بابكر سلك : كبسور اشتكي الدكتور
> كبسور حيرنا
> إذا جاورتو يشتكيك
> إذا رحلت من جمبو يشتكيك
> إذا شغلتو يشتكيك
> إذا اشتغلت معاهو برضو يشتكيك
> إذا ناسبتو يشتكيك
> إذا ناسبك يشتكيك
> لو أبيت تديهو برضو يشكيك
> أمس سمعنا بإنو كبسور اشتكى الدكتور.
> ومع أسعار الدمغات المرتفعة دي.
> ومع زيادة رسوم التقاضي.
> كبسور حايفلس.
> بدل يخت حجر الأساس، حايخت دمغة ضريبة في البلاغ الجديد.
> في ناس كده.
> فاطين سطر.
> بجننوا النيابات جن.
> النيابات بتوقفهم من الجية.
> النيابات ما فاضية ليهم.
> وده الحايحصل لي كبسور.
> معقولة يا كبسور تشتكي الدكتور؟؟؟؟؟
> الشكوى الجديدة صدقوني حاتكون في الثريا.
> يا الثريا جاك كبسور.
> الله تاني تلاتين عشرة ما تفضوا ليهو.
> تدوهوا يشتكيكم.
> ما تدوهوا يشتكيكم.
> دي شبكة شنو دي ياربي !!!!
> الزول الوحيد البشتكيهم كل يوم هو عصمت.
> ولأن عصمت على حق زايغين منو.
> وفطومة أختي اعترفت بملكية عصمت للشعار.
> وقالت كردنة يجيب شعار فيهو الخريطة.
> يوزعوا مجاني.
> وبعدين يبيعوا.
> مجاني ليه؟.
> خلوهوا يبيعوا علناً.
> عشان عصمت يوري ليك كبسور الشكية القوية.
> أيها الناس.
> العلامة التجارية المسجلة باسم عصمت.
> تمنع الثريا والثرى من الإعلان بها وعليها.
> ولو الثريا دايرة تفلس.
> كدي التعلن في شعار عصمت
> كمان عصومي بلعب !!!
> وروشا بقى يهدد بإنو في ناس دايرين عنوان عصمت.
> أديهم يا روشا العنوان.
> وشيك على بياض كمان.
> لأنو عصمت ما معروف داير كم.
> بس الشيك يكون طويل شوية.
> لأنو عدد الأصفار التي يريدها عصمت مقابلا لشعاره.
> تفوق صفر الواقع الهلالي وأصفار الخيال.
> ومحامي كردنة الإشتكي بكري.
> يوم في جريدة روشا سويدي.
> ويوم سويسري.
> ويوم إنجليزي.
> إنجليزي يا مرسي !!!
> يكونش قريب كلارك يا روشا؟؟؟؟
> بس ياروشا في حاجة ما تكون فاتت على كردنة.
> قولوا للمحامي بكري ما رجع لينا البدلة.
> عشان الحتة مهمة في القضية.
> وكان إتأخرتوا للأحد.
> قولوا ليهو وكمان بكري شوف قوة عينو.
> جاب فينا قون كمان.
> جرى بي سمبو المسكين.
> لقاهو ما معسكر.
> موش كان الإماراتية مانعين دخول المشكوك في إيبولتهم !!!
> ويصف روشا روابطهم في السعودية بأنهم أوهام في أ وهام.
> يا روابط الهلال بالسعودية يا وهم.
> بتتوهموا بتقولوا في شنو؟؟؟
> ستة انفار خلف قطعة قماش وعاملين فيها روابط وإمارات كمان؟؟؟؟؟
> والله يا روشا.
> كردنة ده تباروهوا يجي يوم تلقوا قطعة القماش وراها مافي ولا زول.
> الخوف قطعة القماش زاتها تشتت.
> أيها الناس
> أنكر كردنة حكاية تبرعو بي واحد وخمسين مليار للجوهرة.
> وأنكر حواره مع الجوهرة.
> الزول ده بدا ينط.
> لجنة التسيير جهزوها سريع يا فطومة يا أختي.
> عشان ما يجيبوا ناطق تاني.
> معقولة يا كبسور تشتكي الدكتور!!!
> أيها الناس.
> لو عصمت رسَّل صور من شهادات الملكية بتاعت العلامة التجارية لي ناس الثريا.
> تفتكروا ناس الثريا تاني بمسكلوا في الموضوع ده ؟؟
> واحد قال لي عصمت مفكر فيها.
> داير يحذرهم أول.
> عشان بعدين ما يقولوا ما كنا عارفين.
> معقولة؟.
> تشتكي الدكتور يا كبسور.
> يا عماد حسين.
> الهلال لو عندو قضية.
> قضيتو مع عصمت يا حبيب.
> رشا قال بحذِّر عصمت من استفزاز جماهير الهلال.
> القال حقي غلب ياروشا.
> وعصمت ما قال شيء غير حقي.
> الشعار شعارو.
> كان تظهروا كان تضاروا.
> شعارو.
> الجاب الاستفزاز شنو؟؟؟
> البستفز جماهير الهلال هو حملهم على وهم ملكية الشعار للنادي.
> الشعار بالقانون بتاع عصمت.
> هكذا قالت المحكمة العليا بالبلاد.
> المهم.
> ماشين شندي ولا لسه بترجفوا؟؟؟؟
> كردنة دحين ما داير يشتكي القرعة ؟؟؟
> البرد جا.
> الهلالاب يرجفوا.
> البرد مشي.
> الهلالاب يرجفوا.
> يبقى السبب ما البرد.
> السبب الجرد يا روشا.
> ماشين شندي.
> ولا الطالب البخاف من الجلد ما بنجلد أول واحد؟؟؟؟
> ردفوا ياروشا.
> الموسم ده جلدو كتير شديد.
> أيها الناس.
> كبسور يشتكي الدكتور؟؟؟؟
> لا حول ولا قوة إلا بالله!
> إيها الناس.
> إن تنصروا الله ينصركم.
> آها..
> نجي لي شمارات والي الخرتوم.
> كان شفت يا والينا.
> مضيعين زمننا من بدري في قصة الروب.
> من سرق الروب.
> الأمة يقول أنا سرقوا؟؟أنا ما سرقوا. هذا سرقوا.
> الاتحادي يقول أنا سرقوا؟ أنا ما سرقوا…هذا سرقوا.
> اليساري يقول أنا سرقوا ؟؟ أنا ما سرقوا…هذا سرقوا.
> الوطني يقول أنا ؟؟أنا سرقوا؟؟؟أنا ما سرقوا…هذا سرقوا.
> الشعبي يضحك في الأول ويقول ..أنا سرقوا؟ هذا افتراء..أنا. بالطبع ما سرقوا هذا سرقوا.
> الاتحاد الاشتراكي يقول مين سرقوا ..أنا ما سرقوا …هذا سرقوا
> منبر العدل يقول أنا فصلوا؟؟ أقصد سرقوا؟؟أنا ما سرقوا….هذا سرقوا.
> وترجع تاني للأمة ويعود الموال يا والينا.
> عشان نعرف من سرق الروب الهيلنا.
> ضيعنا روبنا من أيدينا.
> وين الروب يا والينا.
سلك كهربا
ننساك كيف والروب ضايع والشباب صايع والحرامي بايع
والي لقاء..
سلك
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة