طب وصحة
تزايد متواصل لحالات الأيدز في الخرطوم
وافاد مدير ادارة مكافحة الايدز بوزارة الصحة بولاية الخرطوم، ولاء الدين مبارك حسين، بأن نسبة الاصابة بالايدز قبيل انفصال الجنوب في 2009 بلغت 1.2% ،وان النسبة انخفضت الي اقل من 1%، ولفت الى ان نسبة الاصابة في جنوب السودان بلغت 3.5%.
واكد حسين، اثناء مخاطبته امس دورة تدريبية عن الايدز بالتعاون مع المجلس القومي للصحافة والمطبوعات ، ان نسبة انتشار المرض في تزايد مستمر وتوقع تزايد الحالات بحلول 2015 ما لم تتدخل كافة قطاعات المجتمع.
وعزا انتشار الايدز الى موقع السودان الجغرافى لا سيما وانه محاط بعدد من الدول ذات الاصابة العالية، فضلا عن زيادة نسبة السكان، وكشف ان الامراض المنقولة جنسيا بخلاف الايدز من زهري وسيلان بلغت 3.667 حالة تمثل النساء فيها نسبة 83.5%.
واشار الى ان عدد مراكز علاج الايدز في الخرطوم بلغت 5 مراكز في مستشفيات الخرطوم، امدرمان، الخرطوم بحري، البان جديد، ومستشفى بشائر، وافاد بأن عدد المرضى المصابين بالايدز المنتظمين في العلاج وصل الى 3.490 مصابا، وان عدد الاطفال المصابين بلغ 715 طفلا. [/JUSTIFY]
الصحافة
الله يكون في العون وربنا يسترنا ويعفانا
منتظر تعليق الحلو ورايه شنو في القضيه دي
[B][SIZE=5][FONT=Simplified Arabic][FONT=Arial Black][SIZE=3][B]انتو جنوب السودان دا حاشرنو فى اى حاجة مالكم حلو مشاكل شبابكم واكان ما خاف الكضب يكون كل الخرطوم ادز يا ناس اتقو الله هذا الزنا هو عقاب ربنا سلطه عليكم ومنع عنكم المطر وبعد دا تقول جنوب السودان
نسبة الايدز فيه بلغت كذا وكذا انتو لسع ما عاوزين تصحو جنوب السودان اصبح دولة قائمة بذاتها فى اسرائيل بيحتقروا المراة المتزينة وغير مستورة العورة نحنا فى الحافلات تلصق تلصق ( اقسم بالله هذا هو الزنا بعينه
كون انه يركب شاب مع شابة فى المواصلات العامة وفى مقعد واحد داخل الحافلة وجسمه ملتصق تماما بجسم الفتاة او المرأة الاسلام حرم مصافحة المراة فاين علامائنا من تلصق المواصلات وبرضو تقولو العيب فى الحكومة
العيب فينا نحن كمجتمع وأسر واولياء اموروالله الواحد لو كتب من اليوم الى ان تقوم الساعة مايقدر يسلط الضؤ على الممارسات والعادات السالبة التى دخلت واصبحت من ضمن حياتنا اليومية فى السودان وما تدخلو لى جنوب السودان دا تانى ………… وربنا يلطف [/B][/SIZE][/FONT][/FONT][/SIZE][/B]
طالما بيع الواقي الذكري تم منعه من الصيدليات الحكوميه دون وجود قسيمة زواج يبقي ياكلو نارهم غير انو الناس الداخله في البرنامج دا عندهم راي في الواقي الذكري ومافي سوداني بخش صيدليه ويقول اديني كندم مالم تكون الصيدليه اصحابا اقباط او غير سودانيين وديل الناس الواعيه فيهم العارفه خطورة الامراض المنقوله جنسيا
طبعا ما هننسي نقول تقوي الله ولكن الكلام في الحاله دي بكون حاصل فارغ ساكت الناس ماشه بمبدا احرق الروح قبال تروح
الحبش….الحبش…..الحبووووووووووووووش
[SIZE=5]%99.9 من المصابين بالايدز من البنات وشوفو الاحصائيات عشان تتأكدو[/SIZE]
ايوة الايدز اكبر مصدر ليهو الزنى ,, لكن في مسببات تانية زي مثلا الحلاقين (الامواس لاكثر من شخص ) وللاسف اطباء الاسنان والفحيصين بستخدموا الادوات لاكثر من شخص بسب الجشع
[SIZE=5]يا ابو عبد الرحمن ،، التلصق في المواصلات بنقل الايدز؟ نمشي كداري يعني؟[/SIZE]
:lool: :lool: :lool: :lool:
ارجو ان يتبنى هذا لرأى جمعية حماية المستهلك وهو يتعلق بالمعامل الطبية وتخيلوا معى السيناريو التالى مع اعتبار ان المريض الاول مصاب بالايدز والثانى غير مصاب:
1. يقوم الفحيص باخذ عينة الدم من المريض الاول, هنا يوجد احتمال كبير ان يلتصق فيروس الايدذ بالقفاز البلاستيكى نتيجة للدم بتاع العينة، لاحظ هنا ان الفحيص يحمى نفسه تمامابلبس القفاز البلاستيكى
2. يقوم الفحيص و بنفس القفاز الملوث بشك ابرة الفحص فى جلد المريض
3 . يقوم الفحيص باخذ قطعة قطن و يتناولها بقفازه الملوث اى انه يلوثها بفيرةس الايدز ويمسح بهذه القطعة الملوثة على مكان الشكة الجرح…ترى كم نسبة احتمال انتقال الفيروس فى لحظة المسح هذه
4. بعد ذلك يقوم بشفط العينة
5. هنالك مصدر خطورة اخرى على الفحيص نفسه حيث انهم تجدهم يلبسون هذه القفازات الملوثة طوال الوقت و يلوثون بها كل ما تلمسه ايديهم من اقلام و اوراق و معدات فحص..
مع العلم ان هذا لا يحدث الا عندنا فى السودان…
انا بحمد الله عشت فترة طويلة بدولة اوربية… الخطوات هنالك كالاتى:
1.عندماتدخل على الفحيص تجده من غير قفاز ويستلم الورق منك ويقرأها من غير قفاز
2. يقوم بلبس القفاز الجديد امام عينيك…. ليه؟ ليطمئن قلبك
3. يقوم باخذ العينة
4.يقوم مباشرة بخلع القفاز و رميه فى سلة المهملات
5. بين الخطوتين 3 و 4 لا يقوم بمس اى شى
سألت يوما احد الفحيصين فى السودان عن سعر القفازات فقال الخمسة بجنيه.. يعنى المشكلة ما مشكلة قروش المشكلة واحد من الاتى: اماالفحيص ما عارف خطورة هذه الممارسة او كسلان من تبديل القفاز…
ارجوا ان اسمع رايكم وان تتبنى جهة صحفية هذا الراى وتقوم بشن حملة صحفية انقاذا لارواح بريئة وان توصله لجمعية حماية المستهلك..
انا عن نفسى دائما ما اصر على الفحيص بلبس قفاز جديد خصوصا عندما يتعلق الامر باطفالى الصغار … احدى المستشفيات الخاصة والكبيرة جدا فى السودان من غير ذكر اسمها عملت ليهم صداع فى الحتة دى لمن فى النهاية علقوا ورقة فى المعمل تأمر الفحيصين بلبس قفاز جديد لكل مريض.. نسال الله ان يكتبها فى ميزان حسناتنا
مع العلم انى و الله العظيم لم اقابل معملا فى السودان يقوم بالخطوات الاوربية التى سقتها سابقا..
و ايضا و الله العظيم قمت بعشرات الفحوص الطبية خارج السودان لى ولاسرتى وجميعها اتبعت الخطوات التى ذكرتها..
رسالتى للفحيصين.. لا تكسلوا من ارتداء قفاز جديد وتحمى نفسك فقط فالله عز وجل قادر على نقل المرض لاطفالك بفحيصين اخرين وبوسائل اخرى