رأي ومقالات
محمد الطيب : بحري بقت ما عارفة تلقاها من وين .. من الكلاب ولا من ( فنان الصافية)!!
* الذى أعجبنى فى تصريح البنا (وأنا دائما غير معجب بتصريحاته) هو كلمة (نحاول)!!
* المحاولة ممكن لكن تبقوا زى محمود دى صعبة والله العظيم !!
* شخصيا لو كنت فنان وجيت أغنى بخجل !!
* بخجل لانو ما ممكن أنا أكون فنان ومحمود فنان !!
* وحتى أكون أكثر صدقا : محمود مسخ لينا باقى الفنانين !!
* ومن هسه ياعاصم البنا إحنا واولاد حلتنا ما حنحضر (اغانى واغانى )!!
* الكلام ده عشان تكون عارف وما تتعب ساي وتجيب ليك ( قمصان وبدل ساي)!!
* ورد في الاخبار ان مجموعة من (الكلاب الضالة) اجتاحت مدينة بحري ونهشت وجوه القاطنين !!
* والله (بحري ) دي أدوها عين !!
* بحري بقت ما عارفة تلقاها من وين .. من الكلاب ولا من ( فنان الصافية)!!
* بحري مسحورة !!
* بحري دي شوفو ليها (بخور التيمان)!!
* قال الحارس عصام الحضري انه (إتبهدل أوى) فى المريخ !!
* أنا اخشى انا نشاهد (بهدلة الحضري فى المريخ) ضمن مسلسلات شهر رمضان القادم !!
* اخشى ذلك والله !!
* واي زول طبعا حر في (خشياتو) !!
* الزميل الاستاذ سراج الدين مصطفى اورد خبرا يقول ان (بطاقة )المهن الموسيقية مصنوعة من مواد رخيصة ولذلك هى تتلف سريعا !!
* عارف ياسراج الجماعة ديل بطاقاتهم دى بتكون مصنوعة من (منديل ورق صينى )!!
* ده ورق صيني !!
* إحنا كمان ما بنفرز الورق الصيني من الياباني !!
* قال ليك البطاقة ( بتتقشر ) زي البصلة او قل زي الموزة !!
* اول مرة في حياتي اشوف لي بطاقة (بتتقشر)!!
* بطاقاتكم زي غناكم!!
* المفروض اي زول بطاقتو تكون زي غناهو !!
* لو عملوها كده ناس احمد البنا ديل الا يكتب بيانات بطاقتو فى يدو !!
* صدقني يا احمد لو البطاقة بقت حسب الغنى انت ما بيكون عندك بطاقة !!
* كيلو الطماطم بقى بألفين !!
* البيعجبني في الطماطم انها لما تبقى رخيصة بتقع فى الواطة دَلْ !!
* اي زول بيقدر يشتريها !!
* لكن مشكلتنا مع اللحمة ستظل قائمة الى يوم الدين !!
* كيلو اللحمة استقر في (خمسين) جنيه !!
* والله أتقول لحم غزال !!
* كنت ومازلت لا أستحمل الطيب عبد الله وهو يغنى بصوته الفاخر اغنية (مسكينة المحبة)!!
* الطيب عبدالله (فنان) بمواصفات (طبيب) !!
* واغنية مسكينة المحبة هي من الاغنيات المدهشة والمميزة جدا!!
* استاذ الطيب عبد الله إحنا بنحبك في الله وهذا ما لزم التنويه وشكرا !!
* البت تمنح الولد ثغرة ومن بعد ذلك تقول ان هذا الولد (ما عندو أدب)!!
* هذه من اكبر مشاكل البنات !!
* اذا كانت البت (تقيلة ومحتشمة وخجولة ) لن يتلوم معها اي ولد مهما كان سلوكه وتصرفاته !!
* الولد عادة يعامل البت بذات الطريقة التي تكون عليها هي وليس هو !!
* عشان كده حقو الواحدة ما تعمل فيها بريئة ومسكينة والولد هو الكعب !!
* وزنقة زنقة وبيت بيت غير ناس (الكلاكلة) ماحبيت !!
* واهلنا بيقولوا : الفيهو طيب بنشم .. ونحن نقول : الما فيهو طيب برضو بنشم !!
* ويا الله مطرة !!
* مطرة فى عينك !!
* يا استاذة : الكلام ده قوليهو لزول عندو ضعف نظر !!
* لكن ما تقوليهو لينا إحنا !!
* إحنا (اولاد تسعة) ودافننو سوا !!
* و..و..
والجمال رأس مال !!
الصراحة المقال فيه ريحة (سكرة) ولا يحمل اى فائدة او معلومة – بخصوص محمود عبدالعزيز (الله يرحمه) اعرف كثيرين وانا منهم لا يطيقون اغانيه وخصوصا الخاصة به – ومجموعة اغانى واغانى كنا نتابعها عشان فنانين اخرين منهم المحترم عاصم البنا
نسأل الله السلامة…كل زول عندو هلوسة يكتبها لينا ؟؟؟يا ناس النيلين ارحمونا….موقع باسم جميل وغالي …وكتاب من الشوارع(منازلهم)
يـاناس إنتوا حقيقة الكلام دا كاتبوا صحفي وفي جريده كمان ،،،، دا زي ماقال أخونا مصطفي كاتبوا واحد طالع من (الإندايـة)(يعني لط 1000%)،،،، وبـعـدين معاك إذا إنتا وأولاد حلتكم ما حا تحضروا البرنامج في زيك مليون ودشرليون أولاد حلتم حا إحضروا البرنامج ،،،،، والله حقيقة هانت الولابية ،، الواحد مخوا كابس علية وداير الناس كوووووووووووولللههااا تدور في فلكوا ،،، وزي دا إكون فاكر نفسول إنسان فاهم جداً ولربما يكتب عن المهمشين وإقول عاوز إبقا رئيس للبد الماعندها وجيع دي …
بدون تعليق !!!!
عليكم الله دا صحفي دا يا ناس النيلين ، كلام ما منو أي فايدة زي استعراض اسعار الخضروات في برنامج الصباح.
يا أخي الكريم كاتب “المقال ” أو كاتب ال “…….” المش عارف اية ، سمه ماشئت ، الأمانة المهنية للكتاب والدور الريادي والقيادي والرسالي لتلك النخبة التي تشكل ضمير ووجدان وثقافة أمة ، تحتم عليها التعامل من هذا المنطلق ، فياهذا كفانا تدهوراً وانحطاطاً وتشويهاً . إن ماينخر في جسد الأمة جراء مايبث من الممتهنين لهذا الدور الرسالي ، المتطفلين علي هذه النخبة لأخطر مئات بل آلاف المرات من ما يتغني بة فنان أو غناية هابطة !!!
وياناس النيلين إذا كان ده مستوي الصحفيين بتاعنكم هذا فراق بيننا وبينكم
والله يا كاتب المقال دي قويييييية
استدراك : القوية الحاج الضربها وضربت رأسك ما مقالك
افففففففففففففففففففففففففففففففففففففففففففففف