بابكر سلك
كوستينا
> وليس غريباً على شفوت كوستي التواجد بالممتاز
> فكوستي مدينة لها وقعها وواقعها على خارطة السودان
> وكوستي ملتقى الجنوب بالشمال
> ميناء النقل النهري الكبير
> كوستي لغة التواصل بين جنوب البلاد وشمالها عبر التاريخ
> بين وسط البلاد وغربها
> كوستي السفر وبيت القطر الكبير
> كوستي لها شرف مدينة شاركت في تأسيس الاتحاد السوداني
> كوستي قدمت
> منيب عبده ربه
> ذلك الرجل الهرم الرقم
> قدمت الجيلي عبدالخير وكمال شناق ودحدوح وابشر وبخيت خميس
> كوستي مدينة الجمال والهيبة والدلال
> ليس غريباً عليها التواجد بمريخها بالممتاز
> ولكن الغريب ان لا تسجل حضوراً بالممتاز
> مبروك لشفوت كوستي
> وحكاية البقاء دي علينا
> انتوا عملتوا العليكم
> المهم
> قبل كورة المريخ كوستي والهلال الابيض
> اسلام قالت لي النتيجة البتنتهي بيها كورة مريخ كوستي وهلال الابيض
> حا تنتهي بيها كورتنا ضد الهلال
> قلت ليها مالك نقصتي اقوانا قونين يا بتي !!!
> ايها الناس
> حكاية التدخلات الصحفية في التشكيل الهلالي
> حكاية تستوجب التحري والوقوف عندها
> سمعنا قالوا جابوا الفاتح النقر
> هل جاء الفاتح النقر بقرار صحفي أيضاً ؟؟؟؟
> ومن هو الصحفي الذي أصدر القرار
> أو من هي الصحفية التي أصدرت القرار ؟؟؟؟
> وهل سيسمح من عين الفاتح النقر للفاتح النقر بوضع التشكيل ؟؟؟
> ام سيضع التشكيل من عين الفاتح النقر ؟؟؟
> كل ذلك سنعرفه يوم تلتين
> من شكل التشكيل
> إذا فيها المعز وعمر بخيت ومهند وبشه
> يبقى ما فيها تدخلات صحفية
> وإذا ما فيها الجماعة ديل
> حقو صاحب أو صاحبة التدخلات الصحفية يسجل اسمو في لجنة التدريب المركزية عديل كده
> ويجينا بالترينق سوت عديل كده
> ما يخجل
> الحكاية رياضة
> طيب
> قول التشكيل تم وضعه صحفياً
> بودوهوا صفحة كم ؟؟؟
> وهل بمشي المطبعة ولا لأ ؟؟؟
> يا كبوتش
> تفتكر منو البخت تشكيل الهلال في عهد الكاردينال !!!!
> أو قل «مني» البتخت تشكيلة الهلال في عهد الكاردينال ؟؟؟
> ايها الناس
> بخروج الهلال خاسراً من قمة الممتاز إن شاء الله
> يبقى ابو الهل الموسم ده اباطو والنجم
> وحقو تعملوا ليكم كاس ضلمه سريع
> يخرجكم من حالة العدم العايشنها دي
> ايها الناس
> شنو الحصل في شكوى فيتا ؟؟؟
> احتمال الشكوى تطلع باقي اليوم ده
> وابو الهل يلعب بعدين ضد وفاق سطيف
> باقي كورة فيتا ووفاق سطيف الليلة
> ايها الناس
> نفرح كثيراً عندما نلعب ضدهم بالمعبرة
> الدفن بحصل فيها طوااااالي
> وعنتر مات
> ادفن يا عابدين
> فضل لينا عبلة
> ونكون دفنا كل قصص الحب الفاشلة
> ايها الناس
> إن تنصروا الله ينصركم
> أها
> نجي لي شمارات والي الخرتوم
> كان شفت يا والينا
> رعاف عادي جهجه كل المدينة
> خفنا جنس خوف يا والينا
> كملت الفينا
> عشان كده قلنا ليك بالايبولا وعينا
> الواحد لو قطع بنجر برمي السكينة
> ونجري منو ويجري علينا
> خوف ساااااي نموت يا والينا
> والانتخابات قربت صوت ما بتلقوهوا فينا
سلك كهربا
ننساك كيف والرعاف لو جرى فينا بجرينا
والللللللللللللى لقاء
سلللللللللللللللللللك
في السلك – بابكر سلك
صحيفة الإنتباهة
