بابكر سلك
يا شفوت مدني سلام
> حل بالامس ضيفاً على الجزيرة الخضراء
> كان لابد من تجديد البيعة للسلطان
> ونحن لانخاف على السلطان الاحمر في اي شبر داخل سلطنته منطقة شرق ووسط افريقيا
> و الجزيرة هي معقل الشفوت الحمر من بدري جداً
> كانت الراية بالامس عند مريخاب مدني
> ومريخاب الحصاحيصا
> ومريخاب الحاج عبدالله
> وشفوت البطانة ناس رفاعة
> وشفوت جزيرة الفيل
> وناس جامعة الجزيرة
> والراية حملها من الخرطوم أيضاً شفوت
> ناس لن ندعك تسير وحيداً
> اولتراس الحربيين
> القيادة العامة وتجمع الروابط
> والمريخ يسع الجميع
> ومن شارع مدني ايضاً أتى لارض المحنة
> شفوت سوبا وبتري والباقيرات كلها
> قدامي ووراني
> والمسعودية وألتي وود الترابي وناس مشرع ود راوة
> وقبلهم ناس النوبة والمسيد الحلة والمسيد المحطة
> الكاملين حاضرين وابو عشر ام شفوتاً بره
> ومن الجنيد حضر الحمر برضو
> الصداقة والحصاحيصا قلناها
> ناس البشاقرة عن بكرة ابيها ما بقصروا
> وفداسي
> آخ انا
> ناس فداسي جو
> يبقى النصر والمتعة للمارد الاحمر
> مدني لازم تكون قد جددت البيعة
> انا اكتب قبل بداية المباراة
> مريخ سيكافا الفين واربعطاشر
> مشى يتلقى البيعة من جديد
> من ارض تؤيده عن بكرة ابيها
> ومدني غير امير كيلا ما اظن فيها متمرد على المريخ
> لكن اولاد كيلا كلهم موجودين
> ومنتصرين إن شاء الله
> أيها الناس
> من يقارن مريخ الفاشر بهلالها
> كمن يقارن مريخ البطولات الجوية دولياً بهلالهم
> الفرق شاسع وكبير
> ومن غيرنا جلب لهذا الوطن الشاسع بالجو انجازات ؟؟؟
> المهم
> امس واليوم والايام التالية
> وحتى نهاية الموسم
> العرض الرائع
> المريخ البطل
> اوعه يفوتك
> أها
> الجماعة شغالين لي مبارك سلمان
> والفيفا حكمت لصالح غارزيتو
> وبرضو يقولوا ليك مبارك ما يمشي امريكا
> انا لو محل مبارك
> امشي تشاد وما اقعد مع امجاد جمب جاد
> واصدر الكاف قراره فيما يتعلق بلاعب رواندا بتاع فيتا
> وما جاب سيرة للجماعة
> مجرد رد بالرفض ساي ما هببوا ليهم
> امشوا الفيفا
> عشان تحصل عليكم حكاية الزول
> قالوا مشى القسم يفتح بلاغ
> كبسور يا عمك
> قدر ما قالوا ليهو الموضوع ما بستاهل
> قال ابداً
> بلاغ يعني بلاغ
> في التحري قالوا ليهو الاسم
> لما نطق الاسم
> قالوا ليهو اول حاجة عليك امر قبض
> خش جوه نفذ القبض
> بعدين نشوف موضوع بلاغك
> امشوا الفيفا
> عشان يطلعوا ليكم امر قبض غارزيتو
> يلموكم جوه يرتاحوا منكم نهائي
> امشوا
> المهم
> الجماعة مصرين يمشوا
> ماشين «كاس»
> وكاس ده اختصار لمحكمة التحكيم الرياضية
> وكت ما جابوا كاس من بره
> قالوا اخير نمشي لي «كاس» بره
> امشوا
> بس ما توروهم اسمكم
> بكرفسوكم جوه
> أيها الناس
> إن تنصروا الله ينصركم
> أها
> نجي لي شمارات والي الخرتوم
> كان شفت يا والينا
> الزيت الداير يطلع زيتنا
> الحقارة بينا
> اهمال المقاييس والمواصفات الخرب بيتنا
> فوضى الرقابة الجننتنا و فكت قيدنا
> يوم تصحا الصباح تلقانا كلنا طلعت روحنا وسايل زيتنا
> سايل بي نخرينا يا والينا
سلك كهربا
ننساك كيف والزيت البتكرر ما بتكرر الا في البلد دي
والللللللللللللى لقاء
سلللللللللللللللللللك
في السلك – بابكر سلك
صحيفة الإنتباهة
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة