[SIZE=5]تمكنت شرطة الانتربول السودانية بالتنسيق مع الانتربول السعودي من القبض على المتهم الثاني في قضية الشبكة الإجرامية التي استولت على مبالغ مالية من بنك الخرطوم قدرت بـ(34) مليار جنيه، والشبكة الإجرامية تتكون من شقيقين أحدهما شخصية مشهورة يدعي أنه رجل أعمال نصب بنك الخرطوم واستولى منه على مبلغ (34) مليار جنيه عن طريق التمويل العقاري وقروض شراء العقارات والمباني، وكانت شرطة الانتربول قد ألقت القبض على المتهم الأول الشقيق في رمضان وتمكنت عقب توارد معلومات تفيد بدخول المتهم الثاني إلى المملكة العربية السعودية مستخدماً جواز سفر مزور يخص أحد أقربائه لتلحق به مأمورية من شعبة الانتربول تمكنت من التعرف عليه والقبض عليه وإحضاره السودان
[/SIZE]
صحيفة السوداني
[SIZE=6]بالله بلدنا دى فيها قروش كتيرة زى دى وما عندها رقيب بس نفسى اعرف الناس ديل لما شالو القروش الكتيرة دى منو الكان مسئول عن دراسة حالة وموقف العميل وين ناس ادارة الشركات (Corporate)قاعدين يسو فى شنو طبعا لسة قاعدين يصرفو مرتباتهم ووين ادارة الائتمان ووين ادارة البنك ووين البنك المركزى وما اداراك بالرقم الائتمانى ووو …الخ [/SIZE]
مسخرة بنك يمول شخص واحد 34 مليار
[B]شنو يعنى مليارين تلاتة و بكرة يتقدل فى الخرطوم – وربنا يكون فى عون مساجين الهدى فى مبلغ خمسمائة جنية—عجبى[/B]
يا ناس حرام عليكم ما هناك ناس نهبوا بنك أم درمان الوطني وأخذوا منوا قروض وإلى لآن لم يردوها ليه ما يحاكموهم هم الآخرين وليه بس يحاكموا ديل وهل عشان هم ماهم معاهم في الحزب ؟؟؟ بالله خليكم منصفين ومنصفين جداًوأنتوا ناس دين بتقولوا حلوا الأمور كما تحلوها مع هؤلاء لكن والله وقعوا ( ديل حقهم لا وبعض الناس نعم ) ليه ؟
الفساد الفساد الفساد استشري الله الله اعملوا حسابكم ايها الفاسدون والله بعد الربيع العربي ما بنترك لا صغيرة ولا كبيره
اعملوا حسابكم ايها…….
(والشبكة الإجرامية تتكون من شقيقين أحدهما شخصية مشهورة يدعي أنه رجل أعمال).
أكيد هذه الشخصية المشهورة من ذوي النفوذ أو له صلة قرابة يذوي النفوذ وبالتالي لم يذكر اسمه لأنه ليسة من المواطنين العاديين. فلماذا نحمي المجرمين بإخفاء اساميهم,عشان بكره يطلع منها زي الشعرة من العجين ونحن لا ندري.أو يعطي المبلغ لي أحد قرائبه من ذوي النفوذ ويسجنوه كم سنه فقط (بس عشان نعرف) ويطلع يجد المبلغ صار مبلغين.
اللهم أغننا بفضلك عن من سواك
اذا كان رب البيت بالدف ضارب فشيمت اهل البيت الرقص والطرب
فساد الرعية من الراعى اذا كان الماسكين امور الشعب والبلد فاسدين ما تتوقع ان يكون , والشئ العجيب بقولوا هى لله لا لسلطة ولا للجاه, وما مصر وتونس وليبيا عنكم ببعيد ولا بد لليل ان ينجلى و كل ما اخذ سيرد بأذن الله كما فعلوا الذين كانوا قبلهم. مهما طال الزمن سيزولوا ولو كانت باقية ما كانت جاتم ولهم حساب عسير انشاء الله مع الله . ولن يتهنوا لا فى الدنيا ولا الاخرة باذن الله