بابكر سلك
سلطان أبيي.. ويي
> ما كان ده وكتوا
> كان يصبروا عليهو شويه
> كان يخلوا مكنة شهادة ميلاد سلطان ابيي دي تقسم شويه
> سلطان ابيي ,,,,ويي ,,,ويي ,,,ويي
> كان يخلوا الكلام يجينا كلو
> يعني مثلاً يصبروا لما الجماعة يقولوا لينا
> جينارو مولود في الراهبات بتاعت ابيي
> كان يصبروا لما يجينا منشور يثبت ان السيد جينارو والد كابتن جمعة
> هو رئيس اللجنة الشعبية بابيي في السنوات 59 و63 و77 و من خمسة وتمنين لي تسعة وتمنين
> كان صبروا ناس «الزعيم»
> كان ابيي ذاتها جات بي كرعينها وقالت
> جمعة ولدي
> وولدتو في الخرطوم دي
> وكان قالت احمد بيتر ولد اختي شقيقتي
> ومولود عندي
> يا سلام على الشفافية يا روشا
> بكرا اطلعوا لينا بي سلطان تاني لابيي
> اصلوا ابيي دي شراكة
> شمال وجنوب
> الحاوروهوا ناس «الزعيم» ده سلطان ابيي بتاعت الشمال
> والطلع ليكم الشهادة ده سلطان ابيي بتاعت الجنوب
> وطلع جواز جمعة القديم وفقاً لقانون الجوازات والجنسية السوداني
> بس ورونا الجواز الجديد طلع بموجب قانون شنو ؟؟؟
> قانون ابيي ؟؟
> المهم
> حكاية سلطانين دي ذكرتني نكتة
> قالوا في استاذ بتاع ناسات
> السؤال الساهل يسألوا لي ناساتو
> والناس البكرهم يقول يسألم سؤال نكير
> قالوا يوم وقف طالب من المكروهين
> قال ليهو ترزي افرنجي فاتح ناصية في يوغندا اسمو منو
> الطالب بسرعة قال فيليب البرتو
> الاستاذ قال ليهو غلط
> الجماعة القاعدين ورا ديك
> كلهم وقفوا وقالوا كلامو صاح يا استاذ
> الترزي اليوغندي ده بنعرفوا
> حتي زميلنا ده حلق عندو
> الاستاذ قال ليهم فيليب البرتو ده في الناصية دي وانا قاصد الناصية التانية
> يبقى سلطان ابيي الحاورتو «الزعيم» ده في الناصية دي
> وكردنة قاصد الناصية التانية
> ناس روشا ديل ما بخلونا نشتغل
> روشا
> ساعدونا شويه
> ما معقول البلد تطرد في اليوناميد
> وانتوا تجيبوا فيهم من جديد
> اسي يوناميدكم ده ما مكفيكم ؟؟؟؟
> شهر ستة ما بعيد
> يفوت يوناميد ويجيكم يوناميد
> وبعدين جمعة ده اصبروا عليو شويه
> الانفصال طلاق
> ولكن في فهمي هو طلاق رجعي
> ليس بالطلاق البائن
> خلوا الرجعة تتم
> ورجعوا جمعة سوداني عدييييييييييييل كده
> ايها الناس
> سيدا لي اسي ما فتح خشمو
> الهلال كلو ينضم
> دايرين هيثم
> ما دايرين هيثم
> هيثم يرجع
> هيثم ما يرجع
> نحنا كمجلس
> نحنا كجماهير
> هيثم سيدا وسيدا هيثم
> في الرديف الف هيثم
> لافي الرديف ولا في الريف هو في رغيف!!!!
> برضو دايرين هيثم
> كلام كتير بتقال
> وهيثم لسه ما نطق
> السواي ما حداث يا كردنة وروشا
> المهم
> ايها الناس
> إن تنصروا الله ينصركم
> اها نجي لي شمارات والي الخرتوم
> والينا
> بمناسبة فوز السودان بمنصب الامانة العامة للهيئة العالمية للمسرح
> ده حالتو بدون مسرح
> بالمناسبة دي بقينا نحلم بالمسرح ونسرح
> وطبعا يا والينا
> اي مسرحية ليها تكلفة انتاج
> صرف على البروفات والتوصيل طباعة النص والديكور يا والينا
> اجور الممثلين والازياء والمؤلف والوجبات والمخرج والفنيين الفينا
> الضرائب والايجار والاعلان والدعاية في التلفزيون البعملوها لينا
> المسرحية كلو ما اتكلفت وما اتكلفتت بتنجح وبتدر ربح يا والينا
> دحين يا والينا
> المسرحية التكلفة انتاجها تمنيمة مليار دي يا والينا
> مهما ربحت كم بتدخل لينا؟؟؟؟
سلك كهربا
ننساك كيف وممكن إنتاج المسرحية يكلف من المليارات تمنمية والغريبة الشعب كلو خاشيها.
والللللللللللللى لقاء
سلللللللللللللللللللك
في السلك – بابكر سلك
صحيفة الإنتباهة
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة