كاتبة سودانية : عجبا أيّها السوداني إنّـه عيد الحب !!
حتى نكون واقعين سأقص عليكم ما يحدث الان تستيقظ الفتاة وكلها فرح وشوق للحظه عيد الحب ترتدي اجمل الثياب تذهب لتصفف شعرها وترسم الحنه لأنها عشق الرجل السوداني وترتب المنزل وتطبخ الذ ما تطبخ لا تتصل على زوجها في العمل مهما حدث لا تطلب منه النقود في ذلك اليوم حتى لو دق الباب موظف هيئة المياه الذي يطالب بفاتورة المياه حيث تفضل الزوجه ان تقطع المياه في ذلك اليوم على ان تزعجه وقبل موعد نهاية دوام عمله يرن الجرس فتتخيل ان من على الباب زوجها من كثر لهفته وعشقه لها وفرحته بعيد الحب نسي المفتاح ويحدث ما لم يكن في الحسبان (مرة اخرى اقولها) يا فرحه ما تمت خدها الغراب وطار
لماذا ؟ من على الباب؟ نسيبي العزيز والد زوجي ومعه والدي ؟ والله كنا قريبين قلنا نشرب الشاي عندكم ؟ ترد الزوجه اتفضل يا عمي اتفضل يا ابوي البيت نور بيكم ؟
تسلمي يا بتي والله اليوم ده يوم مسخرة وكلام فارغ البنات لابسين احمر والرجال الحناكيش حالقين ولابسين كيف كيف قال عيد حب ولا عيد بطيخ كلام شنو ده ؟ علي الطلاق اعرف ولدي ولا بتي بيعملو الكلام ده بقتلهم انا صرفت عليهم وكبرتهم وسمحت ليهم يغيرو في عاداتنا وتقاليدنا زى ما يحبو لكن اسمع ولدي ولا بتي اتغيرو وبقت اخلاقهم بأنهم يعبرو عن حبهم بالطريقة دي الناس كلها تعرف الليلة بيحبو بعض في عيد الحب والله اقتلهم
تطمئن الزوجة نفسها اكيد راجلي متحضر اكيد راجلي ما زى الناس القدام يحتفل معاي بعيد الحب معقولة راجلي متحضر ودرس جامعه و بتكلم انجليزي وسافر كتير برة السودان اكيد فهمو متحرر و انا ما حصل سمعتو بيقول عيد الحب مسخرة وكلام فاضي
المهم يذهب النسيب والأب الى بقية مشاويرهم فتتجهز الزوجه من اول وجديد عشان زوجها على وصول الى البيت وتسمع الزوجه صوت طقطقه المفاتيح ولكن (مرة اخرى يا فرحه ما تمت خدها الغراب وطار) يدخل الزوج البيت عابس الوجهه يرمي المفاتيح على الطاولة ويقول وين الغدا يا وليه تضحك الزوجه وتقول لنفسها يا سلام على راجلي دائما دمو خفيف ما قال لي ازيك يا زوجتي يا حبيبتي عيد حب سعيد ثم تجد زوجها يتصرف كان شي لم يكن ويغير ملابسه ويقول للزوجة انا ماشي لأصحابي الليله الكورة
هنا تبكي الزوجه وتكتشف اليقين وتقول له حتى عيد الحب كوره حتى عيد الحب اصحابك ياخ حرام عليك عملت البيت جنه عشانك و انت ولا حاسس لكن المشكله ما فيك يا ادم المشكلة في حواء اللي عمرها ما تتعلم انو مافي رجل سوداني رومانسي وبعد ده كلو بتغيرو من مهند ومستخسرنو فينا نشوفو
ملاحظات: عندما سمعت هذه القصة وقصص غيرها تنفع ان تكون موسوعات ومعاجم في رومانسية الرجل السوداني اصبت بالإحباط عمري 24 عاما انسة احلم بفارسي يحمل سيف القوة والشخصية بيده وورده و رسالة حب باليد الاخرى لكن ارجع و اقول (مرة ثانية ) يا فرحه ما تمت خدها الغراب وطار
خاتمة : أيها الرجل السوداني الحب نعمة من الله الحب رحمة من الله فكر ولو قليلا في حواء المرأة التي ترضى بكلمة رقيقة وتميل مع نسيمك كما تميل الزهرة .
بقلم : بلسم فريد أبو الفتوح – يونيم – السودان – الخرطوم
شاكووووووووش حااااار
يا خسارة ضياع السودان ضياع الارض والاخلاق والقيم من ضبع ارضنا من قسمنا من ضيع اخلاقنا من فعل كل هذا من اين اتى هؤلاء
بدل تتمسكوا بالحاجات الفارغة والدخيلة دي شوفواليكم صيام ولا صلاة الحب ده عمرو ما كان عندو يوم بلا عيد حب بلا كلام فارغ فلاحتكن في الحاجات الفارغة دي
ما عندك موضوع
قالت حب قالت
يا فلانه الحب في القلوب وما دايره احتفال واعياد
السوداني رجل خشن وبه كل صفات الرجوله والاحترام للازواج والمراة عامه
صباحك ورد
عزيزتي الكاتبة السودانية (( المتحررة )) الحمد لله إننا سودانيين وإنو كتير من عاداتنا وتقاليدنا مستمدة من كتاب الله وسنة الرسول صل الله عليه وسلم فإذا كنتي شايفة إنو الاحتفال بعيد الحب نوع من أنواع التحرر الفكري فرأيك شنو تمشي يوم الاحد الكنيسة تصلي مع المسيحين وبرضو يعتبر رقي وتحرر فكري عالي جدا ..
ملحوظة بسيطة .. كل مشايخ الاسلام سواء عرب أو عجم حرمو الاحتفال بعيد الحب مش لانو الحب حرام أو عيب بس لانو المبدأ وطريقة الاحتفال غلط وما محصورة بين الازواج بس أنا متأكد إنهم متفقين علي إنو دينا دين محبة وإخلاص
الله يهديك
[COLOR=#FF0F00][SIZE=4] يا بت بلا عيد الحب بلا مسخرة معاك [/SIZE][/COLOR]
😀 😀
الاخت العزيزه لا يمكن ان تحكمي من وحي الهامك او تجاربك علي كل رجل سوداني وان اختلفو فان الرجل السودان ملي بالحب والعطف والحنان وان اختلف شكل تعبيره ولا يمكن المقارنه بثقافت شعوب او بلدان اخري بمايجري هنا فلكل صفاته فلا يمكن ان تنبت زهره في غير مكانها راجعي نفسك اولا قبل ان تحكمي علي كل الرجال
لا يستحق التعليق
اسمحي لي احكي ليك قصتي زي ما سمعت قصتك التي اشك في واقعيتها
في يوم 27/6 الماضي شكت زوجتي من الم في اسنانها وذهبت معها لطبيب الاسنان وبعد ان تم علاجها قلت لها اريد ان اشرب كوبا من القهوه فقالت خير واخذتها وذهبت الي مرسى توتي واخترت مكاناٍجميلا جلسنا فيه انا وهي وابننا الصغير وطلبت من البائعه ان تعطينا كوبين من القهوه وشربنا تلك القهوه والجوء كان قمه في الروعه مع جمال النيل وعطر نسيمه الفواح وانا منتظر منها ان تعلق على شئ فبدأت تتكلم عن جمال المكان والهواء النقي ولكنها نسيت شيئاٍ انا نفسي لم اصدق هل صحيح انها نسيت ام الم اسنانها هو المسيطر عليها هل تعلمين يا حواء السودانيه ماذا نسيت انها نسيت ان اليوم هو عيد زواجنا التاسع فذكرتها به فاجهشت بالبكاء وبكل بساطه قالت لماذا لم تذكرني مشكلتكم يا بنات حواء السودانيه انكم تتحاملون على الرجل اكثر من اللازم فيا كاتبة المقال لا تحكي قصص الآخرين بل اخبرينا انت ماذا فعلت لمحبوبك هل الحب هو اللبس او التسريح كما قال صديقي اذا وجدت زوجتك في الحفله يمكن ان لا تعرفهاواذا لم تنتبه يمكن ان تعاكسهالانها تهتم لكلام الناس اكثر من نظرتك اليهاعلى العموم المشكله مافي الاعياد في نظري قمة الرومانسيه ان يكون كل يوم عيد وكل يوم حب
ما تظلمي كل الرجال، وبخلاف المسمى فكتير من الرجال بعبرو عن حبهم بطرق مختلفة، وما بالضرورة وردة ولا دبدوب. هناك من يشتري خاتم الذهب في أي هدية أو مناسبة وهناك من يأخذ زوجته في جولة سياحية..
” احلم بفارسي يحمل سيف القوة والشخصية بيده ”
[COLOR=#145E08]يعني في النهاية نشوف ليك عريس ولا كيف؟ غايتو كدي شوفي أحسن تعليق يعجبك دا بكون العريس :lool: [/COLOR]
يا بلسم احسن ارد انا قبل ما يجيك الحلو يرد عليك بي قنبلة ما تقدري تبلعيها …بس سؤال بسيط ،،، ابو راجلك اللي علم راجلك الكلام القديم حسب كلامك دا مش هو نفسو ابوك العلمك نفس الكلام دا ولّا رجال السودان ابواتهم سودانيين و حريم السودان ابواتهم فرنسيين مثلا… و بعدين من الله خلقنا ما شفنا سودانية اتحننت عشان زوجها بيحب الحنة .. كلكم بتحننو لي المناسبات البتجيب الناس في البيت او البتطلع الناس من البيت و اتحدي واحدة اتحننت من غير مناسبة زي دي..امّا الجفاف العاطفي فالحالةمن بعضو خالص خالص …ياااامااا في رجال دخلو علي البيوت بالورود و غيرها و الجماعة سدو نفسهم و رموهو و نامو …تحياتي
ياجماعه نحن اكتر شعب عاطفى ورومانسى
بس مشكلتنا الوحيده اننا مابنعرف نعبر عن مشاعرنا وعواطفناكويس بالكلام
بعدين لو فى تقصير بيكون من الطرفين
بالمناسبه دى اديكم نكته يمكن تكون قديمه بس تحكى عن واقع الرومانسيه المفقوده عندنا:
[COLOR=#FF004D]ﺳﻮﺩﺍﻧﻰ ﺻﺎﺣﺒﻮ ﻣﺼﺮﻯ ﻋﺎﺯﻣﻮ ﻏﺪﺍﺀ
ﺍﻭﻝ ﻣﺎ ﻭﺻﻠﻮ ﺍﻟﺒﻴﺖ ﺍﻟﻤﺼﺮﻯ ﺣﻀﻦ ﻣﺮﺗﻮ
ﻭﻗﺎﻝ ﻟﻴﻬﺎ:
ﻭﺣﺸﺘﻴﻨﻰ ﺍﻭﻯ ﺍﻭﻯ ﻳﺎ ﺣﺒﻴﺘﻰ
ﺍﻟﻤﻬﻢ ﺻﺎﺣﺒﻨﺎ ﺍﻟﺴﻮﺩﺍﻧﻰ ﺍﻟﺤﺮﻛﻪ
ﻋﺠﺒﺘﻮ ﺷﺪﻳﺪ
ﻗﺎﻝ ﻳﺠﺮﺑﻬﺎ
ﺭﺟﻊ ﺍﻟﺒﻴﺖ ﺍﻭﻝ ﻣﺎ ﻓﺘﺢ ﺍﻟﺒﺎﺏ
ﻟﻘﻰ ﻣﺮﺗﻮ ﺧﺸﻰ ﻓﻴﻬﺎ ﺣﻀﻦ
ﻗﺎﻟﺖ ﻟﻴﻬﻮ:
ﻭﻭﻭﻭﻭﻭﻭﻭﻭﻭﻭﻭﻭﻭﻭ ﻭﻭﻭﺏ ﻋﻠﻰ
ﺍﻟﻤﺎﺕ ﻣﻨﻮ[/COLOR]
انتو عارفيين انو أكبر مشكلة في بناتناانهن بقن سطحيات وما عندهن موضوع وتابعن الفضائيات وما عرفن فيها الا الهايف و المابفيد . لو دايرات حب صحي اعرفن حقوق رجالكم و واجباتكم أنسونا من مهند ونور نحنا قبل ما نكون سودانييين قلبنا حااااااااااار مسلمين بنعرف انو دينا ما بيعرف المياعة بتاعة الزمن ده وفلفلة الشعر والسستم واللبس الضيق وتلفونات آآآآآآآآآآآآآآخر الليل .
قال شنو ؟ قال عيد حب قال .
سؤال اخير لناس الحب …. فهمكم شنو انتو للحب ؟
الحب يا أخوان يحتاج لمزاج رايق ووضع نفسي مستقر وحرابيش ترفع المعنويات حتى تبرز غرزيته صادقة شفافة ونقية… ولكن في وضع معيشي صعب .. ومسؤوليات جسام لا يستطيع أحرف كمبيوتر حلها.. كيف تبرز هذه الغريزة مغمورة بالعاطفة والحنان لنهديها للطرف الآخر ..كيف بس ؟؟!! والحب لا يحتاج إلى عيد لنتذكره فهو مغروز فينا بالفطرة وساكن جوه الجوه .. والشعب السوداني الوحيد في العالم والعالم العربي بالأخص يمتاز بالعاطفة والحنان والرأفة والرقة .. ولكن العادات الدخيلة والتقليد الأعمى يزيد مزاجنا عكننة ويلخبط كياناويزيدنا نرفزة .. والله يقدرناعلى عيد الفطر والأضحى .. أما الباقي كله ملووووووووص.
المراة تقول ان الرجل السوداني غير رومانسي والرجل يقول ان المراة السودانيه غير رومانسيه وكلاهما يقصد الخلاعه والمجانه الغربيه فلو تأسينا بنبينا وعرفنا كيف كانت حياته الزوجيه لما صرنا اتباعا لهذا الفلنتاين الذي يحكي انه قس ذنا فقتل وبهذا صارت الناس تحتفل.
ولو دخلو جحر ضب لدخلتموه 0
عيد ميلاد
عيدالحب
عيدشم النسيم
عيدزواج
عيدالام
عيدراس السنه
عيدمولد
التعليقات كلها رائعة بس الاروع هى تعليقات ود الصول و أبوخليل ونشنكة وودالحاج .. يابت الناس ما تبقوا زى الببغاوات تقلدوا فى كل ما هو غربى والذى قد لا يناسب مجتمعنا السودانى وتقاليده … وبعدين تعالى اسألك هل إنتى والزيك من البنات احتفلتن بميلاد الرسول عليه الصلاة والسلام؟! وللا عشان دا احتفال ما غربى وبتاع خواجات ؟!
أقول الى كاتبة الموضوع . . والله العظيم الرجل السوداني رومانسي و رومانسي لمن غلط و يا أختي العزيزة أن الحب ليس له عيد حتى الله سبحانه و تعالي أوجد لنا عيدان ( الاضحى و الفطر ) يا ريت تراجعي حساباتك و تذاكري تربية اسلامية جيداً و ربنا يهديك ان شاء الله اما الرجل في بيته يعيش يومياً قصة حب بين افراد اسرته الا من رحم ربي . . وتحية للرجل السوداني المتمسك بعقيدته و اسلامه و دينه .( قالت ايه . .قالت مهند قالت ) صحيح اللختشو ماتو
اعتقد فى شوية تحامل منكم معشر الرجال انا فى اعتقادى الزولة دى ما بهمها عيد الحب فى حد زاتو هى بس بتنتهزو ( كفرصة ) انو زوجها يحسسا بشوية حب بعدين النسوان فى كل الارض بيحتاجو للكلمة الحلوة و الرومانسيات احنا السودانيين اتربينا تربية كدة حازمة مع انو كل راجل سودانى جواه حنان و حب كبير بس بكون متحفظ فى انو يطلعوانا طبعا ما بعمم لكن دة واقع الحال