[SIZE=5]اتخذت شرطة وسط أمبدة إجراءات أولية حول طبيبة أبلغت أسرتها عن اختفائها في ظروف غامضة وكشفت تحقيقات الشرطة أن الطبيبة تعمل في احد المراكز الصحية بامبدة وقد خرجت برفقة زميلتها وزميلها الذي يقود سيارة وأنهما أوصلاها قرب منزلها وغادرا سوياً وتوصلت التحقيقات حسبما ذكرت شقيقتها إلى أن المختفية قد اتصلت عليها عقب مغادرتها زميليها وأخبرتها بأنها استقلت ركشة للوصول والى منزلها غير أن سائق الركشة قام بتخديرها أثناء عودتها إلى المنزل وقادها إلى منطقة خلوية ورماها هناك وإنها عندما استيقظت وجدته قد قام بنهب ممتلكاتها وهاتفها الجوال وقد وجدت الشريحة قرب المكان وأخطرت شقيقتها بأنها في طريقها الي المنزل بيد إنها لم تصل وقد قامت الشرطة بإصدار نشرة للبحث عنها ومواصلة التحقيق لمعرفة خفايا الاختفاء..
[/SIZE]
صحيفة الأهرام اليوم
يا اخوانا القصة دى شكلها مفبركة ولا انا غلطان … دكتورة ويقوم سايق رقشة بتخديرها بس دى يفهموها كيف .؟؟ شكلها تغطية … اقول ليكم حاجة اللة فى ..
اول ماقرأت الكلام تبادر الى ذهني سؤال الاخ محمد عبد الواحد وقلت ياربي الشرائح السودانية بقت تتصل بدون جهاز ولا ركبتها وين الشريحة دي .. بعدين هو سائق الركشة دا عندهم غرفة عمليات ولا كيف .. وطيب هو خدرها اول ما ركبت ولا مشى مسافة وبعدين وقف الركسة وخدرها كيف يكون الكلام دا يا اما هي مشت برضاها لانه ما ممكن يغير اتجاه الركشة وهي ما تحتج وما ممكن يخدرها في الشارع وترقد او تتكي في الركشة وما تلفت النظر .. يا ناس الصحف الملخبطاطية عليكم الله قولوا للكاتب ينسق موضوعه مش يكتب اي كلام..
القصة واضحة ياجماعة بس ركزو شوية اختنا الدكتورة دى بعد ما سواق الركشة ده وهو فى الاصل استشارى تخدير بعد ماقام بسرقتها وتركها فى الخلا اتزكر انو الزولة دى ما صحت من البنج فرجع ليها ما لقاها والدكتورة ياجماعةوصلت الظلط واتصلت على اختها وبعدين اشرت لى بتاع ركشة عشان يوصلها فطلع بتاع الركشة صاحبنا القبيل وقام تانى خدرها والقصة اتكررت بس ممكن يكون رصيدها خلص ومااتصلت على اختها لسع وهكذا………. ياناس صلوا على النى
بصراحه كلام مبهم
الحكاية انو بتاع الركشة ساقا المستشفى وخدرا وبعد داك وهى محدرة ساقوها الخلاء وفى الخلاء لقت الشريحة هى قايلاها شريحتا وطلعت حقت سيد الركشة اتصلت عليهو وقام جاها ورجعا……بس