المجلس الطبي يقرر إعادة تقييم المؤسسات التعليمية
قرر المجلس الطبي إعادة النظر في وجودة ونوعية التعليم الطبي وتقييم المؤسسات التعليمية بالبلاد ، وذلك في أعقاب حسم قضة الاعتراف بشهادات البكالريوس بكليات الطب السودانية من جانب الممكلة المتحدة. واعتبر المجلس قرارالمركز البريطاني لتقييم الشهادات الجامعية بالاعتراف بالشهادات السودانية ومعادلتها بالشهادة البريطانية ، اعتبره دفعة قوية للعمل ، لكنه أقر بوجود تحديات تواجه التعليم الطبي بالبلاد. وكشف البروفسور الزين كرار رئيس المجلس الطبي ، في مؤتمر صحفي عقد أمس بمجلس الوزراء ، عن وجود مشاكل وتحديات تتمثل في التمويل والتعليم العام والتدريب بالجامعات والاساتذة ، الامر الذي قال إنه يتطلب مراقبة المعايير وتقيم المؤسسات التعليمية وخاصة التعليم العام ، مؤكداً استمرار برنامج تقويم واعتماد الكليات ، وبحسب صحيفة آخر لحظة مشيراً لاكمال تقويم واعتماد ثماني كليات حتى الان ،وحدد نهاية العام 2010م لإكمال بقية الكليات.
والله مسخرة اكتر من 30 كلية طب قاعدة تخرج دكاترة طايحين في الناس وتقولوا قيموا 8 بس بعدين المشكلة ما في الجامعات المشكلة في الاخصائين الماقاعدين يدرسوا الطلبة مسونها لم قروش من العيادات والمستوصفات انا اشتغلت مع اخصائي مافي داعي لي ذكر اسمه 3 شهور شفتو مرتين اتعلم كيف وزي دة كتير لو قلت 100 ورقة ما تكفي . ما حرام اخصائي دخلو في اليوم 3 مليون
يعنى لو ما الإنجليز قرروا الإعتراف بى شهاداتنا كنا ماجايبين خبر للجامعات الكثيرة التى تخرج أطباء لايعرفون الفرق بين الرحم والمصران الغليظ وأسالوا مستشفى الأبيض إن كنتم لاتعلمون .
وحتى جامعة الخرطوم الكنا نفتخر بيها الآن تدرس فيها الطب مادام بى تدفع حتى لو شهادتك نجاح بالتلتلة والمامصدق يراجع طلبة الطب فى جامعة الخرطوم وحليل الجميلة ومستحيلة . 😡 😡 😡 :crazy: :crazy: :crazy: :crazy:
زمان كان الطبيب مرجع طبى وقانونى ودينى وسياسى ، هسع الواحد تسألوا عن خطورة المرض على الصيام يقول ليك جرب !!!! طيب أكان جربت ورحت فيها الموقف شنو ؟ وبعدين أنا بعرف أكتر من الحكومة (الدكتور) ;( ;( ;( ;( ;( ;( .
دا كلو وحكاية الدكاترة المزيفين نعمل معاها شنو ؟ يعنى المريض يجى داخل العيادة فى أكبر المستشفيات الحكومية يلقى الدكتور منجعص فى الطربيزة ومركب سماعتو وينهر فى الناس وبعد دا يسألوا عن بطاقتو وشهاداتو واللا يتوكل على الحى الدائم وياخد الشهادة ويستسلم ياربنا عفاه ياراح فيها . 😮 😮 😮
غايتو أنا بعد كدة بتداوى عند الفقراء على الأقل يدوك حاجات تشفيك أو تكتلك أنشاء الله وياروح مابعدك روح :lool: :lool: :lool: :lool:
راجع خبر إيقاف الأطباء المعروض شمال الصفحة