جرائم وحوادث
السعودية تنفذ حكم الاعدام في سوداني مارس الدجل والشعوذة
وقال بيان أصدرته الداخلية السعودية أن عبد الحميد حسين علي مصطفى الفكي أقدم على ممارسة الدجل وأعمال السحر والشعوذة، وتم القبض عليه والتحقيق معه، وبإحالته إلى المحكمة العامة صدر بحقه صك شرعي يقضي بثبوت ما نسب إليه شرعًا والحكم عليه بقتله حد الساحر، وصدق الحكم من محكمة التمييز ومن مجلس القضاء الأعلى بهيئته الدائمة، وصدر أمر سام يقضي بإنفاذ ما تقرر شرعًا وصدق من مرجعه بحق المذكور. [/SIZE][/JUSTIFY]
الصحافة
اين كانت السفارة السودانية ووزارة الخارجية وهل تم الاتصال بي محامي او شخص يدافع عنه , هل كانت الحكومة تعلم بكل تفاصيل القضية ولا خلاص غلطان المرحوم..
نتمنى أن يطبق كذلك حد الساحر عندنا في السودان كي تنظف البلد من وسخ وفتن السحرة والمشعوذين .
ا
الحمد لله الحمد لله الحمد لله الذي انعم علينا بي الاقامه فى هذه الدوله الامنه
انا سوداني من مدينة امدرمان جعلي القبيه مقيم فى البلد دي حوالي 12 سنه الحمد لله ما شفت من اهل وحكومه البلد الا كل خير ((علما بان لكل قاعدة شواذ)) وهذه نسبه ضيئله مقارنه بما يحدث عندنا فى بلدنا ووطنا الغالي اشهد الله واسال يوم الحشر باني عايش هنا بعزه وكرامه لم اشهدها فى وطني بل بالعكس احس بالذل والهوان فى وطني
الشكر ممتد لي حكومة وشعب خادم الحرمين الشريفين ومذيدا من التقدم والاذدهار
وللمعلوميه من قبل عشت بي اروبا بتاعت دي تغذذت وقرفت من مظهرهم العام القذر
يكفى انو السعوديه قمة فى الاضباط والتحضر فى الشارع العام
[SIZE=3]أخي سوداني تحيه طيبه كلامك صحيح ميه الميه..أيضا لي بالمملكه العربيه السعوديه 13 سنه ولم أر فيها غير كل خير ويكفي الحج والعمره والله مرات بدون ميعاد نكون بنتونس كده نقول يلا نمشي نعمل عمره …على طول نلبس إحراماتناونركب عربيتنا ونتوجه لمكه المكرمه أليست هذه نعمه من نعم الله علينا بان من علينا بالأقامه في هذه البلاد الطيبه والطيب أهلها وكذلك زيارة المدينه المنوره وأما الحج فمهما تحدثت عنه لن أستطيع أن أصفه الحمدلله الحمدلله …وهناك في عرفات الثلاجات الكبيره مكتوب عليها وقف لله تعالى وتوزع الوجبات والعصاير واللبن مجانا لوجه الله فقط يطلبوا منا الدعاء لصاحب هذا الوقف(السبيل) رغم الأعداد الهائله من المسلمين على إختلاف أشكالهم وأجناسهم تجد على إمتداد طريق المشاة من عرفات إالي مزدلفه إلى منى تجد تلاجات المياه البارده على الطريق والمطر الصناعي لتبريد الجو ده غير إنو نحن السودانيين لنا تعامل خاص وخاص جدا من قبل أخواننا السعودين ورغم إنو هناك حالات شاذه ولكن لكل قاعده شواذ.
نسأل الله أن يبارك في المملكه حكومة وشعب ..واحد سوداني بلدياتنا جاء حج شاف الأنفاق التي عملتها الحكومه السعوديه في جبال مكه لتسهيل الوصول من وإلى الحرم المكي شاف الأنفاق دي قال والله نحنا كان أدونا قطعة بطاطسايا ما نقدر نقرقرا زي الأنفاق الفي الجبال دي…تقول لي شنو وتقول لي منو…ياخي أنا لما أمشي إجازه السودان والله بشتاق للسعوديه ولمدينة جده شارع شارع تقول لي شنو؟ رغم إني بحب السودان وبحب أمدر الغاليه علينا جدا جدا[/SIZE]
وانا والله عشت قرابة سبعة سنوات في السعودية ومنها جيت امريكاوكان اغبي قرار عملتو سبتا السعودية
والله ماشفنا منهم اي حاجة غلط وبحترمو السودانيين جدا
ربنا يديم عليهم النعمة لانو فعلا ناس محترمة والله وبتقدر الانسان السوداني
اسع وبعد اربعة سنوات في امريكا وقرار نهائي راجع السعودية تاني لانو امريكا مابلد تربي فيها اولادك الا تبقا زول ديوث وكلام حرية ده استهلاك عالمي مامحلي لانو كلو كضب في كضب
اماالساحر فياريت لو يعملو كده عندنا برضو بالسودان لانو في بلاوي كتيرة حلها العملتو السعودية
ياااااااااارب بااااااااارك فيها
اما بلدنا السودان كل مانتصل علي اهلنا غير يخلعوك ويدوك اخبار كعبة وغلاء وحروب مافي شئ تاني
الشكر لادارة موقع النيلين لانو في موقع تاني كده وبدون ذكر الاسم لو تعليقك صادف هوي في نفسهم بنشروهو غير كده مابنشروهو رغم العنصرية النتنة لديهم والاخبار الموجهة فقط .واتمني من موقع النيلين عدم المساعدة بنشر روابط لاي مواقع كفانا النيلين لانو في مصداقية في الاخبار وحرية للاطراف كلهم مش زي ناس فلان