بابكر سلك
أولمبينا طلع لمبينا
> طلعنا نحنا اللمبي
> نفس علات الكبار
> بطء الحركة الشديييييد
> عدم الانضباط التكتيكي «ده طبعا لو كان في تكتيك أصلاً»
> وهنا يحضرني موقف طريف
> في التمنينات
> ايام كان في اهتمام بالاندية
> سافر الهلال لمعسكر اعدادي بالعراق
> كان وقتها المدرب احمد عبدالله مدرباً للهلال
> اختار تشكيلته وقعد جمب الاحتياطي في الكنبة
> ابدع العراقيون
> ونفذوا جملاً تكتيكية اوقفت لاعبي الهلال في العقبة
> تنفيذ للتكتيك كما قال كتاب الكورة
> كرار ابو علي المبدع
> كان يجلس على الدكة جوار المدرب
> وفي لعبة تكتيكية رائعة للعراقيين
> انفعل معها الكوتش وقال
> بالله شوف الناس ديل بلعبوا بي تكتيك كيف
> كرار قال ليهو
> يا كوتش
> انت اديتنا تكتيك نحنا قلنا ليك ابينا ؟؟؟
> اها
> لا استغرب ان يكون اولاد اولمبينا امس قالوا لمحسن والديبة
> انتوا اديتونا تكتيك نحنا قلنا ليكم ابينا ؟؟؟
> اداء كان عشوائي شأنه شأن كرتنا العقيمة
> بعد الكورة ناسنا نفسهم قايم
> واولاد اللمبي تقول صاحين من النوم
> نفس عااااادي ومرتاحين كمان
> وده بعود الى ان فريقهم مستمر في جدول تمارين واعداد ومباريات تجريبية
> وفريقنا بلموهوا للاحداث
> وكده ما بنطور ابداً
> وشفنا وليد علاء ومحمد جكسا وغيرهم
> اذا الهلال سجل من ديل ستة وعندو اتنين
> فليرحب ابو الهل بالخمسات
> انها عودة ابو الهل للستات
> ايها الناس
> اذا ما امنا الحكومة اهتمت بالامر مافي فايدة
> استراتيجية الدولة هي المخرج من عشوائية الحكومة
> وعلة الكرة المعكوسة في الكورة السودانية سببها العشوائية
> لا بنعرف نعكس عشان نغلب
> ولا بنعرف نتعامل مع معكوسات الغير
> ايها الناس
> الناس الشفتهم امس ديل
> الله اعلم يكونوا اولمبي
> ودي واحدة من علات كورتنا
> قبل كده صالح سنار لعب في الهلال قريب سبعة سنين تحت السن
> المهم اولمبينا قابل اولمبي اللمبي
> وطلع اولمبينا هو اللمبي
> الكشري كسر الكسرة
> وهو في كسرة ؟؟؟
> ايها الناس
> موضوع عمر بخيت ما عارفين الحصل فيهو شنو
> ولكن اطمأنينا بعد ان اوكل الموضوع لحمد السيد
> نحمد سيدنا يا حمد ونضوي ولا الحمد لله الذي لا يحمد على مكروه سواه !!!!!
> ايها الناس
> ان تنصروا الله ينصركم
> اها
> نجي لي شمارات والي الخرتوم
> كان شفت يا والينا
> الدولا بقى زي الكمساري
> ينزل ويطلع سريع
> قرب يسأل
> حد نازل
> طوااااالي جنيهنا بقول ايوه يا والينا
> في اول محطة بنزل ويخلينا
> بنزل كتير كده جنيهنا ليه قول لينا
> وطوالي قاعد جمب الباب عشان ينزل يا والينا
> يكون بسف وضحوا لينا؟؟؟؟
سلك كهربا
> ننساك كيف ومتدهور يومي عشان السف.. ما بحب الزول البسف.. مقرف
والللللللللللللى لقاء
سلللللللللللللللللللك
في السلك – بابكر سلك
صحيفة الإنتباهة
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة