[SIZE=5][JUSTIFY]نجى ركاب طائرة الـ (فوكر 50 ) على متنها (39) شخص تابعة لسودانير نجى الركاب بعد هبوطها بسلام في مطار الخرطوم ، حيث اقلعت الطائرة من الخرطوم في طريقها لمدينة ملكال وبعد وصولها لملكال تعذر فتح بوابة الاطارات وظلت الطائرة تحلق طويلاً فوق اجواء مدينة ملكال مما اضطر الكابتن للعودة بها الى مطار الخرطوم ليقوم بتفريغ الوقود والهبوط بها اضطرارياً بعد ان قام رجال الدفاع المدني بتغطية المدرج بمادة رغوية لتقليل قوة الاحتكاك لتجنب عمليةالاشتعال اثناء الهبوط وقد اشاد الجميع ببراعة وشجاعة كابتن الطائرة “ياسر” الذي تمكن من تجنب الكارثة ببراعة .
[URL=https://www.alnilin.com/videos-action-show-id-2999.htm]
إضغط هنا لمشاهدة الفيديو
[/URL]
[/JUSTIFY]
[/SIZE]
النيلين
[IMG]http://smc.sd/~smcsd/media/images/29d14b10-58ab-fd35.jpg[/IMG]
حمدلله..كده فضل لي سودانير طيارتين ونخلص من مسلسل سقوط الطائرات ده
برافـــــــــو كابتن/ ياسر وحمدا لله على سلامة كل من كان بالطائرة لكن يبقى السؤال هل تتم عمليات الصيانة الدورية للطائرات ويتم مراجعتها قبل الإقلاع بواسطة مختصيين بدرجة خبراء .ارجوا ذلك
قائد شجاع وكفاءة سودانية 100% بكرة نسمع بيهو هاجر للخارج لانو الوضع مامريحو وحكومة السجم دى ح تديهو تاشيرة خروج وكأن شيئا لم يكن .. وح نشوووف
الحافز يا ناس سودانير الزول دا يستحق مكافاءة على العملو
أولا :- الحمد لله رب العالمين والشكر لله وحــده أن نجى أهلينــا من الهلالك
ثانيا:- ياجماعة الخير لاتلقوا بأيديكم الى التهلكه .. الصيانه في سودانير تعبانه وشغاله بالبركه … ولا نقبل أن تحمل أمريكيا كوارث طائراتنا كما فعل بالسابق مصطفى إسماعيل عندما إحترقت سودانير بمطار بورتسودان وأودت بحياة جميع الركاب .. بإدعائه وكان وقتها وزيرا للخارجيه بأن السبب أمريكيا التي حرمتنا من الحصول على قطع الغيار لطائراتنــا ؟؟؟ طيب وقت ما عندكم قطع الغيار الطايرين ليها شــنو ؟؟؟
حمدا لله على سلامتكم ايها المجاهدون الابطال كيف رضيتم بالسفر على متن طائرة تعتبر من القطع الاثرية التي حبى الله بها السودان ههههههه
طائرات الفوكر اضحت في مصاف الديناصورات المنقرضة ومازال مسموح لها بالعمل في السودان شانها شان عربات تاكسي الخرطوم التي تعود للقرون الوسطى ومازالت تجوب شوارع عاصمتنا
عموما المرة الجايا احذروا طائرات العصور الوسطي
حمدلله بسلامه الركاب بس يا سودنير ياسجم باقي ليك 3طائرات جد شي مخل
[SIZE=4]حمدًا لله إنه كان فى رجال الدفاع المدني بتغطية المدرج بمادة رغوية لتقليل قوة الاحتكاك لتجنب عمليةالاشتعال اثناء الهبوط وقد اشاد الجميع ببراعة وشجاعة كابتن الطائرة “ياسر” الذي تمكن من تجنب الكارثة[/SIZE]
ودالضو
[SIZE=4]حمد لله علي سلامه الجميع.
تقريبا باقي طائرتين لسودانير والركاب يرتاحوا والكباتن يرتاحوا والجميع يصبح في سلااااااام وآماااااان.[/SIZE]
نحمد الله على سلامة الركاب والطاقم ونحيي الكابتن على التعامل بحكمة واقتدار وايضا نحيي رجال الاطفاء على التعامل بكفاءة عالية بالتعامل فى مثل هذه الظروف ونرجوا من الشركة المالكة لهذه الطائرة البالية التى عفى عنها الزمن ان تكافئ الطيار ورجال الاطفاء ثم الى متى هذا المسلسل وهذه الطائرات التى انقرضت من العالم
الحمد لله على السلامة وتهانينا للكابتن ياسر والله نحنا ما نقصين كوارث والفينا مكفينا ولدى اقتراح بان يتركو ابواب الاطارات مفتوحه عشان ما تحصل حاجه ذى دى تانى وربنا يستر
معروف ان معظم الطائرات السودانيه المدنيه و العسكريه صناعه سوفيتيه او روسيه قديمه عفا عليها الزمن و الركوب فيها مخاطره كبيره و على ما اذكر ان البشير اصدر قرار بتوقيف هذه الانواع من الطائرات ولكن الظاهر ان سودانيير ارخص شئ عندهاهو الانسان السودانى و من هنا ادعوا كل السودانيين الى مقاطعه سودانيير .
هذا الفضل من الله وليس بيد الكابتن.
في البداية الحمد لله علي السلامة لجميع الركاب والطاقم واخص بالذكر الكابتن طيار / ياسر واقول انو في السودان هنالك كفآت بظهر عند المحن والكرب والان برز هذا الهمام وفقك الله ورعاك …. اما اذا جاز الحديث عن المدعوة سودانير فحدث ولا حرج من مهازل مواعيدها في الاقلاع والهبوط سالب الف خدمات اقل ما يقال عنها انها لا توجد التعامل مع الركاب سالب 20 مع ان الابتسامة في وجه اخيك صدقة فهي عند سودانير باهظة لا يمكن التعامل معها اذا كيف الخلاص احبتي يا اهل الحل والرأي ….. حسبنا الله ونعم الوكيل
عليكم الله اكتبو فيها طياره بالخط العريض دايما فاضحين العالم
عالم غايتو
سامع انو في مصنع طائرات اسمو صافات…بلله انتو طيارة ما قادرين تصينوها كل كم شهر نسمع طيارة حصلت ليها مشكلةولا وقعت كيف كيييييف قاعدين تصنعو؟؟؟؟ الا كان جبتو ركشة وختيتو فيها جناحين
انا لو علي ناس سودانير ديل يعملوا لي الطيارتين الفضلو تعديلات ويشغلوهم موصلات بدل يومي سقطوا وقعوا