مأمون حميدة محسود ..

باختصار شديد هو محسود لانه طماع وحرامي حريف وسياسي فاشل
ومحسود لانه نسي انه دكتور وجرى وراء حماية نفسه بالتلوث مع الكيزان لعنة الله عليه وعلى من عينه وزيرا
محسود لانه غبيء بناء مجده على مص دماء الشعب السوداني

واكبر حسد لانه طلع كل الشعب لا يفهم مثله

دا اسمو كسير تلج …………..

عين الحقيقة … و الاشتغل او مرض و رقد في مستشفيات وسط العاصمة بيفهم الحقيقة دي .. انا شخصيا الزوبعة دي كلها ما شايف فيها غير الًراجل دا جا الاول و بعد النتائج سكوهو الزملا الطيشة .. و لا كسير تلج و لا هو بيعرفني و لا بيسمع السمع بي كلامي البكتبو دا ،، و لو كان بيسمع في المتل دا ما كان بقي ماااااامون حميدة … الناس شغالة مص دماء و فساد و كلام هلامي عام منقول من منتديات الجماعة البسكو الاوائل .. جيبو دليل واحد يورط مامون في اي فساد .. و الله انتو لو عارفين الحاصل في مستشفيات وسط الخرطوم و الاخصائي الشغلو في المستشفي هو قاعد في عيادتو 24 ساعة و يرد علي جماعتو في المستشفي بي التلفون دا لو رد اصلا ،، و يقول لي النائب اعمل ليهو العملية الفلانية و هو في عيادتو لي الساعة 2 صباحا و تاني يوم ينتظروهو يجي مرور الساعة 8 يجيهم الساعة 11 و يقولهم بي سرعة يلا عندكم شنو انا طالع ..و يطلب تحاليل لي المرضي بي الشي الفلاني و يلزمهم يمشو يعملوها عند دكتور فلان و اي مختبر غيرو ما بعتمدها … صفوف من مرضي الزكام و الملاريا و الزائدة و التايفود و في نصهم واحد في غيبوبة فشل كلوي منتظر دورو … و واحد في زبحة قلبية عالق في زحمة السير في كبري الحرية و واحد بتلد في التاكسي في السجانة. لي دا كلو ؟؟؟ عشان دكتور فلان عيادتو قريبة من المستشفي و ما عاوز يحولوهو مستشفي بشاير البعيد من العيادة ؟؟ و ما عاوز ايضا حد يلزمو بي دوام في المستشفي من الصباح لي الساعة تلاتة .. خلي ناس الزكام و الملاريا و الحمي في الاطراف اي دكتور او اخصائي بيعالجهم و ركز جهدك علي بتاع الغيبوبة و القلب دا و شوف النتائج حا تكون كيف و شوف الزحمة و الموت الفي الحوادث حا يقل كيف .. مش تحكمو علي موضوع انتو اصلا ما فاهمنو و لا عايزين تفهموهو و لا عاوزنو يتعمل عشان تحكمو عليهو بالنتائج .. دكتور جعفر بن عوف خدم البلد دي بي علاقاتو الشخصية و سخَّر نفسو للاطفال .. بس اذا الاطفال حقين الملاريا ديل ممكن علاجهم فييييي مايو البجو منها دي .. لي ما يعالجوم في مايو و التتعقد حالتو يحولوهو لي مستشفي جعفر بن عوف التخصصي لعمل اللازم بدون ما يزحموهو و يزحمو الاطباء البعالجوهو ناس الزكان و الالتهاب الرئوي البياخدو في البنسلين المائي مع مرافقنهم و زوارهم و عييييييك … الموضوع واضح وضوح الشمس و ريحة معفنة تفوح من المعارضين ليهو .. العاوز يفهم اليمشي يدخل مستشفي الخرطوم عنابر الباطنية و الجراحة و يشتري جريدة و يرقد في سراير المرضي يقراء جريدتو و ياخط نومة و لوموني لو صحي كويس … ما بالك شخص مريض اصلا راقد فيها … الله يوفق الراجل دا في البسوي فيهو دا و الما فهم كلامي دا ارجوهو ما يرد عليهو .. بس اليقول اللهم وفق الراجل دا الي ما فيهو الخير للناس دون ان يفتي اين هو الخير و اين هو الشر

كاتب المقال اتهامك للشعب السوداني بالحقد على مستر حميده أتهام مجحف وغير مسنود باي أدله واقعيه … والدليل الأمثله التي ذكرتها ود الجبل وصلاح ادريس أغلب السودان يعلم كيف جمعوا المال والمتعافي وحميده دا لولا الانقاذ ما كان رطبو وبرطعو في الشعب السوداني .. اتحداك واتحدي قبيلة كلها هذا الجوز ما كان تقوم ليه قايمه إذا ما كانوا موالين لنظام نقلهم نقله نوعيه وفتح ليهم السودان على مصراعيه .. يعني إذا كانوا شطار قدر دا لما لم نسمع بهم قبل الأنقاذ … بعدين كلامك مردود وغير موزون في الكابلي الكابلي رجل يحبه أغلب السودانين … أما الترابي وابوأسن كلامك عنهم أثبت أنك لا تعلم عن السودان التكتح … كسر تلج كويس إن شاء الله ينفعوك.

كل من ادلى بدلوه يعتبر فى نظرك حاسد او غبى كما نعتهم و و صفتهم ؟
للاسف كسار تلج و لديك مأرب اخرى فى حميده المنزه المكافح المحب للرقى بالبسطاء و يسعى لراحتهم و يخفف من معاناتهم ؟
الدكتور ابوسن قامة و هو محسود من مامون شخصيا و الدليل على ذلك القرار الصادر من المجلس الطبى تم نشره بعد أن حدث القط و الهطرقات فى وفاة الحاجه وينه عليها الرحمه و المغفرة ؟
و فى لقاء تليفزيونى و عرض استطلاع لجمهرة من المواطنين البسطاء وبينهم رجل مسن يحمل طقله على ظهره هذا المامون علق على المشهد باذدراء و عنجهيه واصفا هذا الرجل الذى ف اب له انه استعراض و غباء و ما كان من مقدمة البرنامج أن ردت عليه بأن الرجل لا يلك وسيله او مال فكيف يحمله على سيارة او ماذا ؟
هذا هو مامونك و نحن الحساد و الاغبياء يا شرشبيل ؟

[SIZE=3][B]يعنى العالم دى كلها حاسدة و الحسد اكل قلباو ما راضين انو بابا مامون غنى و مشهور و ببنى فى المستشفيات يعنى حذارحذار يا قوم اى واحد فيكم فقير و ممرمط او صحفى غيور على الحقيقة او مواطن استوطنت فيه جميع الامراض المزمنة او طالب ما كان عندو قروش كافية انو يقرا فى مامون حميدة فهو حاااااااااااااااسد و الحقد مالى قلبو من بابا مامون سامعين يا جماعة عشان كدة خيرا لكم ان تحضرو قصيدة غزل زى صاحب المقال دة الما بختشى او بالله لو سمحتو الصمت التامو ما دايرين فرفرة[/B][/SIZE]

مصنع المشهد الان للتلج لصاحبة محمد عبدالقادر سبيل ،، الفلاتى بتاعك دا المفروض يحلقوا ليهو راسو صلعة ويختو ليهو فيهو صحن قورو او اقاشى ..

ياخونا البروف واحد من ابناء السودان الطيبين لكن هناك حقائق لا يمكن تجاهلها
فى اى دوله او سميها مجتمع هناك رجال اعمال يسعون سعى وراء الكسب المادى بكل قوه ولا احد ينكر عليهم هذا و لكن هناك اجهزه تنفيذيه رقابه سلطويه تضبط هذه الشهوه العارمه لصالح المجتمع فهى اشبه بلعبه القط و الفار و لكنها مشروعه.
مشكله البروف الجمع بين الخصم و الحكم و مهما صلب عود البروف من القوه و العدل لم ولن يسطيع التوفيق بين الطرفين المتناقضين داخل نفس هذا الرجل و الله العظيم انا اشفق على هذا الرجل… نسال الله السلامه من كل ذنب