المغتربون يفضلون قضاء اجازاتهم السنوية خارج السودان تحاشياً للمنصرفات الكثيرة التي تقع على عاتقهم

الشوق و محبة لقاء الأهل و الأحباب و الأصدقاء بل حتى الشواع و الأزقة و ضل العصرية و شراب الشاى تحت الحيطة تجبر الأنسان لقضاء اجازته فى ربوع الوطن ولكن عندنا الوطن طارد و هى تهمة برئ منها ولكن البسها له من تسلط على رقاب المغتربين بدون وجه حق و اصبحوا يستلذون فى تعذيبه و بهدلته منذ ان تضع قدماه ترابه الشريفة حتى يغادر و هو يندب حظه و لم ينجذ ما جاء لعمله فى أي مصلحة حكومية بل تم جز رقبته فى شبابيك كرار التهامى ، و عاد وهو محمل بالديون ..هل رأئتم مغترب سودانى يوما يقبل ارض وطنه لدى عودته سالما ؟ اصدقكم القول كلهم محبون للوطن و ترابه ولكن همومه تبدأ قبل سفره بأن يضع كل ايصالات الضرائب و الزكاة و هلم جراء فى مكان آمن لابرازها عند تأشيرة الخروج والا يشوف المرمطه على اصولها بين الشبابيك .. و عند هبوط الطائرة أو العبارة كل تفكيره فى حقايبه هل تصل سليمة وكيف يتخارج من صالة الجمارك و الحمالين ..وفوق كل ذلك نظرة جميع العاملين فى الصالات من بوابة الدخول الى الخروج ، نظرة فيها كثير الازدراء و كانك هابط من كوكب أخر ولم تكن يوما ضمن هؤلاء الغبش …
الأجازة خارج الوطن لا احبذها لأن هنالك أحبة فى شوق للقاءك ..
كما هنالك من يتفنن فى تعذيبك ……. مكتوب لك ان تتعامل معهم مكرها

ما عندك اي موضوع يا عشة
انا مغترب ولو ما قضيت اجازتي في السودان بكون ما طبيعي
قبل شهر كان عندي اجازة اسبوع بدل ما امشي اي دولة قريبة مشيت السودان رغم الضرائب والزكاة وكل الكلام الفاضي ده مشيت وحنيني للوطن لا تحده حدود ولو لا الحاجة لما اغتربنا رغم ما يحدث في الوطن وفي النهاية ده وطننا مهما ابتعدنا لابد يوم نرجع ليهو عشان كده ما تنظري فينا ساااي انا زول مجرب وغربتي امتدت 18 سنة ولي هسة ما حصل قضيت لي اجازة غير في بلدي الحبيب السودان ..

[SIZE=5]..وجلسة مع الأهل تنسيك ابتزاز الحمالين ..وسادية جهاز المغتربين ..وتأخير رحلات سودانير..وبلطجة وبهدلة ميناء سواكن …ورسوم يخترعها مصاصو دماء مغتربين ..وفوق كل ذلك اضان الحامل طرشاء من جهاز المغتربن ومن الحكومة التي تسمح بأكل أموال الناس بالباطل…اتقوا الله ….[/SIZE]

يا نيلين حرام عليكم

و الله ما عندهم حق السفة

و الله اول مرة مغترب قالوا يفضل اجازته خارج السودان

ديل تجار في السعودية و ليست مغتربين