جرائم وحوادث
تأخر العريس فقام والد الفتاة بعقد قرانها على أحد أقاربها
تهجم أربعة شباب على عريس ليلة زفافه ، وأطلقوا أعيرة نارية في الحفل أصابت أحد أقارب ( العريس) بالأذى الجسيم . وذكر شهود عيان ان الشباب الاربعة وبينهم نظاميين دخلوا الحفل يحملون أسلحتهم لإيقاف المناسبة مؤازرة لأحد أصدقائهم كان يرغب في زواج (العروسة) . وأضافت مصادر بشرطة محلية شرق النيل أنها تلقت بلاغاً من مواطن بإطلاق رصاص في حفل زفافه ، وتبعاً للبلاغ استطاعت الشرطة القبض على المتهمين وبحوزتهم مسدس من نوع (بي ان اس) ووجهت لهم إتهامات بالأذى الجسيم . وبحسب صحيفة حكايات كشفت التحريات ان صديق المتهمين كان تقدم للزواج من الفتاة بيد أنه لم يأت لعقد القران المحدد مسبقاً على الرغم من تجمع أهل (الفتاة) ما دعا والدها لعقد قران إبنته من أحد أقاربها كان ضمن المدعوين للمناسبة وإكمال زواجه منها في ذات الليلة .
على الشرطة السودانية السلام اذا وصل حال بعض منسوبيها الى هذا الدرك السحيق من الانحطاط
والله فعلا “حكايات” واحكوا ما في مشكلة نحن معاكم للنهاية والفورة ألف.. بس اظبطوها شوية وظبطوا الفبركة.. يا ناس دا الشعب السوداني لسه حي وما ممكن تحصل فيه حاجة بالشكل دا.
الخبر قال قوات نظامية وهي عديدة ولم يقل الشرطة يا shakoor >>>>> فلماذا هذا الهجوم على الشرطة ؟اقرأ الخبر جيدا من الذي قبض على الجناة ومن سيقدمهم للمحاكمة؟;)
انت لمن يتقدر تسلب العروس من أهلها بالسلاح ورجالتك فايته الحد كنت متأخر مالك ما عارف الراجل بيربطو من لسانو ما من كراعو
الموضوع ده يظهر عليه قصة مختلقة وليس قصة حقيقية لانه لم يوضح فى اى حى او منطقة حصلت الحادثة او ربما تكون الحادثة حدثت خارج السودان والله اعلم
ارجل زول فى الشغلانيه دى ابو العروس و ربنا يديك الصحه و العافيه و فى ميزان حسناتك انشاء الله
يا أخوانا أقرو الخبر صاح
أخونا أحمد قال ليك محلية شرق النيل
شرق النيل دي في تل أبيب
لم نستفيد من الحداثة والحضارات الجديدة .. ما زلنا نكبل أنفسنا بالقديم وما زلنا نلعب على وتر العادات والتقاليد التي قتلتنا وقتلت فينا المواكبة …
لماذا لم ننتظر حتى نعرف عذر العريس …
ما الداعي لأن يزوج والد العروس إلى آخر وكلمته كانت للأول …
غريبة والله .. جهل مقنع
احكليكم قصه حقيقية بطلها انا زاتي
مشيت اتقدم لبنت كانت بتعمل معا في نفس الشركة وبينا تفاهم واحترام ابوها قابلني بكل ود وتقدير وقت قلت ليك انا زميلها وعاوز اتقدم لخطبتها عمنا جاب ورقة وقلم وقعد يكتب في امور كدا اسمك واهلك وعنوانك ودرسته وين واتخرجت من وين وعنك بيت . وفي الاخر قال لي بتي متقدم ليها ود عمها قبلك شفتو المقلب … يعني عمنا الضكراني ده بكون معصلجها من الاول بس البت ماسكه راسها وصاحبنا اتاخر قال احسن اديها للجاهز والحكاية قسمة ونصيبب ولا شنو يا اخوانا
كضابين(فبركه)
قال منطقة شرق النيل هذه المناطق مشهورة بالخلاوى والدين لايمكن ان يحصل فيها كلام بالشكل دا وارتباط الاسرتين من البدايه على التفاهم فى هذا الزواج وماممكن إمراء مخطوبه لرجل يزوجوها لرجل اخر فى نفس يوم العقد وبماانو عاداتنا فى السودان قولت خير والشيلة وزيارة الاهل لبعضهم للتعارف وين راح دا
وربما هذا يكون عرس العولمة عن طريق النت : بختكم ياناس شرق النيل