رأي ومقالات
كلمة وغطايتها .. مافي أضرار عشان الجراد كان ( فتران ) !!!
في أمان ربي وجدت مؤشر الراديو على إذاعة امدرمان وأنا أقود سيارتي في طريقي من العمل ، واللقاء كان مع مدير إدارة وقاية النباتات بوزارة الزراعة الإتحادية ، والله في الأول ( إنبسطته ) قلت الراجل عايز يملكنا معلومات جديدة ، خلونا نسمع من ( خشمو ) وياريت كان ماسمعت !!
رمية تانية .. عشان نرجع بذاكرتكم شويه للوراء ، ولغير المتابعين ( الأحداث ) نعرفكم بمدير إدارة وقاية النباتات دا شنو ؟
دا ياجماعة الرجل القامت فيهو ( العكة ) .. الزول دا ياجماعة د . خضر جبريل دا ياهو ( الشالو ) وزير الدولة بالزراعة من منصبه واحالته للمعاش لبلوغه السن المعاشية ، ووزير الدولة ( شالوا ) أيام د . المتعافي كان ( حردان ) قاعد في بيته !!
وكلكم طالعتم في الصحف ، المتعافي ( فك ) حردتو وجاء من ( بيتو ) ورجع الزول دا ، على الرغم من اصدار مجلس الوزراء لقرار بإنهاء عقودات الخبراء الوطنيين وتجاوزهم للسن المعاشية، مما دفع رئيس الجمهورية لإصدار قرار بإحالة د . جبريل للتقاعد. المهم ابطل المتعافي قرار وزير الدولة بالزراعة بتعيين مدير جديد لوقاية النباتات. واحد قال ( بغم ) مافي !!
وقعت ليكم ( الرمية ) دي ؟
ندخل في الموضوع ، هذا المدير لادارة وقاية النباتات صاحب ( العكة ) دي كان في لقاء إذاعي عصر أمس ، سأله المذيع عن الخسائر التي تحدث عنها المزارعين المتضررين بمشاريعهم الزراعية بالشمالية ، قال لالالا مافي أي خسائر لانو أصلاً الجراد كان مسافر مرهق و ( فتران ) ماقدر يأكل أي حاجه ، فقط بيّت بهذه المزارع ، أي والله العظيم ( المغالطني ) يرجع لتسجيلات الإذاعة ، يعني الجراد وصل الشمالية و ( بيّت ) معاهم وسقوه الشاي باللقيمات ومشى .. عليكم الله دا ( تبرير ) مسؤول !!
رميّة أخيرة .. ممنوع الاستماع لإذاعة أمدرمان أثناء القيادة !!
نقطة سطر جديد :
أتاري الناس دي كانت حارسه قوات خليل مفتكرينهم بجوا تعبانين يبيتوا معانا ويمشوا !
بقلم : محمد الطاهر العيسابي
كاتب صحفي ومدون[/SIZE][/JUSTIFY]
[SIZE=7]يعني ما جا بالليل و “طافي النووووووور ؟” … مجرد سؤال بريئ[/SIZE]
بسم الله الرحمن الرحيم
والقومة ليك يا بلادى
اللهم اصرف عنها المفسدون بما شئت وكيف شئت وارح عبادك عنهم
ويا حليلو الجراد ارتايه طاشى المسافات دى كلها شان ازمة مكان يبيت فيه ؟ ولا يارب عشان الضلام ماشاف حاجة وقام غادر دقيشا بدرى؟
والله الواحد ما عارف هل المسؤلين ديل عاشين معانا في كوكب الارض والا بينظروا للسودان من المشتري او الزهرة !!!
حسبنا الله ونعم الوكيل اللهم لا نسالك رد القضاء بل نسالك اللطف فية !!!
[SIZE=3]هو داقي فيها حجر دقش , انشاء الله الجراد ما يخلي فيها نفاخ النار مش راتبو ماشي ومافي زول بقوليهو بتعمل في شنو ..
المصريين قاموا برش الجراد داخل الحدود السودانية ودا المفروض كان يحصل ايضا في السودان , زمان كنا بنسمع بي اخبار الجراد قبل ان يصل السودان ويتم مكافحته وهو في طور النمو دا لمن كان في رجال بخافوا على البلد .. لكن الظاهر هناك تدمير ممنهج للولاية الشمالية , متى اخر مره قام الرئيس بزيارة الولاية الشمالية ومعروف ان الولاية الشمالية ولاية زراعية متى زارها المتعفن اخر مره[/SIZE]
الزول المخرف دة سمعتو بي في التلفزيون أثناء المرور بالقنوات السودانية و مستغرب القناة دي ما فيها غناء
المذيع سأله عن الخسائر السببها الجراد…و فجأة و بكل ثقة و من غير تفكير!!! يرد الرد البايخ دة!
كان في زول بيقرأ في كلامي دة و بعرف الوزير الوهم دة ولا أي واحد من السكرتارية المنوط بيهم متابعة الصحف في الوزارة يقول ليهو خليييك شجاااع و استقيييل لأنك ما بتعرف حاجة عن الجراااد ياااا وهم…أرجع لي مقرر العلوم بتاع سنة ثامنة أساس و شوف صفات الجراد
ياخ أكتب في قوقل (الجراد) و شوف بيتوالد وين و كيف و بيهاجر لي وين و بيعمل خسائر قدر شنو…عموما الأجابات في الرابط دة….يربطك أب زرد
http://ar.wikipedia.org/wiki/%D8%AC%D8%B1%D8%A7%D8%AF%D8%A9_(%D8%AD%D8%B4%D8%B1%D8%A9)