محمد الطيب الأمين : من أكثر الأشياء التى تعجبنى هى ..(النزلة عند البنات).. !!

يا ريتنى لو أعواد بخور
عشان أفوح يوم فرحتك
وأغزل من النّور والزهور
يوم السرور لون طرحتك
ياريـتني لو عطراً يـمر
يـمزج يخالط حـنتك
وياريـتنى لو عـصفـور طروب
سـجع نـغـم فى جنتك
*من أكثر الأشياء التى تعجبنى هى ..(النزلة عند البنات).. !!
* النزلة يعنى الالتهاب !!
* تاريخياً أنا بحب النزلة عند البنات وذلك دون أسباب واضحة !!
* إذا عرفت سبب ذلك لن أبخل به على القارئ بإذن الله !!
* لا أعرف هل اختفت موهبة الشعر عند الكاردينال أم لا يزال (شاعراً) ؟
* المواهب عند بعض رجال المال والأعمال تختفى فى (نص الطريق) ولا تسألونى عن السبب ؟؟
* موهبة صلاح إدريس اللحنية ظهرت فى العام (2000) تقريباً مع أن صلاح يحبو الآن نحو الستين من عمره !!
* حكمة الله الموهبة عند رجال المال يا جات متأخرة (زى حقت صلاح إدريس) ويا كمان انتهت بدرى (زى حقت الكاردينال) !!
* ودى حكمة ربنا طبعاً !!
* موهبة ولا (صلعة) البتجى متأخرة دى !!
* والله الناس ديل الموهبة عندهم زى (الصلعة) بتظهر بعد (الأربعين) !!
* نجم ريال مدريد (مسعود أوزيل) قال إنه عندما يتلو (القرآن الكريم) يحس بأن كرستيانو رونالدو يشعر بسعادة كبيرة !!
* هذا التصريح وجد رواجاً فظيعاً خلال اليومين الماضيين من قبل شباب المسلمين فى كل مكان !!
* مسعود أوزيل أضاف فى تصريحه أن رونالدو يطرب ويكون أكثر سعادة عندما يسمع تلاوة سورة (الفاتحة) !!
* يبدو أن النجم الضجة كريستيانو رونالدو على أعتاب دخول الإسلام بأذن الله تعالى !!
* نتمنى أن يعتنق هذا النجم الدين الإسلامى ويلحق بإخوانه المسلمين داخل الفريق الملكى !!
* مثلما هناك برنامج لاكتشاف (نجوم الغد) نرجو أن يكون هناك برنامج لاكتشاف ( مستمعى الغد) !!
* أعملوا برنامج لاكتشاف المستمعين !!
* بالطريقة دى الفنانين ديل لقدام ما ح تلقو ليكم زول يسمعهم !!
* ما ح تلقو ليكم مستمع !!
* البلد كلها عايزة تغنى !!
* الفنانين هينين أبحثوا عن المستمعين ؟؟
* بشكل جنونى ارتفعت أسعار العطور !!
* (الريحة) بقت غالية جداً مع اقتراب فصل الصيف !!
* فتيل الريحة تانى ح يقعد معانا ستة شهور !!
* (بخة) واحدة لأى مشوار !!
* لو عندك مشوار مهم ممكن تعمل (بختين) !!
* ولو المشوار ما مهم (بخة) واحدة فقط !!

* لو عندك مواعيد مع حبيبتك ممكن تعملها (تلاتة بخات) !!
* مع الريحة الغالية دى الحساب بقى بـ( الثانية) !!
* الحساب بقى بـ(البخة) !!
* على فكرة فى فتيل ريحة سعرو (700) ألف جنيه بالقديم !!
* إتخيل عليك الله !!
* عملية اللوز لا تكلف (700) ألف جنيه ؟؟
* ريحة زى دى إحنا كفاية علينا نسلم على الزول المتريح بيها بس !!
* تسلم ليك على زول زى ده بالأحضان وتمشى تقابل حبيبتك !!
* تعمل فيها الريحة حقتك !!
* خليك زول شفت !!
* لو إتمسكنت بضيع ساى مع الناس المرطبين ديل !!
* أوعه تتمسكن !!
* لو ما عندك استطاعة تشترى ريحه قول لحبيبتك : عندى حساسية والريحة ما بتنفع معاى !!
* أصلو بنات الزمن ده الواحدة عادى ممكن تبيعك عشان الريحة !!
* أعمل حسابك !!

* حسابك بـ( الخاء) !!
* ونركب صافنات ونجيبة (كحلاوية) واصلو الزول بموت والذكرى تفضل حية !!
* يا أستاذة : تانى رجعنا لعهد (الكلونيا) !!
* و..و..!!
* وعطرك فضاح !!