بابكر سلك
خطة برهان
> قدم الكيشة
> وعينك ما تشوف إلا النور
> البرشا جاب الاول
> الريال عادل
> الشوط الاول انتهى
> نفس السيناريو
> الشوط التاني كربجوا ليك البارشا بي اتنين تاني
> والغريبة ضيعوا الرابع
> نفس الطريقة
> طريقة برهان بقت عالمية
> وطريقة مازدا برضو بقت عالمية
-> لعبت بيها البارشا
> اخدت المعلوم
> نحمدك يا الله
> لكن بصراحة قون ايمن حيرني
> اول مرة اشوف لي هدف بالمسد كول
> ايمن مسكل للمعز
> المعز رجع ليهو
> لقاها في الجك
> لحس رصيدو
> لو زول مسكل ليك ما ترجع ليهو
> بعملها فيك زي عملت ايمن في عزو
> المهم
> أيها الشفوت
> الفات مات
> وعنتر مات
> خلونا في عبلة يوم الخميس
> لازم نتشفتن
> انها ليلة عرسنا الكبير
> اهل العروس المرة دي ما بتلوموا
> رغم انهم مشهورين باللوم
> لكن نطول بالنا
> اذا ما احترمونا
> نحترم نفسنا
> نسوق عروسنا ونشتت
> وما احلاها عبلة بعد موت عنتر
> حبس ما اتحبست
> تتحبس في شنو
> هو عنتر قبل يموت سدة مالو ولا جيه حالو
> قاضيها كلها حب
> وعبلة عند اهلها
> لما مات حسرة
> ايها الشفوت
> موقعة الخميس حقتكم انتو
> تتشفتنوا في حدود القانون والاحترام
> تشجعوا بقلب قوي
> غالبين غالبين
> ويا حلاوة لو راجي انفرد
> الف حايموتوا في المساطب
> جراد بس
> وطالما التشكيل فيهو تدخل صحفي
> يبقي الحنة اكيد مطبقة مطبقة
> حنة الدامر الممتازة
> وانا اقول الدامر دي كلها مريخاب ليه
> اتاريه عشان نطبق الحنة
> المهم
> -اكتب قبل لقاء النسور
> المريخ منصور بإذن رب كريم غفور
> والله لا يصلح عمل المفسدين
> مهما حدث
> ان الله سيبطله
> ايها الناس
> حافظوا على ادبكم وعلى استاد الجماعة
> الليلة شفتوا
> خراب ودمار كنت قايل حملة اعادة التخطيط جاتو
> كرور شديد
> نحنا بادب ندخل ونشجع وننتصر
> ونمرق في مسيراتنا
> لانو لو رميت قشرة تسالي
> بعد الكورة بقولوا خربنا الاستاد
> هو وينو الاستاد
> يخربكم
> ايها الناس
> يجب ان نشجع بمثالية
> نحمي فريقنا بقوة
> ونحافظ على الممتلكات
> لاننا اصحاب ادب
> ولا تقتلنا حسرة ولا حسادة من منشآت احد
> يبقى نخرب ليه ؟؟؟
> وهي خرابة ناقصة خراب ؟؟؟
> ايها الناس
> إن تنصروا الله ينصركم
> اها
> نجي لي شمارات والي الخرتوم
> كان شفت يا والينا
> الانتخابات قربت علينا
> مشغولين والله يا والينا
> شخصياً واهل بيتي مفوضنكم صوتوا لينا
> اخير نوكلكم بدل تتوكلوا غصباً عننا
سلك كهربا
ننساك كيف ولو صوتك راح بتكون صوته بس ما فاكر
والللللللللللللى لقاء
سلللللللللللللللللللك
في السلك – بابكر سلك
صحيفة الإنتباهة
