الجمل أليف

[CENTER][B][SIZE=5] الجمل أليف [/SIZE][/B][/CENTER] [SIZE=5] > الأهلة ديل أحلى ناس
> لو أنهم بضحكونا شديد
> كان متنا من زمنا بعيد
> بحبهم حب شديد
> عشان بتكلموا زي ما دايرين
> زي الطالب بتاع القصة الشهيرة
> الطالب الكان اي موضوع انشاء يكتب عن الجمل
> لو قالوا ليهو اكتب عن اسرتك
> يكتب
> اسرتي فيها انا وابوي واخوي وامي
> امي بتقول لي قوم طويل وممطوط كده زي الجمل
> والجمل حيوان اليف يعيش مع الانسان
> وللجمل قوة تحمل كبيرة
> الجمل يتحمل العطش
> المهم تاني ما برجع لموضوع الاسره نهائي
> لو قالوا ليهو اكتب عن احتفال
> يكتب عن المولد
> يقول ليك ابوي ودانا المولد
> اخوي اشتري حصان
> انا اشتريت جمل
> والجمل حيوان اليف
> الجمل يتحمل العطش
> للمولد الجاي ما برجع لموضوع المولد تاني
> يوم الاستاذ زهج منو
> قال ليهو قوم تحدث عن الصحراء
> وكان راجل جيب سيرة الجمل
> قام الطالب قال الآتي
> الصحراء هي عبارة عن رمال واسعة ليست فيها اشجار ولا مياه
> ويصعب علي الانسان العيش فيها او حتي عبورها
> فقط يعبرها الانسان على ظهر سفينة الصحراء
> وسفينة الصحراء هي الجمل
> والجمل حيوان كبير له سنام
> والجمل طويل ويتحمل العطش
> والجمل ليست له مرارة
> والجمال انواع
> جمل ابو سنام
> وجمل ابو سنامين
> وانثي الجمل تسمي الناقة
> والجمل لا يأكل من الارض اطلاقاً
> الجمل يأكل من فروع الأشجار
> الجمل حيوان عالي شديد
> قالوا الاستاذ لما وصل الحته دي
> جاتو جلطه وهبوط في الضغط
> ارتفع السكري
> مات سريرياً ومزاجياً قبل الموت الاخير
> والطالب قااااعد كأنو ما عمل شيء
> اسي الناس قاعدين في الفراش
> اها الطالب ده هلالابي
> لأنو ناس تقول ليهم جمعة ما من ابيي
> يكتبوا ليك منذ متى كانت أبيي جنوبية؟
> ويكتبوا ليك أبيي في كردفان
> ويكتبوا ليك هل في هذا اعتراف بان ابيي جنوبية
> اسي الجاب سيرة ابيي جنوبية ولا شمالية شنو؟؟
> الزيت واضح
> جمعة ما من ابيي
> تقول لي الجمل حيوان اليف!!!!
> طيب ابيي شمالية
> ليه ما قلتوا جمعة من شندي
> موش مولود في شندي؟
> ليه اخترتوا أبيي بالتحديد؟
> يا روشا
> جاوب علي السؤال التالي
> جمعة من دينكا نقوك ؟؟؟
> طبعاً حاتقول لي نقوك جمع نوق
> ومفردها ناقة
> والناقة مرت الجمل
> والجمل حيوان اليف
> واييييييييييييييييك
> المهم
> ناسنا حيرونا في تسجيلات الاجانب
> الخوف تقفل التسجيلات
> نقول ليهم ما جبتوا أجانب ليه؟
> يقولوا لينا فتشنا غابات افريقيا وصحاريها
> صحاريها فيها جمال
> والجمل حيوان اليف
> وايييييييييييييييييييك
> ايها الناس
> ان تنصروا الله ينصركم
> اها
> نجي لي شمارات والي الخرتوم
> كان شفت يا والينا
> الرغيف بقي بتمطي لينا
> تقطع الرغيفة تتمطي معاك زي اللستك يا والينا
> برضو خير وفيهو بروتين لينا
ولا يكون سرطنة يقوم يودينا

سلك كهربا
ننساك كيف واذا سألناهم متين حاترفعوا المعاناة عن عاتق الجماهير يقولوا لينا الجمل حيوان اليف

والللللللللللللى لقاء
سلللللللللللللللللللك
[/SIZE]

في السلك – بابكر سلك
صحيفة الإنتباهة