بابكر سلك
ﻧﺤﻨﻜﻢ ﻳﻌﻨﻲ ﻳﺎ ﻭﺍﻟﻴﻨﺎ ؟
> ﻳﺎ ﺣﻠﻴﻞ ﺭﻣﻀﺎﻥ
> ﺍﻟﻔﻀﻞ ﻓﻴﻬﻮ ﺯﻣﻦ ﻣﺰﺍﻧﻖ ﺷﺪﻳﺪ
> ﻟﻤﻠﻴﻢ ﻗﺮﻭﺵ ﻟﻠﻌﻴﺪ ﻣﺎ ﺑﻜﻔﻲ
> ﺍﻟﺸﻔﻊ ﺩﺍﻳﺮﻳﻦ
> ﻗﻮﻝ ﻏﺸﻴﻨﺎﻫﻢ
> ﺃﻣﻬﻢ ﺩﻱ ﻛﻴﻒ ﻋﺎﺩ ؟؟؟
> ﻻ ﺑﺘﺘﻐﺸﻪ ﻭﻻ ﺑﺘﺘﻔﺸﻪ
> ﻟﻮ ﺟﺒﺖ ﻟﻴﻬﺎ ﺗﻴﺎﺏ ﺩﺑﻲ ﻛﻠﻬﺎ ﻣﺎ
ﺑﺘﺘﻔﺸﻪ
> ﻭﺣﻖ ﺍﻟﻜﻌﻚ
> ﻭﺍﻳﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻚ
> ﺍﻟﺴﺘﺎﺋﺮ
> ﺍﻟﺴﺘﺎﺭﺓ ﺭﻛﺒﻨﺎﻫﺎ ﺍﻟﻌﻴﺪ ﺍﻟﻔﺎﺕ
ﺷﺮﻛﺔ
> ﺟﺪﻳﺪﺓ ﻟﻨﺞ
> ﻟﻲ ﺍﺳﻲ ﺑﺪﻓﻊ ﻓﻲ ﺍﻗﺴﺎﻃﻬﺎ
> ﻟﺴﻪ ﺍﻗﺴﺎﻃﻬﺎ ﻣﺎ ﺍﻧﺘﻬﺖ
> ﻗﺎﻟﻮﺍ ﺍﻳﻪ
> ﻗﺪﻳﻤﺔ ﻭﺩﺍﻳﺮﻳﻦ ﻭﺣﺪﺓ ﺟﺪﻳﺪﺓ
ﻟﻠﻌﻴﺪ
> ﻏﺎﻳﺘﻮ ﻳﺎ ﺭﻣﻀﺎﻥ ﻻ ﺗﻔﻮﺕ ﻻ
ﺗﻤﻮﺕ
> ﺍﺻﻠﻚ ﻣﺎ ﺗﻨﺘﻬﻲ
> ﻛﺎﻥ ﺍﻧﺘﻬﻴﺖ ﺑﻨﻨﺘﻬﻲ ﻣﻌﺎﻙ
> ﺑﻨﺘﻤﻘﻠﺐ
> ﻋﻨﺪﻱ ﺟﺎﺭﻱ ﻗﺎﻝ ﺇﻥ ﺷﺎﺀ ﺍﻟﻠﻪ
ﻳﻮﻡ ﺗﺴﻌﺔ ﻭﻋﺸﺮﻳﻦ ﺭﻣﻀﺎﻥ ﻳﻘﻮﻟﻮﺍ
ﻛﺎﻥ ﻓﻲ ﻏﻠﻂ ﻭﻳﻌﻴﺪﻭﻫﻮﺍ ﻟﻴﻨﺎ
> ﻛﻴﺘﺎ ﻋﻠﻲ ﺍﻟﻨﺴﻮﺍﻥ
> ﺍﻟﻤﻬﻢ
> ﺍﻋﺪﺍﺩ ﺍﻟﺸﺒﺎﺏ ﻣﺎﺷﻲ ﺗﻤﺎﻡ
> ﻭﻟﻤﺎ ﻧﻘﻮﻝ ﺍﻟﺸﺒﺎﺏ ﺣﺎﻟﻴﺎً ﻧﻌﻨﻲ
ﺍﻟﻔﺮﻳﻖ ﺍﻟﻜﺒﻴﺮ
> ﻻﻧﻮ ﻣﻌﻈﻤﻮ ﺷﺒﺎﺏ
> ﻣﻬﻨﺪ ﺍﻟﻄﺎﻫﺮ ﻟﻮ ﻓﻜﻴﺖ ﻋﻤﺮﻭ
> ﻳﺠﻴﺐ ﺍﻋﻤﺎﺭ ﺗﻼﺗﺔ ﻣﻦ ﺍﻭﻻﺩﻧﺎ
ﺍﻻﺳﺎﺳﻴﻴﻦ
> ﻭﺍﻟﻐﺮﻳﺒﺔ ﻋﻤﺮ ﺑﺨﻴﺖ
> ﺑﺠﻴﺐ ﻟﻴﻬﻮ ﺍﻋﻤﺎﺭ ﺍﺭﺑﻌﺔ ﺧﻤﺴﺔ
ﻓﻴﻬﻢ ﺍﺗﻨﻴﻦ ﻣﻦ ﺍﻟﻘﺪﺍﻡ
> ﻋﺸﺎﻥ ﻛﺪﻩ ﻧﺤﻨﺎ ﺑﻨﻤﺸﻲ ﻟﻲ ﻗﺪﺍﻡ
> ﺧﻠﻴﻔﺔ ﺩﻩ ﻣﺎ ﺗﺸﻮﻓﻮﻫﻮﺍ ﻛﺪﻩ
> ﻣﺎ ﻫﻮﻳﻦ
> ﻗﺮﺝ ﺳﺎﻱ
> ﻣﻦ ﺍﺳﻤﻮ ﺩﻩ ﺍﻟﺰﻭﻝ ﺩﻩ ﺩﺣﻴﻦ ﻣﺎ
ﻣﻦ ﻧﺎﺱ ﺍﻭﺍﺧﺮ ﺍﻟﺨﻤﺴﻴﻨﺎﺕ ﺑﺪﺍﻳﺔ
ﺍﻟﺴﺘﻴﻨﺎﺕ ؟؟
> ﻻﻗﺎﻛﻢ ﺯﻭﻝ ﻭﻟﺪﻭﻫﻮﺍ ﺗﻤﻨﻴﻦ
ﺍﺳﻤﻮ ﺧﻠﻴﻔﺔ ؟؟؟
> ﻓﻲ ﺍﻻﻣﺎﺭﺍﺕ ﺧﻠﻮﻫﻮﺍ ﺍﻻﺳﻢ ﺩﻩ
> ﺍﻟﺰﻭﻝ ﺩﻩ ﺣﺠﻴﺮﻱ ﺳﺎﻱ
> ﺍﻟﻤﻬﻢ
> ﺍﻋﺪﺍﺩﻧﺎ ﻣﺎﺷﻲ ﻃﻴﺐ
> ﻭﺻﺪﻗﻮﻧﻲ ﻛﻠﻮ ﻳﻮﻡ ﺑﺘﻈﻬﺮ ﻓﺎﺋﺪﺓ
ﺍﻟﺮﺟﻮﻉ ﻟﻠﺤﻖ ﻭﺍﻻﻋﺘﻤﺎﺩ ﻋﻠﻰ
ﺍﻟﺼﻐﺎﺭ
> ﻭﻓﻲ ﻭﺿﻊ ﺯﻱ ﺩﻩ
> ﻛﺎﻥ ﻣﻔﺮﻭﺽ ﻳﺴﺘﻤﺮ ﺍﻟﻮﺍﻟﻲ
> ﻻﻧﻪ ﻭﺿﻊ ﻣﺤﺘﺎﺝ ﻟﻲ ﺭﻋﺎﻳﺔ
> ﻭﺍﻟﺮﻋﺎﻳﺔ ﻣﺎ ﺩﻋﺎﻳﺔ
> ﺭﻋﺎﻳﺔ ﺣﺎﺿﺮﺓ ﻭﻛﺎﺷﻬﺎ ﺑﺮﻩ
> ﻧﺶﺀ ﺯﻱ ﺩﻳﻞ ﻭﺍﺍﺍﺍﻭ ﺑﺘﺸﻴﺐ
ﺷﻌﻮﺭﻫﻢ ﻗﺒﻞ ﻳﻮﻣﻬﻢ
> ﻭﻧﺒﺪﺃ ﻣﻦ ﺍﻟﺼﻔﺮ
> ﻋﺸﺎﻥ ﻛﺪﻩ ﻳﺎ ﺟﻴﻤﻲ
> ﺣﻘﻮ ﺗﺨﻠﻲ ﺍﻻﻭﻻﺩ ﺩﻝ ﻳﻘﻮﻯ
ﻋﻮﺩﻫﻢ
> ﻭﺑﻌﺪ ﺩﺍﻙ ﻣﻤﻜﻦ ﺗﻌﻤﻞ ﺍﻟﺪﺍﻳﺮﻭ
> ﻟﻜﻦ ﺗﺨﻠﻲ ﺍﻟﺰﺭﻉ ﻳﺎ ﺩﻭﺑﻚ ﻣﺒﺘﻖ
> ﺑﻤﻮﺕ ﻋﻄﺶ ﻳﺎ ﻓﺮﺩﺓ
> ﺍﻳﻬﺎ ﺍﻟﻨﺎﺱ
> ﻭﺍﺣﺪ ﺑﺘﺎﻉ ﺑﺤﺮ ﺻﺎﻳﻢ
> ﻣﺮﺷﺮﺵ ﺍﻟﻮﺍﻃﻪ
> ﻭﻻﺑﺲ ﺳﺒﺤﺔ
> ﻭﻋﺎﻣﻞ ﻟﻴﻚ ﻓﻴﻬﺎ ﺍﺑﻮ ﺍﻟﻮﺭﻉ ﺫﺍﺗﻮ
> ﻗﺎﻋﺪ ﻳﺘﻮﻧﺲ ﻣﻊ ﺻﺎﺣﺒﻮ
> ﻧﻐﻤﺔ ﺭﺳﺎﻟﺔ ﺟﺎﺕ ﻓﻲ ﻣﻮﺑﺎﻳﻠﻮ
> ﻗﺮﺍﻫﺎ ﻭﺧﺘﻪ ﺍﻟﻤﻮﺑﺎﻳﻞ ﻭﻣﺎ ﻋﻠﻖ
> ﺗﺎﻧﻲ ﺭﺳﺎﻟﺔ
> ﻋﻤﻞ ﻧﻔﺲ ﺍﻟﺤﻜﺎﻳﺔ
> ﻭﻭﺍﺻﻞ ﻳﺘﻮﻧﺲ
> ﺭﺍﺑﻂ ﻟﻴﻬﻮ ﺷﺮﻳﻂ ﻓﻲ ﺭﺍﺳﻮ
ﺗﻘﻮﻝ ﻛﺎﺑﺘﻦ ﺍﻟﺼﺎﺋﻤﻴﻦ
> ﺗﺎﻧﻲ ﺟﺎﺕ ﺭﺳﺎﻟﺔ
> ﻗﺮﺍﻫﺎ ﻭﻗﺎﻝ ﻟﻲ ﺻﺎﺣﺒﻮ
> ﻋﻠﻲ ﺍﻟﻴﻤﻴﻦ ﺍﻟﺮﺳﺎﺋﻞ ﺍﻟﺪﻳﻨﻴﺔ
ﺍﻟﺠﺎﺗﻨﻲ ﻣﻦ ﺑﺪﺍﻳﺔ ﺭﻣﻀﺎﻥ ﻟﻲ ﺍﺳﻲ
> ﻣﻮﺑﺎﻳﻠﻲ ﻗﺮﺑﺖ ﺗﻘﻮﻡ ﻟﻴﻬﻮ ﺩﻗﻦ
> ﺍﻫﺎ
> ﻧﺮﺟﻊ ﻟﻲ ﺍﻟﺨﻼﻓﺎﺕ ﺍﻟﻜﺘﻴﺮﺓ
ﺍﻟﺒﺪﺕ ﺗﻈﻬﺮ ﻣﺆﺧﺮﺍً ﻓﻲ ﺍﻟﻤﺮﻳﺦ
> ﺍﻟﺨﻼﻓﺎﺕ ﺍﻟﺨﻠﺘﻨﺎ ﺳﻤﻴﻨﺎ ﺍﻟﻤﺮﻳﺦ
ﺃﺑﻴﻲ
> ﺍﻟﺨﻼﻓﺎﺕ ﺍﻟﻤﺎ ﻋﻨﺪﻫﺎ ﺍﻱ ﺍﺳﺎﺱ
> ﺗﻮﺗﺮ ﺳﺎﻱ ﻭﺑﻠﺒﻠﺔ ﻣﺎ ﻟﻴﻬﺎ ﻣﻌﻨﻰ
> ﻭﺣﻘﻮ ﺍﻟﻨﺎﺱ ﺗﻔﻜﺮ ﻟﻠﺤﻜﺎﻳﺔ ﺩﻱ
> ﻭﻣﺎ ﺍﺟﻤﻞ ﻗﺎﻣﺎﺕ ﺍﻟﻤﺮﻳﺦ
ﺍﻟﺸﺎﻫﻘﺔ ﺣﻴﻦ ﺗﻘﻒ ﺍﻟﻰ ﺟﻮﺍﺭ
ﺑﻌﻀﻬﺎ
> ﻣﻨﻈﺮ ﺑﺪﻳﻊ ﻛﺄﻧﻬﺎ ﺗﺠﻤﻊ ﻧﺎﻃﺤﺎﺕ
ﺳﺤﺎﺏ
> ﻭﻋﺸﺎﻥ ﻣﺎ ﻧﺎﻃﺤﺎﺕ ﺍﻟﺴﺤﺎﺏ
ﻳﺒﻘﻰ ﻣﺼﻴﺮﻫﺎ ﻣﺼﻴﺮ ﺑﺮﺟﻲ ﺍﻟﺘﺠﺎﺭﺓ
> ﻭﻳﺠﻮﺍ ﺍﻟﺪﺍﻳﻤﺔ ﻓﻲ ﻣﺸﻬﺪ
ﻣﺄﺳﺎﻭﻱ
> ﺣﻘﻮ ﻳﺨﻠﻮﺍ ﺑﺎﻟﻬﻢ ﻟﻠﻄﻴﺎﺭﺍﺕ
> ﺍﻟﻄﻴﺎﺭﺍﺕ ﺍﻟﺒﺘﻄﻴﺮ ﻣﻦ ﻧﺎﻃﺤﺔ
ﺳﺤﺎﺏ ﺷﺎﻳﻠﺔ ﻛﻼﻡ
> ﻭﺗﻮﺩﻳﻬﻮ ﻟﻨﺎﻃﺤﺔ ﺳﺤﺎﺏ ﺟﺎﻳﺒﺔ
ﻛﻼﻡ
> ﺍﻟﻄﻴﺎﺭﺍﺕ ﺩﻱ ﻫﻲ ﺍﻟﺮﻣﺖ ﺑﺮﺟﻲ
ﺍﻟﺘﺠﺎﺭﺓ ﻋﻠﻰ ﻋﻴﻨﻚ ﻳﺎ ﺗﺎﺟﺮ
> ﻳﺒﻘﻰ ﻣﺎ ﺗﺘﺎﺟﺮﻭﺍ ﺑﺎﻟﻤﻮﺍﻗﻒ
> ﻭﺗﻔﻘﺪﻭﺍ ﺍﻟﻤﺮﻳﺦ ﺍﻟﻜﺘﻴﺮ
> ﻋﻠﻰ ﺍﻻﻗﻞ ﻗﺎﻣﺎﺕ ﻭﻣﻘﺎﻣﺎﺕ
> ﻭﻋﻠﻰ ﺍﻟﻘﺎﻣﺎﺕ ﺍﻟﺒﺎﺳﻘﺎﺕ ﺍﻥ
ﻳﺘﻤﺴﻜﻮﺍ ﺑﻘﺎﻣﺎﺗﻬﻢ
ﻭﻻ ﻳﻨﺰﻟﻮﺍ ﻟﻠﺼﻐﺎﺋﺮ
> ﻭﻣﺮﻳﺦ ﻳﺎ
> ﻣﺮﻳﺦ ﻳﻌﻴﺶ
> ﺍﻫﺎ
> ﻧﺠﻲ ﻟﻲ ﺷﻤﺎﺭﺍﺕ ﻭﺍﻟﻲ ﺍﻟﺨﺮﺗﻮﻡ
> ﻛﺎﻥ ﺷﻔﺖ ﻳﺎ ﻭﺍﻟﻴﻨﺎ
> ﻋﺸﺎﻥ ﻧﺠﻬﺰ ﻟﻠﻌﻴﺪ ﺑﺎﻗﻲ ﺭﻣﻀﺎﻥ
ﻣﺎ ﺑﻜﻔﻴﻨﺎ
> ﻳﺎ ﺯﻳﺪﻭﻫﻮﺍ ﻟﻴﻨﺎ
> ﻳﺎ ﻓﻲ ﺑﺎﻗﻴﻬﻮ ﺩﻩ ﺧﻠﻴﻨﺎ
> ﺍﻗﺘﻨﻌﻮﺍ ﺑﺎﻧﻮ ﺍﻟﻔﻴﻨﺎ ﻣﻜﻔﻴﻨﺎ
> ﺑﺲ ﺍﻟﻤﺮﺗﺐ ﻣﺎ ﺑﻜﻔﻴﻨﺎ
> ﻳﺒﻘﻰ ﺍﻟﻤﺮﺗﺐ ﺿﺎﻋﻔﻮﻫﻮﺍ ﻟﻴﻨﺎ
ﺳﻠﻚ ﻛﻬﺮﺑﺎ
ﻧﻨﺴﺎﻙ ﻛﻴﻒ ﻭﺍﻟﺸﻔﻊ ﺍﻟﺴﻨﺔ ﺩﻱ
ﻟﻠﻌﻴﺪ ﺍﻻ ﻧﺤﻨﻜﻢ
والللللللللللللى لقاء
سلللللللللللللللللللك
في السلك – بابكر سلك
