بابكر سلك

البيت حق منو يا والينا


البيت حق منو يا والينا
> الزعيم ظهر بمظهر لا يليق به بود مدني
> تباعد في الخطوط
> برغم ضعف اتحاد مدني
> الا ان منطقة صناعة اللعب بالمريخ كانت لا تصنع مردوداً جميلاً
> بطء في قيادة الهجمة
> لعب بدون خيال اوتفكير
> اداء ممل
> وقلناها كثيراً
> اذا افتقد الفريق لصانع الالعاب الماهر السريع
> صاحب الحلول الفردية
> فان الجهاز الفني من واجباته ان يصنع تكتيكاً يتناسب من الامكانات
> يتخذه طريقة لصناعة اللعب
> اشراك ابراهومة الشبل كان جميلاً
> ولكن توظيفه في خانة لا تناسبه كان مشكلة
> وهذه من السلبيات التي تصاحب الاجهزة الفنية
> فبعضها عندما يشرك شبلاً
> لا يهتم بتوظيفه في المكان الذي يجيده
> والاسلوب ده بأخر انسجام وتأقلم وتألق الشبل
> ابراهومة لاعب وسط متقدم
> يصنع اللعب ويمتاز بالتهديف
> فلماذا اشراكه محوراً يا محسن ؟؟؟
> أيها الناس
> الباشا وفيصل موسى ومجدي
> ثلاثتهم صناع لعب
> لكن لكل سلبياته
> يمكن يكون مجدي افضلهم
> بس محتاج تمارين سرعة
> ودي ما دايرة درس عصر يا محسن
> المهم
> هذا المستوى لن تقبله الجماهير في المباريات القادمة
> ونرجو بل نتمنى ان يعوض الجهاز الفني واللاعبون
> يعوضون الجماهير عن الاداء الباهت بالفاشر ومدني
> قدامنا مباريات مهمة
> ثلاث مباريات تعلن صدارتنا للممتاز
> شندي وكادوقلي وكوستي
> وباقي المباريات ممكن نشرك فيها الرديف
> مباريات مع احترامنا لخصومنا فيها
> الا انهم مستواهم لا يؤهلم ليكونوا نداً لنا
> أيها الناس
> أكتب قبل مباراة عطبرة
> المحلي داخل عطبرة
> وقلبي يحدثني
> بانها ستكون مباراة حدث
> المهم
> على محسن وبرهان العمل على تلافي السلبيات
> وعدم المجاملة
> والتفكير في اسلوب لعب ينالا به رضا الجماهير
> أيها الناس
> إن تنصروا الله ينصركم
> أها
> نجي لي شمارات والي الخرتوم
> كان شفت يا والينا
> اليومين دي موضوع الناس الحزينة
> عمولة السمسار بتاع قصر المدينة
> ومبدأ الاخوة السماسرة بقول
> العمولة زي الشية ما بتتاكل باردة
> حار حار
> شخصياً لا اري عجباً كونو يمتلك قصر وزيراً لينا
> ووزير شنو يا والينا
> وزير خزانة أموالنا اللينا
> يمكن يا والينا
> الوزير ما طلب من السمسار يجيب ليهو قصر بي خزينة
> يمكن سيد البيت هو الطلب من السمسار البيعة السمينة
> وفي الحالة دي تبقى العمولة على سيد البيت يا والينا
> اقول ليك يا والينا
> من قصة منو الاشترى البيت خلينا
> السؤال البفرض نفسو علينا
> منو سيد البيت البايع يا والينا
> زول ساي ولا برضك وزيراً لينا ؟؟؟

سلك كهربا
ننساك كيف ولما الوزير يبيع للوزير السمسار يطير

والللللللللللللى لقاء
سلللللللللللللللللللك

في السلك – بابكر سلك
صحيفة الإنتباهة