حليمة اللئيمة

الامبراطور برضو بقي دقة قديمة- انت لسه من زمن الامبراطورات- ايها الامبراطور ان كان بيتك من زجاج فلا ترمي الاخرين بالحصا فرب درابة من قاري يواظب علي قراءة عمود مني ويلتهم ما فيه من مطايب ومسبكات وكمان تونات كفيله بتقويض امبراطوريتك- وانت عارف الاستاذة مني البفك فيها حجر نحن نرميه بالدراب ويعلم الله درابنا لو فكيتو في شاشة بحولا الي بكسلات و الي ميقابايتات ما نافعة

اتأأأأأأأأأأأأأأأأأأأأأأأأأأأأأأأأأأأري معقولة بس . يمكن المقال دا من قديم جديد الاستاذة مني .

الله يديك العافية قصصك رائعة

اختي المينيه بت عشه ام الرير عندك مقال في الراي العام شنو الحكاية بقيتي تكتبي
بالمقال وعنداللزوم وبعدين ما ممكن يكون واحد اسمو هيثم وامو حليمة .الظاهر ابو هيثم مبصم للولية دي في مرادو تموت اليوم قبل بكره علشان يلقي ليهو واحده كده عسوليه .طيب دى ناس المؤتمر الوطني ما يدخلوها الانتخابات علشان الحركة تفرزعم واحد واحد

يجازي محنك ياالمراقب والله فكرة جهنمية حليمة دي لو نزلت انتخابات تجهجه ليك الجماعة جهجهة الجن لانو لامتها ذاتها لئيمة …!!!! وياود البقعة كلنا دقة قديمة عارف
قلت لي بناتي ( فلانة ) دي كلامها دراب بي خشم واحد قالوا لي دراب يعني شنو
ياماما ..!!؟؟

كنت اود التعليق على مقال الاستاذه ولكنني تهت وسط متاهةالسلم والثعبان بين الامبراطور وود البقعة وبالانجليزي داك مين ما عارف زي ما قال عادل امام…. فقد حمي الوطيس ولكم التحية
لكن انتو في اتاري الاستاذه منى ولا في حكايتي مع المفعوص ابننا الهمام فقد طلب مني من على البعد ان احضر له بي اس بي (بي ا لتقيلة ) يعني بالعربي كدة psp
فقلت له (ما حافظه ) زي ما قال فنان الحيرة عندما نبهوه الى ملحوظة في هندامه
المهم لم ينعتني بالجهل لاني والده وان كان لسان حاله يقول والله( الجلك ده خرف )فقال لي يا والدي العزيز(العزيز دي من عندي) ادخل محرك البحث قوقل واكتب بالانجليزي psp ففعلت فظهرت امامي شاشة عملاقة وبها عدد هائل من اجهزة البلي استيشن تمد لسانها لي وتقول لي بي اس بي معناها بلي استيشن محمول(بلي استشن بورتبل) يا جاهل بالعولمةولا ادري هل الانجليز ي غيروه ولا شنو( بورتبل )دي ما كان زمان قاعدين يختوها في البداية!! المهم ما علينا …اجبت في نفسي (النجم يا بني كان اقرب) لانو السعر بالدولار ولا شئ آخر فشركة سوني تعودت ادهاشنا باستمرار حتى اصبح السلطان دهشان اقل اندهاشا مناولكني اقتنعت الآن بان العولمة حصان سريع لا ينبغي للكهول امثالي مجاراته ودمتم الاخوة معجبي الاستاذه والتي لم اكن اعلم باي حال انها فنية او اختصاصية تحاليل الا من مقال الامس فلها التحية ولكن نوصيها بان تكلم لينا الاخوة الدكاترة يعني ما معقولة بس ..افتح خشمك ….خد نفس ….قول آآآآ …هات ميه وخمسين!!!!

الاخ الامبراطور فلينزل عليك درابنا هونا وسلاما ومحسوبك ود البقعة من نفس الفي بالك -امدرماني اصيل ابا عن جد – الاب من البقعة و الام من البقعة من الناس العندهم اراضي زراعية جنب الكوبري القديم و الجديد- كبري الانقاذ ولما عملوا الكبري القديم جاء علي املاك جدي فتم التعويض لهم من زمن الانجليز- ايها الامبراطور ما تقول انا برمي دراب و افيدك معلومة انو اراضينا مسجلة ملك حر مش حكر – كفاية كدي ولا اخدك في جولة امدرمانية في الاحياء القديمة تحب نبدأ من شارع الموردة ولا شارع الاربعين- و لا اخدك في جولة واختك وسط اهلي الجموعية و الفتيحاب- تحياتي ايها الامبراطور مجددة وما كنا نود ان نزعزع كيان امبراطوريتك العتيقة- عش امبراطور كما تود -وعلينا ان ندفق في ثيابك كثيرا من صبغة الاحترام حتي يصير زيك”ملابسك” الامبراطوري كجلباب درويش مرقع تجذبة دقات النوبة في حمد النيل جذبا ويهيم حتي ينسي كتابات الاخت مني و تعليقات ود البقعة وحتي يعود اليه معدل الضغط الطبيعي وبعد ان تنزع شوكة ود البقعة من رجلك اليمني -اوعي تقول لي الشوكة دي في القلب=- لك التحية ونرجو المعذرة -سيادة الامبراطور- فليصفح عني سيادة الامبراطور و ان يلغي المرسوم الامبراطوري الخاص بملاحقتي وان يعفي كبار قادته من ملاحقتي الكترونيا- امتي ارجع لامدر واعودا

يا جماعة الخير باركوها .. نحنا راكوبتنا دي للونسة الحلوة الملانة بالطيبة والمحنة .. لا فيها حزازات ولا محاولات اقصاء ولا كلام مر ما بتبلع .. وكلامك يا الامراطور على العين والراس وفعلا الواقعة البنيت عليها نجر المادة قديمة وان كان لا يمنع انو الاتاري لسه قاعد في السودان .. شنو ليك هدا ذراع المحرك بتاع اتاري اولادي القديم مرمي قدامي وأنا قاعدة أكتب ليكم .. يللا بلاش مشاكل وتعالوا نتصالح 😎

الاخت الفاضله بت سلمان لك التحيه والتقدير. والمسامح كريم وقبلنا التصالح اذا كانت دعوة التصالح تشملني أنا وأخوى الكاشف (ه)