بابكر سلك
ما تضرب عاطل بسويك شغلة
> وطبعا الدوافع كلها تتلخص في مصلحة المريخ
> لذا تتباين الآراء
> بالطبع لا المريخ ولا غيرو
> يتبع السياسات التي يفترض ان تتبع في التنقلات
> ولكن الحال افضل من سنوات مضت
> وبالتأكيد الناس بتستفيد من تجاربها
> وتباين وجهات النظر يجب ان لا يكون سبباً للعداء
> فالقاسم المشترك هو صالح المريخ
> ويجب كذلك ان لا يكون سبباً للشماتة في حال الفشل لا سمح الله
> مثلاً
> البعض يري ان عمر بخيت كبير في السن ولا يفيد
> والبعض الآخر يرى ان عمر بخيت خبير ويحتاجه المريخ بالذات افريقيا.
> وهنا يجب التأمل بنظرة محايدة
> نسترجع اداء ود بخيت في المباريات القديمة والحديثة
> هل هو مهم لهذه الدرجة ويجب الاستعانة به
> ام هو عادي ولا يقدم شيئاً ولا يمثل اضافة ؟؟؟
> هذه النقطة يحددها الفنيون فقط.
> هم الادرى والأجدر باتخاذ القرار
> يمكن ان يكون عمر بخيت مرشحاً من قبل البعض
> ولكن قرار تسجيله يرجع فقط للفنيين
> فالرأي المسبق
> والذي يجوز للجميع ان يفتي فيه
> هو السلوك الشخصي للاعب
> انضباطه
> مشكلاته التي يتسبب فيها
> اما امكانياته الفنية
> فالامر يعود للجنة فنية
> هذه اللجنة يجب ان تعمل بعيدا عن اية وصاية ادارية
> بل يجب ان تكون قراراتها ملزمة للادارة
> فالأمر فني
> اما حكاية كبير وصغير دي
> فاللاعب ما خروف
> عشان البحب الحملان واللحمة الهشة يفضل صغير العمر
> برضو في ناس بحبو الخروف يخت لحم كتير
> وبشوفوا انو الرباع لو لقي نار صاح
> بستوي على الآخر
> يبقي كترت لحم وشحم وهشاشة شية
> والبعض الآخر يرى ان هشاشة شية الرباع ما هي الا هشاشة عظام وما بتودي لي قدام
> المهم
> فنيا دعوا الخبز لخبازه
> ولو يأكل نصو
> موش اخير من ندي الخبز لي زولا ما خبازو ويأكلو كلو !!!!
> ايها الناس
> كردنة قال قاعد خمسه وعشرين سنة
> صدقوني شهر ستة
> لا حا نلقي هلال ولا حا نلقي كاردينال
> ايها الناس
> تحدث كردنة عن رعاية الثريا للهلال
> الثريا دي عارفة انو الشعار بتاع عصمت ؟؟؟
> وعارفة انو عصمت رافع دعوى تعويض على شركات قبلها ؟؟؟
> وعارفة انو عصمت بطالب بمليارات تعويض على الاعلان في شعارو.
> الثريا دي أخير تتخارج قبل الإعلان يجيها ويجيبها الثرى
> الشعار شعار عصمت ما شعار الكاردينال
> وحقو كردنة قبل يقعد الخمسة وعشرين سنة
> يشتري من عصمت الشعار
> أسي الجوهرة الزرقاء دي تختوا فيها شعار شنو؟؟؟
> تعلقوا ليكم فيها صفر كبيييييييييير فوق ولا شنو ؟؟؟
> كر عليك يا الثريا
> خايفك تبقي الثرى
> حا تتعبي مع عصمت شديد
> عصمت ده زول معاش
> شغله ما عندو
> متفرغ
> بتعبكم
> والمثل قال
> ما تضرب عاطل بسويك شغلة
> أيها الناس
> مجلس المريخ ولجنة التسجيلات
> ما ممكن يكونوا قاعدين ساي
> أكيد قاعدين فوق رأي
> وليس بالضرورة إنو البشتري أول ويمرق من السوق
> يكون اشتري السلعة الجيدة
> فالغشيم بشيل من طرف وببقي مارق
> والحصيف بعزل عزل
> وبشتري من تحت الرف
> نحنا في انتظار العزل الصاح
> أيها الناس
> إن تنصروا الله ينصركم
> أها
> نجي لي شمارات والي الخرتوم
> كان شفت يا والينا
> الباعوض تاني بدا يجينا
> باعوض الشتاء ده يعمينا
> ده ربيتوهوا مخصوص لينا
> يقرصنا ويساهر بينا ويلهينا
> ولا جابتو الظروف لينا وإنتوا ما جايبين خبر يا والينا !!!
سلك كهربا
ننساك كيف وقصاد كلو مواطن كريم سرب باعوض لئيم
والللللللللللللى لقاء
سلللللللللللللللللللك
في السلك – بابكر سلك
صحيفة الإنتباهة
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة