بابكر سلك
ما معترفين بالانفصال ؟؟؟؟
> جمعة للتسجيل من المطار
> وبجواز سوداني كمان
> الزول ده ما معترف بالانفصال ولا شنو ؟؟؟
> جواز سوداني شنو البتقول عليه ؟؟
> جواز صادر قبل الانفصال ولا بعد الانفصال ؟؟؟
> جنوبيين كتاااار عندهم جوازات سودانية قبل الانفصال
> وعندهم وظائف سيادية قبل الانفصال
> وعندهم رتب عسكرية قيادية قبل الانفصال
> الحاجات دي شغالة لسه ولا انتهت فترة صلاحيتها يا زعيم امة الهلال ؟؟؟؟
> اذا كان لجمعة جواز سوداني قديم
> يبقى ما مجدد
> لانو من الانفصال لي اسي
> مرت سنين
> وعمر تجديد الجواز سنتين
> يبقى عندو جواز سوداني ما مجدد ؟؟؟؟
> ولا عندو جواز سوداني جديد ؟؟؟؟
> لو جديد يبقى ما شغال لانو غير قانوني
> ولو قديم
> خللووووووووه
> يا كردنة
> البلد تطرد في اليوناميد
> وانت تلملم وتزيد ؟؟؟
> مرات يقولوا جمعة من ابيي
> وييي بليدنا وكلنا اخوان
> ده كان زمان
> بقينا جيران يا كردنة ما اخوان
> القانون قانون
> لو دايرين جمعة اعملوا استفتاء جديد
> ورجعوا الجنوب للشمال
> والشمال للجنوب
> ورددوا مع صلاح مصطفى
> مافي جنوب بدون شمال
> مافي شمال بدون جنوب
> بعد داك تسجلوا جمعة
> ترجعوا سبت
> تتعاقدوا مع خميس
> ده ما شغلنا
> وللذين يقولون اننا كمريخاب ما دايرين جمعة يحرس مرمى الهلال
> نقول ليهم ده وهم
> فاحلى انتصاراتنا على ابو الهل
> محلياً وأفريقياً
> كانت في حضرة جمعة جينارو
> تلاتة ساكواها
> بتتذكروها؟؟
> وبعدين جمعة ده موش ياهو جمعة بتاع كورة اهلي شندي الفلقتوا فيها رجل الراية ؟؟؟
> موش ياهو الجلاها من السنتر ؟
> موش ياهو الاتدردق في النجيلة في الكنغو
> اول مرة اشوف زول بحاوروهو وهو راقد
> موش ياهو جمعة الثبت رمضان عجب كأساسي عندنا
> ماسورة
> لكن يسود القانون
> ولو غنيتوا منقو قل لا عاش من يفصلنا
> فصلنا وانفصلنا
> جمعة حارس مرمى منتخب دولة الجنوب الشقيقة
> ولا ما معترف بالانفصال يا كاردينال !!!!
> المهم
> قالوا المريخ يطارد الغزال حتى المطار
> الغزال للمطار ونفسو ما قام ؟؟؟
> ايها الناس
> كل الالقاب والرتب
> ممكن صاحبها يقدمها على اسمه عند التعريف
> مثلاً واحد عندو دكتوراه
اسمو أحمد النور
> ممكن يقول دكتور احمد النور
> مثلاً العقيد حسن التوم
> الفريق ناصر السيد
> وكيل عريف سليمان عبدالله
> إلا لقب واحد
> الانسان ما بقدر يطلقوا على نفسو
> لانو ما بجيبو بي قراية او وظيفة
> بتطلقو عليهو الناس
> لقب زعيم
> يعني الزعيم إسماعيل الأزهري
> عمرو ما قال أنا الزعيم إسماعيل الأزهري
> برغم انو زعيم
> الزعيم الطيب عبدالله
> حصل يوم سمعتوهوا قال أنا الزعيم الطيب عبدالله ؟؟؟
> قرابة التلتين سنة يخدم في الهلال
> وما اتجرأ وقال
> أنا زعيم امة الهلال
> تعالوا شوفوا كردنة
> بعد خمسة شهور بس
> فيها تلاتة هزائم أفريقية
> وهزيمة من المريخ ثلاثية
> وفي حلقة واحدة
> قال أنا زعيم امة الهلال خمسة وعشرين مرة
> القصة دي
> زي زول في التعارف
> قول اسمو حسن مثلاً
> داير يعرف ليك نفسو
> يقول ليك الاخ حسن
> معقولة ياخ !!!!
> امة شنو الببقى فيها الزول زعيم بعد خمسة شهور ؟؟؟
> خمسة شهور دي النطفة ما بتبقى جنين
> خليك تبقى زعيم
> أيها الناس
> مجلسنا ما بنسانا
> غايتو لو نسانا
> وما جاب لينا زي لاسانا
> يبقى الموسم ده الله معانا
> أيها الناس
> إن تنصروا الله ينصركم
> أها
> نجي لي شمارات والي الخرتوم
> كان شفت يا والينا
> اليومين دي في مسرحية بتعرض علينا
> اسمها عرفنا السرقونا
> ديل كانوا وين يا والينا ؟؟؟؟
> يادوبهم عرفوا ؟؟؟؟؟
سلك كهربا
ننساك كيف وناس المسرح يادوب عرفوا السرقونا
والللللللللللللى لقاء
سلللللللللللللللللللك
في السلك – بابكر سلك
صحيفة الإنتباهة
