بابكر سلك

نصو لافي صينية ونصو واقف في صينية


نصو لافي صينية ونصو واقف في صينية
> اتفاقية الجنتلمان بين الزعيم والهلال
> كانت مفيدة بقدر أكبر للهلال
> لان المعركة حينما يكون سلاحها المال
> فان النصر للزعيم لا محال
> ليست المعارك الداخلية فحسب
> حتى المعارك الخارجية
> يكون النصر فيها حليفاً للزعيم
> واسألوا الاهلي القاهري
> لكن استفادة الهلال من الجنتلمان لم تستمر كثيراً
> فزين روشا واصحابه للاهلة
> انهم الاوفر مالاً بعد تعميد الكاردينال رئيساً للهلال
> وبدأت التصريحات من اعلام الهلال ومن الكاردينال نفسه
> فخسر الهلال الاتفاقية التي كانت تفيده وحده
> ولم يختار الوقت المناسب
> وكانت ضربة المدينة اولى خسائر الاهلة
> لم تشفع تصريحاتهم ولا تلميحاتهم
> كديس فداسي المربيهو جمال
> كفففففففففففف
> ختف اسرع حمامة في البرج
> والجماعة حردوا وفكوا الحمام الباقي
> ايها الناس
> من صالح الاهلة العودة للجنتلمان
> بالذات ونزار حامد على الابواب
> لذا
> لن نفكر في تلك الاتفاقية
> الا بعد جية نزار
> ولعبه الى جوار صديقه بكري
> بعد داك ان فضل فيها مان يا مان
> نشوف اتفاقية الجنتل
> المهم
> عشوائية تنقلات اللاعبين
> تظهر في تسجيلات الهلال
> ترشيح سبعة اجانب
> يطلع واحد سعران وواحد مسمار جحا في ركبتو
> وواحد عيان
> وواحد الكبد بي شطتها
> وواحد عيونو ديل عيون ايبولا عديل كده
> وحقو منظمة الصحة العالمية تتدخل لحماية مواطن السودان من خطر الاوبئة المحتملة من لقيط الاهلة ده
> معقولة يا ناس
> اجيب لي لاعب بلعب في بلد اعلى درجة حرارة فيها خمسطاشر ؟؟؟
> ياخ ديل لما الحرارة تصل سطاشر بجيهم سحائي
> يعني ده لو جا بلدنا دي
> في الشتاء بالليل بجيهو سحائي
> وتحت تحت قالوا فيهم واحد بتاع مبيعات
> بياااااااااااع
> تخصص بيع
> شفت ليهو فيديو
> ياخ ده بروج لي بضاعتو جنس ترويج
> يقنعك انو جلاها
> زي ده ان شاء الله يجي
> عشان يبيع الاستاد لي عصمت
> ويبقى عصمت مالك الشعار والاستاد
> ويمكن يبيع الاسياد برضو لي عصمت
> روشا
> كان بايع كاشنا حااااااضر
> الالف واللام بالاحمر والباقي بالاصفر
> المهم
> مجلسنا يبحث عن مدير فني
> ليست العبرة بوجود المدير الفني الاجنبي
> ولكن العبرة في دراسة الامر جيداً قبل التعاقد
> من الملائم لظروف البلد دي
> ولي فهم الرياضة في البلد دي
> ولي طبيعة ناسنا في البلد دي
> وبصمتو مضمونة ؟؟؟؟
> نحسن الاختيار قبل التعاقد
> ما ضروري نستعجل للقشرة سااااي
> أيها الناس
> موضوع عمر بخيت الحصل فيهو شنو؟
> بعد مرات في اسبير اصلي سكند هاند بمشيك لمن تلقى الاسبير الجديد الياباني
> بدل نقيف حقو نركب الاصلي السكند هاند
> بالذات الاستعمالو خفيف
> حمد السيد متين حاتضوي سمانا بالخبر ؟؟؟؟
> ايها الناس
> إن تنصروا الله ينصركم
> اها
> نجي لي شمارات والي الخرتوم
> كان شفت يا والينا
> الحنة بقت ما بتشيل فينا
> لا بالصبغة بتثبت لينا
> ولا بالمحلبية ولو كترتوها لينا
> وكان شفت يا والينا
> المكنات بقت ما بتقسم فينا
> وما بنصدق الشايفاهو عينينا
> نكذب كل الحولينا
> ياما صدقنا يا والينا
> وغير السراب ما جنينا
> قمنا جنينا يا والينا

سلك كهربا
ننساك كيف والشعب نصو لافي صينية ونصو واقف في صينية مجنتر.

والللللللللللللى لقاء
سلللللللللللللللللللك

في السلك – بابكر سلك
صحيفة الإنتباهة