بابكر سلك
وتستمر الاحتفالات
> وصعد مباشرة بذلك القرار للممتاز
> مريخ كوستي سيلعب ضد اهلي عطبرة بعد كسب النسور لشكواه
> ونلاحظ ان الاندية التي كسبت الشكاوي هي
> هلال مولانا أحمد هارون
> ونسور الشرطة السودانية
> حكومة والناس أهالي
> وشكوى الخرطوم الوطني في صحة تسجيل سيدي بيه
> والتي تحدث عنها محمدعبدالماجد
> وأثبتها برقم الايصال والاورنيك
> لا اظن ان الخرطوم كسبها برقم انه وطني
> ولكن لكل مقام مقال
> المهم
> بعد صدور القرار
> صرح يوسف ابو حميد بان احتفالات مريخ كوستي مستمرة ولن تتوقف
> ياربي قاصد انو بعترف فقط بالنتائج الميدانية الحقيقية ؟؟؟
> وقاصد انو القرار خطأ وسيعود الحق لمريخ كوستي
> ولا قاصد حاجة تانية حامياني !!!!!
> المهم
> النسور الممتاز ما جديد عليها
> والابيض الممتاز ما جديد عليها
> فقد شاركت فيه من قبل بمريخها وبحقها
> وحتى هلال الابيض اظنه قد مثل السودان في سيكافا من قبل
> ليس المهم الصعود ولا طريقة الصعود
> ولكن الاهم البقاء والتنافس الشريف والتطور
> المهم
> اتنين دستة مدربين هلاليين للقمة
> مريخ ولا ديناصور اصلو
> اسي ديل يوم الكورة بقعدوا وين ؟؟؟
> كنبة الاحتياطي ما بتشيلهم
> حقوا يجيبوا ليهم بص الوالي
> يوقفوهوا ليهم مع الخط
> ويقعدوا فيهو كلهم
> الفاتح النقر يسطح
> لانو مسطح طوااااااالي
> عاكف يقيف في الباب لانو أصغر واحد فيهم
> شوقي وفوزي يقعدوا ورا
> اصلهم من زمن بلعبوا ورا
> والعشرة القدام يخلوها لي ناس فطومة اختي
> احتمال تعينكم في ظل التدخلات الصحفية في التشكيلة الهلالية
> ولا فطومة خلوها في كرسي السواق
> اصلها سايقاكم براها
> وكان راجي انفرد
> وفطومة اختي قالت سجمي
> ما تقولوا معاها سجمي
> ابقوا رجال اركزوا
> قولوا «إنا لله وإنا إليه راجعون»
> فطومة حاتحضر موت عبلة
> اصلو عنتر مات
> أيها الناس
> جرنا للتفلتات مؤامرة فاشلة
> لان جماهيرنا على درجة من الوعي والشفتنة
> لا تحوجنا لتبصيرهم
> نعرف كيف نحمي فريقنا
> ونعرف كيف نستفز الاستفزاز ذاتو
> وبكل ادب
> واشاعة جماهير المريخ تنوي تكسير استاد الهلال
> دي مكنة ما بتقسم معانا
> استاد الهلال ده يكسروا فيهو شنو ؟؟؟
> براهو مكسر
> ودايرين ترموا القصة علينا
> استادكم يشبه المناطق التي تأثرت باعادة التخطيط
> ليس فيه من الجمال ما يجعل جماهير المريخ تحسده
> ولكن الحاسدين ظاهرين
> تتذكروا أيام خليل ابراهيم
> قالوا لاقاهم هلالابي في الشارع
> قالوا ليهو الاذاعة وين
> وصف ليهم استاد المريخ
> في حقد اكتر من كده !!!!
> أيها الأهلة الشرفاء
> اثبتوا
> وتحملوا الهزيمة الجديدة بصدور رحبة
> ففريق تشكيلته تضعها الصحافة
> وفي كنبته دستتين مدربين
> وفي جعبته صفر دولي كبير
> الهزيمة لازم تحمدو لازم تحمدو
> أيها الناس
> لاعب مشى ام دوم لي شيخ (…….)
> الشيخ قال ليهو العلاج الا بعد كورة الخميس
> صاحبنا رجع خشمو ملح ملح
> استعينوا بالله يا نااااااااااس
> غايتو مدربنكم الكتار ديل
> قعدوهم في صيوان
> البجي ماشي كلو
> بشيل الفاتحة معاهم
> الفاااااااتحة
> أيها الناس
> إن تنصروا الله ينصركم
> أها
> نجي لي شمارات والي الخرتوم
> كان شفت يا والينا
> واحد قلنا ليهو الدولار نزل يا اخينا
> ضحك وقال لينا
> الدولار ده تيوب ليس يا اهالينا
> بترقع خارجي سريع ويودينا
> قلنا ليهو وييين يودينا
> هو لسه ما ودانا يا اخينا
سلك كهربا
ننساك كيف والدولار بنزل ليه ما في زول عارف …زي اللستك ينزل فجأة . تيسسسسسسسسسس…ينزل ننزل …يطلع ننزل ….ينزل ويطلع نتجهجه
والللللللللللللى لقاء
سلللللللللللللللللللك
في السلك – بابكر سلك
صحيفة الإنتباهة
