التالتة واقعة

[CENTER][B][SIZE=5] التالتة واقعة [/SIZE][/B][/CENTER] [SIZE=5] > السنة دي سر الرقم تلاتة معانا باتع شديد
> اليوم إن شاء الله يتم تتويجنا بالبطولة التالتة في هذا الموسم
> ريسين غرقوا المركب
> فما بالك بي اربعة وعشرين ريس واتنين صحفيين يضعوا التشكيلة
> مركب ابو الهل اليوم ستشبع غرق
> الحتانة يا عمك
> الاخوة الاهلة الداير الجنازة يرجاها في الحتانة
> كان وصلت السبلوقة بياكلها السمك
> المهم
> هذا موسم سر الرقم تلاتة عندنا
> سيكافا تلاتة وحلالالالالالالاتة
> ادينا الهلال تلاتة وحلالالالالالاتة
> شلنا سيكافا والسودان والممتاز دي التالتة وحلالالالالالاتة
> سر الرقم تلاتة
> سر باتع شديد
> ونضمن ذلك من واقع المقارنة بين الفريقين
> ليس غروراً ولا طاؤوسية
> وليس اختيالاً يغضب رب العباد
> ولكن امكانات وامكانيات وقدرات واستقرار
> ففريق جهازه الفني اربعة وعشرين مدرب
> والراي فيهو زي الراي في السوق
> كلو زول يقول الدايرو
> وشلليات وكيمان
> بالتأكيد لن يعرف كيف يصنع استراتيجية النصر
> ايها الناس
> اشاعة جماهير المريخ تخطط لتكسير اطلال الهلال
> ده كلام فارغ
> فاستاد الهلال مكسر براهو
> ما محتاج زول يكسرو
> لذا ما بتسمى بيهو الشفوت
> ثم ان مسألة التفلتات الجماهيرية من البعض دي
> حقو الناس تتعامل معاها بعقلانية
> برغم ما احدثه جمهور الهلال باستادنا
> وبرغم موقف الشرطة الكان غريب جداً وقتها
> وبرغم فشل الاتحاد في تنفيذ العقوبة التي قررها على الهلال
> برغم كل ذلك
> لن نأت بتصرف يحسب علينا تاريخياً
> ويشين سمعتنا
> ويجعلنا ضمن المتفلتين
> ايها الناس
> لا تستعجلوا النصر
> ولا تنجرفوا خلف امور لا تسمن ولا تغني من جوع
> نشجع بشفتنة وادب
> لا للتفلتات
> واشاعة جماهير المريخ تخطط لتكسير ماهو مكسر اساساً
> الغرض منها الهروب من ثلاثية جديدة
> وانهاء اللقاء قبل موعده على اتنين
> المهم
> على الشرطة يقع عبء كبح جماح من يتفلت
> بس بدون فرز وخيار وفقوس وتعامل مختلف مع الجهات المختلفة
> ولو سمعوا كلامي
> في اتنين ضباط اعتادوا على الدخول في انفعالات مع جماهير المريخ
> ديل حقو ما يجوا احتراماً لجماهير المريخ
> ايها الناس
> على اللجنة المنظمة نظافة المنطقة حول الاستاد
> فيها ما لايقل عن اربعة لوري طوب وكمينة كسار
> والبهرب من اللقاء بلقى الطوب امامو
> وممكن يتكرر ما حدث يوم كورتنا ضد الموردة باستاد الهلال
> حيث استعملت الجماهير الخارج الاستاد
> والتي لم تكن طرفاً في المباراة
> استعملت الطوب في الاعتداء على جماهير المريخ داخل الاستاد
> ويومها ردت عليها جماهير المريخ بتصرفها الراقي والمبدع
> جدعوا ليهم جنيه جنيه
> نرجو نقل تلك المخلفات من حول الاستاد قبل وصول الجمهور
> منطقة ذاتها درابها كتير خلاص
> ايها الشفوت
> انه يومكم
> ما تقصروا من مريخكم
> يا ناس
> معقولة تنظر شكوى الخرطوم بعد قفل الموسم ؟؟؟؟؟؟
> منعول ابو المحاباة التي اقعدت كلو جميل في هذا الوطن
ايها الناس
> إن تنصروا الله ينصركم
> أها
> نجي لي شمارات والي الخرتوم
> كان شفت يا والينا
البطيخة الكانت حمراء بقت تحمر لينا
> لا بنجي شايلنها لي الاودنا ولا عندنا ابو يجيبا لينا
> بقينا بناكل بي عينينا يا والينا
> ناكل لمن نشبع والمحيرنا من وين المخلفات بتجينا
> هي جنس مخلفات الفينا

سلك كهربا
ننساك كيف والتالتة واقعة

والللللللللللللى لقاء
سلللللللللللللللللللك
[/SIZE]

في السلك – بابكر سلك
صحيفة الإنتباهة