بابكر سلك
في الجقر
> النصر حليفنا بالإيمان والإخلاص والعمل.
> وأتمنى أن يكون الشفوت قد وقفوا مع اللاعبين.
> وألا تكون قد بدرت من البعض بوادر التشنج وإحباط اللاعبين.
> فنحن في المريخ قوة.
> ونحن في المريخ ندري كيف نساعد نجومنا على الأداء الجيد.
> وكيف نوفر لهم المناخ المناسب للإبداع.
> المهم.
> الآن نحن في النقطة تسعة.
> وغيرنا يسعى.
> المهم.
> قالوا الكاف عاقب زنزبار بالتجميد.
> وأن الجماعة بالتالي يكونوا انتقلوا للمرحلة المقبلة.
> إن كان ذلك كذلك.
> فمثل هذا الحظ لم نشاهده في حياتنا.
> فريق محظوظ أكتر من فار المنشية.
> فار المنشية اللقي خرسانة هشة زي البسكويت.
> ولكن إن كان ذلك كذلك.
> فهذا لا يعني أن الجماعة سيستفيدون من ذلك.
> لأنه فريق معظمه حديد أهو.
> ما بمشي لي قدام ولو انسحبت جميع الفرق.
> وفضل أمامه فريق واحد.
> ما بجيب شيء.
> وصدقوني.
> كأس ما جابو جكسا ما بجيبو بشة.
> المهم.
> أمس شفوت الفاشر غلبو جماعة الفاشر.
> جماعة الفاشر لاحقين جماعتهم الهنا.
> حديد أهو.
> وعقبال مريخ كوستي ورابطة كوستي.
> مريخ كوستي لازم يهزم هلالاب كوستي في شخص الرابطة.
> المهم.
> قنطار الحظ مهما كان.
> ما بفوز أمام درهم الشطارة.
> ممكن يخدمك وقتياً.
> لكن نهائياً بجيب خبرك.
> بوديك محل الخمسات والستات.
> لأن البوطولات تأتي بالشطارة لا بالحظوظ والأمنيات.
> أيها الناس.
> ما فاهمين الحاصل بخصوص إبراهومة.
> مفروض المجلس ينورنا.
> عشان ما نتنور برانا.
> باقي أنوارنا البرانا وهاجة شديد.
> يا سعادة الفريق طارق.
> الحاصل شنو في موضوع الولد ده؟؟؟
> المهم.
> قالوا غرزة ما قادر يدفع حق الفندق.
> ما مشكلة.
> لمن يقبض من لوزان حقو العند الجماعة.
> بشتري الفندق زاتو.
> قروش الثريا دي لو كفت غارزيتو تكون ما قصرت.
> بمناسبة لوزان.
> لوزان قالت شنو ؟؟؟؟؟
> أيها الناس.
> لا نرى طحيناً في مطاحن الأشبال والرديف.
> الحاصل شنو؟؟؟
> ولييييييييييه ؟؟؟
> والزول البهمل مزرعتو.
> بشتري الخضار غااااااالي.
> ومزارعنا بنعرف إنتاجها.
> وما قصرت قبل كده.
> حقو الاهتمام يكون بقدر الحلم يا ناس قطاع الناشئين.
> أيها الناس.
> فاري وفارك فوروا الشغلانة.
> يقدر فارك يأكل الخرسانة.
> زي ما فاري أكل الترسانة؟؟؟؟؟
> المهم.
> صدقوني.
> قصة الجقر دي شدة ما دخلت علي.
> داير أكتب في السلك.
> كتبت في الجقر.
> وبالمناسبة دي.
> قالوا في بتاعين بحر.
> قاعدين جمب البحر.
> سمعوا بي قصة الجقر.
> كانوا بغنوا.
> يا جقرنا ..ياااجقرنا..ويا جقرنا.
> إنت تأكل في كوبرينا ونحن ننفخ في بطنا.
> يا جقرنا.
> يا جقرنا يا جقرنا ويا جقرنا.
> تضرب الكوبري بجناحو وياحلينا ناسنا راحو.
> وياجقرنا يا جقرنا يا جقرنا.
> يا محيرنا.
> أيها الناس.
> ناس القبور واقفين طابور.
> من البكور للجقور.
> على مين الدور ؟؟؟؟؟
> أيها الناس.
> «إن تنصروا الله ينصركم».
> آها
> نجي لي شمارات والي الخرتوم.
> والينا.
> جقر كلم أخوهو الجقر.
> قال ليهو جقر الشمالية عازمنا عرس بتو.
> البوفيه مفتوووووووووح.
> العضة سد مروي يا والينا.
> جقر هنا قال ليهو.
> يعني كبري الحلفايا ده ندخلوا التلاجه لمن نجي !!!!
سلك كهربا
ننساك كيف بس وريني ننساك. كيف والجقر ساكن القيف خالف الرجل فوق للرجل ضارب الكيف.
جقر بتاع بحر وحريف.
والي لقاء..
سلك[/JUSTIFY]
