جقر يا والينا !!!!

[JUSTIFY]> قبل كل شيء نشيد بالإذاعة الرياضية.
> لأنها أحقت الحق وقدمت اعتذراها للمريخ.
> اعتذار من الدكتور يوسف السماني شخصياً.
> اعتذار عن التحيز السافر للمعلق الذي علق على مباراتنا في كوستي.
> والذي صور لنا مريخنا وكأنه يقف مكتفاً أياديه يتفرج على سيطرة مريخ كوستي على الملعب.
> أيها الناس.
> نعود لمباراة كوستي.
> تأخرت عن موعدها.
> لا لشيء سوى جلوس الناس على الخط جوار المرمى الشمالي.
> وعلمنا أن من ضمن الجالسين لاعبون من الرابطة.
> يعني عارفين كلو شيء.
> ما صغار ولا جاهلين.
> ولكنها الحرب.
> معروف هلالية أهل الرابطة كوستي.
> وده شيء يخصهم.
> لكن أن يعمل البعض من أجل خدمة الآخرين على حسابنا.
> ده موضوع ما بمشي معانا خالص.
> وحقو ناسنا من الليلة يفتحوا عينهم على مباراة الرابطة في كوستي.
> يعتبروها عدو عديل.
> وكوستي مليااااانة مريخاب.
> وربك وكل النيل الأبيض.
> بالإضافة للشفوت البسافروا من هنا.
> المخطط ما بمشي علينا.
> ونقاتل المحرَّش والبحرشو والبكاتل.
> وجات تمت الناقصة قصة المعلِّق الذي صوَّر لنا مريخنا وكأنه فريق من الروابط.
> الكلام ده ما جهل منو.
> زول بمسك مكرفون إذاعة ليعلق على مباراة.
> ما بكون زول ساي.
> وإلا تبقى الإذاعة المسكتو مكرفونها إذاعة ساي.
> أيها الناس.
> الأهلة يتحدثون عن تحيُّز وديدي للمريخ.
> طبعاً ده هجوم قبل ما نهاجم نحنا.
> وديدي الذي أنذر بكري المدينة منذ بداية المباراة ليحجمه ويقلل من مجهوده.
> وفي حالة لا تستحق حسبما ذكر من شاهد المباراة.
> بالطبع لا يتحيز للمريخ.
> ووديدي الذي ينقض هدف عنكبة الذي أخرجه المدافع من داخل الشباك.
> ما كان متحيز لينا.
> بل تحيُّزه كان معروف اتجاهه.
> ووديدي أخطاءه التحكيمية التي لا يظلم من خلالها فريق.
> نحنا عارفنها صدفة سااااي قاعدة تصب وين.
> أيها الشفوت.
> الوعي ثم الوعي.
> ودعوة روشا ليوسف أبو حميد ليتقدم بشكوى ضد بكري المدينة أوضح دليل.
> على أن الأمر حرب.
> وأمور تدبر وتحاك.
> وعراقيل توضع أمام الزعيم.
> لأن آل مكسيم مواسير.
> والقطر الشالك انت.
> يتكسر حتة حتة.
> وتسلم لي انت.
> لو كنت الحقيقة يا انت.
> أيها الناس.
> الشفوت يملكون كل الأسلحة التي يستخدمها الأعداء.
> سنقاتل كل عدو بسلاحه.
> ولن تأخذنا رأفة بالرابطة كوستي.
> -التي يتوارى خلفها هلالاب كوستي بدون خجلة.
> المهم.
> نشكر الإذاعة الرياضية على شجاعتها.
> وبالمناسبة اعتذار دكتور يوسف السماني.
> فيهو اهدار لمخطط الاعداء.
> نحن نعرف كيف نحمي مريخنا.
> هنا وهناك..
> أي زمان أي مكان.
> بمناسبة بكري المدينة.
> تاني شفت جريتو.
> أنا سجلت الكورة.
> ياخ الزول ده جري جرية عجيبة خلاص.
> أمس اكتشفت ليكم مساوي.
> مساوي وقع اتشتت زي ام شبتو.
> بالله تقول عندو أربعة ايدين واربعطاشر كراع.
> وكلهن اتكومن وجلن بكوري.
> ياخ دي جرية تجري الدموع.
> كل يوم حا اشغلها.
> عشان كلو يوم اكتشف شيء جديد.
> أيها الناس.
> فوتوا الفرصة على المندسين.
> المندسين الذين لا هم لهم سوى الهتاف في وجه لاعبينا.
> طبعاً عاملين فيها مريخاب.
> وديل أخطر بكتير من الاعداء الظاهرين.
> البسيء ما مننا.
> وعشان كده حقو يتأدب.
> أو نأدبو نحنا.
> الصبر على لاعب.
> هو مفتاح التفوق والنجاح والتطور.
> الناس صبرت على خليفة ومساوي واسامة التعايشة.
> الناس صدقت حكاية وليد شبل. ووليد أكمل زمن إنو شبل عندنا سنة ألفين وحداشر.
> ومشى هلال كادقلي.
> ودي سنة ألفين وخمسطاشر.
> يبقى شبل كيف بس ؟؟؟
> ولكنها محاولات إعلامية لتثبيت أقدامه.
> يبقى نحنا أشبالنا الجد جد.
> ناس جمال سالم وبخيت خميس وإبراهومة وحسن سفاري.
> هم الأدرى بالمساندة والصبر.
> وليد ما شبل.
> راجل كبيير وعارف كلو شيء.
> الشبل زي عيسى صباح الخير. > عمرو سبعطاشر سنة حاور أفريقيا كلها.
> وعيسى جاري والباك جاري وراه.
> المهم.
> أمس صدرت صحيفة (أول النهار)
> قمة في روعتها.
> واختنا مشاعر الشاطرة بالتأكيد تكون الروائع حيث تكون.
> الرائع معاوية الجاك رئيساً للقسم الرياضي فيها.
> تبقى رياضة (اول النهار) اضافة مريخية ومنبراً لا يُستهان به.
> بالتوفيق اخي معاوية واختي مشاعر وبقية العقد الفريد.
> وربنا يجعلها اضافة للصحافة الوطنية المميزة المهمومة بالمواطن.
> أيها الناس.
> نعزي أنفسنا في رحيل مشجع المريخ حلو النفس حميد الصفات بدر الدين حلاتو.
> حلاتو كان عاشقاً مريخياً مدمنا للزعيم.
> انتقل فجأه من بين أيدينا.
> نسأل الله له الرحمة والمغفرة.
> ونعزي الاهله في رحيل مشجع الهلال سمح النية والنفس البلولة.
> ايها الناس.
> «إن تنصروا الله ينصركم»
> آها
> نجي لي شمارات والي الخرتوم.
> كان شفت يا والينا.
> سبب خراب كبري المنشية جقر قالوا لينا.
> جقر يا والينا !!!!
> سايبين الجقر طايح فينا.
> ويهدم كمان كبارينا علينا ؟؟؟؟؟
> لكن بيني وبينك البلد اتملت جقور يا والينا.
> وحد عندو سكري من أهالينا.
> رجلو منملة من عمايل السكري فينا.
> تخيل الجقر اكل اصبعو يا والينا!!
> بعملها الجقر مدام مافي زول شايل فينا.
> قلت لي جقر يا والينا ؟؟؟
> الضب متين حايرمي القاعة الجديده فينا ؟؟؟؟
> تعرف يا والينا.
> حكاية الكبري دي ذكرتني النكتة الاتقالت لينا.
> صدقني بجي يوم المهندس يؤشر على الفضاء ويقول لينا.
> شايفين الكبري داااااااااك يا أهالينا.
> نقول ليهو ماشايفين كبري يا أخينا.
> يدخل يدو في جيبو ويقول لينا.
> كلو هنا.
> بتحصل يا والينا.
سلك كهربا
ننساك كيف وام سيسي كان رمت المدرسة فينا زي رمية مباني الرباط يبقي ووووووب علينا.
والي لقاء
سلك[/JUSTIFY]