ﻳﺪﻭﺭ
> ﻋﺸﺎﻥ ﺍﻟﻬﻼﻝ ﻳﻤﺸﻲ ﺍﻟﻜﻨﻐﻮ
> ﻭﺩﺍﻙ ﻋﺎﺩ ﻳﻮﻡ ﻧﺼﺎﺡ
> ﻟﻠﻤﻄﺎﺭ ﻧﻘﺪﻡ ﺍﻟﻬﻼﻝ
> ﺍﻟﺮﺟﺎﻝ ﻳﻬﺰﻭ ﻭﻳﺮﺯﻭ
> ﺍﻟﻨﺴﻮﺍﻥ ﻳﺰﻏﺮﺩﻥ
> ﺍﻟﺸﻔﻊ ﻳﺼﻔﻘﻮﺍ
> ﻋﺎﺩ ﺍﻟﻬﻼﻝ ﻫﻴﻦ ﻭﻻ ﻟﻴﻦ
> ﺍﻟﻬﻼﻝ ﻣﺎﺷﻲ ﺍﻟﻜﻨﻐﻮ
> ﺳﻔﺮﻳﺔ ﻃﻮﻭﻭﻭﻭﻭﻳﻠﺔ
> ﺍﻟﻜﻨﻐﻮ ﻛﻮﻧﻴﻜﺸﻦ
> ﻳﺼﻞ ﺍﻟﻜﻨﻐﻮ ﻭﻳﺮﻛﺐ ﻣﻦ ﻫﻨﺎﻙ ﺍﻟﻄﻴﺎﺭﺓ ﺍﻟﺠﺪ
ﺟﺪ
> ﻃﻴﺎﺭﺓ ﺍﻟﺤﺘﺎﻧﺔ
> ﻋﺸﺎﻥ ﻛﺪﻩ ﺇﻥ ﺷﺎﺀ ﺍﻟﻠﻪ ﻛﺎﺱ ﺍﻟﻌﺎﻟﻢ ﻳﻨﺘﻬﻲ
ﺳﺮﻳﻊ
> ﺇﻥ ﺷﺎﺀ ﺍﻟﻠﻪ ﺍﻟﺨﻮﺍﺟﺎﺕ ﺩﻳﻞ ﺍﻟﻠﻪ ﻳﻬﺪﻳﻬﻢ
ﻭﻳﻠﻐﻮﺍ ﺑﺎﻗﻲ ﻛﺎﺱ ﺍﻟﻌﺎﻟﻢ ﻟﻲ ﺭﻣﻀﺎﻥ
> ﺍﻟﻤﻬﻢ ﻛﺎﺱ ﺍﻟﻌﺎﻟﻢ ﻳﻨﺘﻬﻲ
> ﻋﺸﺎﻥ ﺗﺒﺘﺪﻱ ﺣﺎﺟﺎﺕ ﻛﺘﻴﺮﺓ ﻭﺗﻨﺘﻬﻲ
> ﻭﻣﻄﺎﺭ ﺍﻟﺤﺘﺎﻧﺔ ﺍﻟﺪﻭﻟﻲ ﺑﺴﺘﻘﺒﻞ ﺍﻛﺒﺮ ﻋﺪﺩ ﻣﻦ
ﺍﻟﺴﻔﺮﻳﺎﺕ ﻓﻲ ﺍﻟﻴﻮﻡ
> ﺑﺲ ﺍﻟﻄﻴﺎﺭﺓ ﺗﻘﻮﻡ
> ﺍﻟﻤﻬﻢ
> ﺷﻔﺖ ﻟﻲ ﺻﻮﺭﺓ ﻟﻠﻤﺮﻳﺦ ﻓﻲ ﺩﻧﻘﻼ
> ﺟﻮﺍﺭ ﺍﻟﺒﺺ ﻣﺎﺷﺎﺀ ﺍﻟﻠﻪ
> ﻛﻤﻴﺔ ﻣﻦ ﺍﻻﺷﺒﺎﻝ ﻣﻊ ﺍﻟﺒﻌﺜﺔ
> ﺩﻩ ﺍﻟﻜﻼﻡ
> ﻭﺩﻱ ﺍﻟﺨﻄﻮﺓ ﺍﻟﺘﻤﺎﻡ
> ﻭﺩﻩ ﺩﺭﺑﻨﺎ ﺑﺘﺎﻉ ﺍﻟﺠﻮﻳﺎﺕ ﺍﻟﺰﻣﺎﻥ
> ﻗﻠﻴﻞ ﻣﻦ ﻭﻗﻔﺔ ﺍﻟﺸﻔﻮﺕ ﻣﻊ ﺍﻟﺼﻐﺎﺭ
> ﻳﺒﻘﻰ ﺍﻟﺼﻐﺎﺭ ﺷﻔﻮﺕ ﺑﻴﻦ ﻳﻮﻡ ﻭﻟﻴﻠﺔ
> ﻭﻧﺸﻮﻓﻬﻢ ﻋﻠﻰ ﻣﻨﺼﺎﺕ ﺍﻟﺘﺘﻮﻳﺞ ﺍﻻﻓﺮﻳﻘﻴﺔ ﻣﺜﻞ
ﺍﺧﻮﺓ ﺳﺒﻘﻮﻫﻢ ﻗﺒﻞ ﺫﻟﻚ
> ﺍﻳﻬﺎ ﺍﻟﻨﺎﺱ
> ﺭﻣﻀﺎﻥ ﻋﻠﻰ ﺍﻻﺑﻮﺍﺏ
> ﻭﻟﻜﻦ
> ﻫﻞ ﻳﺠﻮﺯ ﺻﻮﻡ ﺍﻟﺰﻭﻝ ﺑﺪﻭﻥ ﻓﻄﻮﺭ ﻭﺑﺪﻭﻥ
ﺳﺤﻮﺭ ﻭﺑﺪﻭﻥ ﺣﻖ ﺍﻟﻔﻄﺮﺓ !!!!!!!
> ﺑﺎﻟﻔﻄﺮﺓ ﻛﺪﻩ ﺑﺠﻮﺯ ؟؟؟؟
> ﺍﻫﺎ
> ﻧﺠﻲ ﻟﻲ ﺷﻤﺎﺭﺍﺕ ﻭﺍﻟﻲ ﺍﻟﺨﺮﺗﻮﻡ
> ﻛﺎﻥ ﺷﻔﺖ ﻳﺎ ﻭﺍﻟﻴﻨﺎ
> ﻟﻤﺎ ﻗﻠﺖ ﺇﻥ ﺷﺎﺀ ﺍﻟﻠﻪ ﻛﺎﺱ ﺍﻟﻌﺎﻟﻢ ﻳﻨﺘﻬﻲ
> ﻭﺍﺣﺪ ﻗﺎﻝ ﻟﻲ ﺇﻥ ﺷﺎﺀ ﺍﻟﻠﻪ ﺍﻟﻌﺎﻟﻢ ﺫﺍﺗﻮ ﻳﻨﺘﻬﻲ
> ﻗﻠﺖ ﻟﻴﻬﻮ ﻟﻤﺎ ﻭﻟﻤﺎﺫﺍ ﻭ ﻟﻴﻴﻴﻴﻴﻴﻴﻴﻴﻴﻴﻴﻴﻪ ﺗﺪﻋﻲ
ﻋﻠﻴﻨﺎ؟
> ﻗﺎﻝ ﻟﻲ ﺩﺍﻳﺮﻳﻦ ﻧﺸﻮﻑ ﺣﺴﺎﺑﺎً ﻫﻨﺎﻙ ﻟﺪﻳﻨﺎ
> ﺍﻟﺘﻤﻦ ﺍﻟﺪﻓﻌﻨﺎﻫﻮ ﻓﻲ ﺩﻧﻴﺘﻨﺎ ﺍﻟﺠﻤﻴﻠﺔ ﺩﻱ
> ﻓﻲ ﻧﺎﺱ ﻣﻔﺮﻭﺽ ﻫﻨﺎﻙ ﻳﺮﺩﻭﻫﻮﺍ ﻟﻴﻨﺎ
> ﻗﻠﺖ ﻟﻴﻬﻮ ﻳﺎ ﻭﺍﻟﻴﻨﺎ
> ﻛﺎﻥ ﻛﺪﻱ ﺭﺑﻚ ﺭﺏ ﺍﻟﺨﻴﺮ ﻧﻬﺎﻳﺔ ﺍﻟﺪﻧﻴﺎ ﻳﻌﺠﻠﻬﺎ
ﻟﻴﻨﺎ
ﺳﻠﻚ ﻛﻬﺮﺑﺎ
ﻧﻨﺴﺎﻙ ﻛﻴﻒ ﻭﺍﻟﻨﺎﺱ ﺗﻐﻨﻲ ﻣﻊ ﺍﻟﻘﻠﻊ ﺇﻥ ﺷﺎﺀ ﺍﻟﻠﻪ
ﺍﻟﻘﻴﺎﻣﺔ ﺗﻘﻮﻡ
والللللللللللللى لقاء
سلللللللللللللللللللك
في السلك – بابكر سلك
