فتاة وأمها تتركان طفل السفاح داخل مستشفى وتحاولان الهرب

اللهم استر على ولايانا يارب

لا حول ولا قوة إلا بالله دي نتيجه التربية الغلط و الانشغال عن البنات في خروجهن المتكرر و احيانا المبيت خارج البيت من غير مراقبه اهل البيت ( نظام الليله انا بايته مع ناس عمتي و لا خالتي ) ولا ( طالعه ماشه لي صاحبتي عندنا بحث في الجامعه لازم اكملو ) و تلقي غريمها منتظرها بره بي العربيه الفيستو الحمرا جنب البيت يحلم بقضاء ليله حمراء معها . دا كله عشان يشتري ليها بلوزه حلوه و لا اسكراتشات لي تلفونها( لزوم اقابلك تاني بيه ) ولا مصاريف الجامعه عشان ابوها ما قادر يوفر ليها القروش البتقدرتكضب بيها علي الشباب تعمل فيها انها بت من عيله مرتاحه و بتسافر بره في الأجازات و كدا و تلفونه كله اسامي شباب تحت اسماء البنات او اسم الدلع زي عصام مرموز له (عايده) و اشرف (شوشو) و ناصر (نونو). لحدي ما الفاس تقع في الراس و تجي داخله البيت بي كرشه صغيره تكبر وتكبر لحدي ما يفتضح امرها ولا هربت من البيت ولا حاولت عمليه إجهاض راحت فيها و هي اصلا راحت راحت من بدري و يمشي الشاب الانيق صاحب العربيه ( الفيستو ) يدور علي فريسه تانيه !!!!!
بعد ما يطردها من العربيه بعد الفضيحه و خوفه من المشاكل لتغرق بعدها في بحر الضياع الي القاع .

يا اخوانا تربيه البنات ما ساهله بس ربنا يستر علينا و علي ولايانا من جنس دا

الادهى والأمر إنو امها مشتركة معاها فى الجريمة والفضيحة دة اللى ما كانت موجودة فى السابق واللى بتتنافى مع تقاليدنا واعرافنا

مافى حل غير ان تلتزم كل ام تحمل سفاحا بطفلها وبالتزام رسمى من والديها بمحضر رسمى بان لا يتعرض الطفل لاى مكروه سواء من الام او الوالدين .
وما اتخيل لى انو من الصعب انشاء قسم جديد للشرطة لمتابعة الامهات الحوامل بالحرام فى المستشفيات والداية الغير قانونية …. الخ .

كل مرة الواحد بطنو تطم اكتر من البلد دى … لما كنا بره وكنا بنقرا الجرائد كنا بنقول انها تضخيم للامور وبنقول اننا عشان بعيدين من السودان … والله يا اخوانا السودان بقى اكعب من القاهرة ولا بانكوك ولا تايلند … يا جماعة الحقى الباقى مننا واقيفوا وراء الشباب ديل … البلد بقت كعبة والناس نفوسها اتغيرت والكل عايز يغنى والحكومة ما جايبة خبر … البنقو فى الشارع علنا وارخص من وجبتين فى مطعم والجنس بقى ابسط من انك تشترى علبة برنجى … والبنات كترن وبت الناس هى العاملة علاقة بس يعنى بتكون عملت ليها حركة ولا حركتين … والله انا بقول الحقيقة وعادى جدا بقت المسألة دى … انا غايتو ده الشايفو عشان كده بقيت من البيت ما بطلع بس عايز اكمل اجازتى وده طرفى من السودان ….

يا جماعه ادعوا لها ربنا يغفر ليها مش هجوم طوالى ، انتم ادرى بظروف البعض القاهرة التى تدفعه لعمل كل شىء دون دراية وكمان تكون صغيرة وتم اغراءها كان اللازم شتم الفاعل اولا واخيرا .
اما الام ما عندها حيله انا دايركم تكونوا مكانها تعملوا شنو ؟؟؟؟؟؟؟؟؟؟؟؟؟