بابكر سلك

العيد كنغولي


العيد كنغولي
> أيها الناس
> كل سنة وانتوا طيبين جميعاً
> وكلنا بخير
> وطن ومواطن
> تهنئة لجميع مجتمع الرياضة
> ربنا يحقق أماني المريخاب
> أما الأهلة
> كل سنة وهم طيبين
> وعيد سعيد
> لكن قولة يحقق أمانيكم تلقوها عند الغافل
> ما بنقول يحقق أمانيكم
> لأننا عارفين أمانيكم كويس
> يعني لو حقق أمانيكم
> جوية دي نقشر بيها علي منو
> إن شاء الله السنة الجاية المحاولة رقم سبعة وتمنين يا شجرابي
> لكم أجر المحاولة
> لكن يحقق أمانيكم
> نهي تم كرتا كهيه
> المهم
> جانا العيد السعيد
> وكانت لنا تلاتة فرحات
> إكمال الصيام فرحة
> وبلوغ العيد الفرحة التانية
> وكانت لنا فرحة تالتة
> فرحة المطر
> نزل المطر وهطل وبرد الجو
> آخر يوم في رمضان قربنا ما نفطر
> الحلو مر كمل
> نفطر بي شنو عاد
> لكن ربك رب الخير
> في آخر الدقائق
> منها والأذان
> بتاع البقالة الجمبنا جاب فيتا
> حلاة الفيتا في الفطور
> فطرنا فيتا ساااااااي
> وصلينا
> وقعدنا نقلب في القنوات
> نفتش عن خبر العيد
> ناسنا لسه بتحروا
> في الكويت مافي خبر
> السعودية عاملة رايحة
> الإمارات راجية السعودية
> زينا
> اليمن ما عارفة ذاتو في رمضان
> جايطين شوية
> في سوريا ما شغالين بالعيد كتير
> عندهم مواضيع حارة
> وفي غزة ما ذاعوهوا
> نقلب في القنوات ساااااي
> فجأة جارنا كورك
> قال لينا كلو سنة وانتوا طيبين
> قلنا ليهو ثبت؟
> قال ثبت
> قلنا ليهو ذاعوهوا وين؟
> قال الكنغو أذاعتو
> العيد جانان من الكنغو
> ومالو
> بلاد الله واسعة
> وعيدنا مع الكنغو
> عيدنا فرحانين شديد
> وما يزعل يوم العيد إلا كافر
> نحمد الله فرحنا بالعيد من يوم الوقفة
> الكنغو ذاعتو وناسنا بتحروا
> يتحروا في السعودية قالت شنو
> لما ناسنا ذاعوهو
> نحنا حلاوتنا كملت
> عيدنا مع الكنغو
> عيد الكنغو حلو حلا
> المهم
> واحد كنغولي شاكل واحد كنغولي تاني
> الكنغولي الاول قال للكنغولي التاني
> انت قايلني جيت الكنغو دي ساكي لي حكم ؟؟؟
> نحنا أولاد قلبا
> أولاد قلب الكنغو النابض
> أيها الناس
> أسباب هزيمة الهلال كتيرة
> وأولها التحكيم
> التحكيم السوداني
> وحانعود بالتفصيل
> لنبين كيف هزم أولاد صلاح أحمد محمد صالح الهلال بالكنغو
> وكيف كانوا سبباً أساسياً
> في صفر الهلال الدولي
> وكيف ساهموا بقدر كبير
> في بقاء الصفر الدولي مستقراً بديار الأهلة الشرفاء
> اصبروا لي شوية
> وبرجع للموضوع ده
> أها
> نجي لي شمارات والي الخرتوم
> كان شفت يا والينا
> الناس كلها تهتف
> يا ولايتنا
> ما تدقسينا
> بنطلون والينا ما فلينة
> عشان يشرب المويه الكاسرة فينا
> لما الناس المرافقة لي والينا
> تغوص في المويه بي رجلينا
> يا ولاية احترمينا
> واعتبرينا
> واقطعي رجلك ووشك أصلو ما تورينا
> أخجلي ياخ
سلك كهربا
ننساك كيف والبيت بقى زي قيف …قول يا لطيف

والللللللللللللى لقاء
سلللللللللللللللللللك

في السلك – بابكر سلك