جرائم وحوادث
نظامي يعتدي على طبيبة بمستشفى رويال كير
وقالت الطبيبة التي فضلت حجب اسمها في اتصال مع صحيفة الخرطوم أن والد الملازم احد نزلاء المستشفى والتي استخرجت له الجمعة إذن للخروج بكل السجلات المطلوبة ، وعقب حضور ابنه طلب معاينة والده مرة اخرى في مخالفة لقوانين العمل ، ودخل في مشادة مع الممرضين والسسترات ، ثم وجه إلى الطبيبة إساءات وصفتها بالبالغة وغير المقبولة ، قبل أن يستعين المدير الطبي بأفراد الأمن بالمستشفى ، لكن الطبيبة قالت انهم لم يتدخلوا لردعه على الرغم من عبارات التهديد التي وجهها إليها بالعمل على فصلها عن العمل ، معلنة الاتجاه للدفع ببلاغ ضده وأخذ حقها ، مبينة أن المدير الطبي وعدها برفع دعوى باسم المستشفى .
صحيفة الخرطوم
نوال شنان
ع.ش
قوانين عمل شنو وسجم شنو .. شغاله في ورشه انتى .. خلى عندك شوية انسانية .. واعملى ليهو معاينة تانية .. بتفرق معاك شنو .. ولا مافاضيه من الواتسب .. عالم بقر ..
أهو ده الشغل .. بس حاجة انه ما لحقها عوضية عجبنا التى قتلها الضابط أمام دارها. اذا كان هذا يحدث في الخرطوم بالله تصوروا ايه اللى بحصل من الضباط والنظاميين في الاقاليم كما حدث بمحلية كاس وسجن سنجة ووووالله المستعان
(( تعرضت إحدى الطبيبات بمستشفى رويال كير (م.م) لاعتداء من قبل احد منسوبي القوات النظامية برتبة ملازم ، امس الأول بمقر عملها بالمستشفى بالضرب بصندوق لجمع العينات في رأسها بالإضافة إلى الشتم والسب )) .
إنت ماتعرفش أنا أبقى مين ؟؟ .. إنت ماتعرفش بتكلم مين !!
أنا بنقلك !! .. أنا بفصلك !! أنا بكتلك !!
يا أخوانا ما اختلفنا .. الطب مهنة انسانية .. وكل شيء ممكن بالذوق والكلام الطيب بتعمل .. لكن ولد عمنا ده ( شفاه الله ) .. إذا كان هو لسة ( ملازم ) بعمل كده أمال وصل رتبة ( لواء ) حيتعامل مع البشر ديل كيف ؟؟ .. حيرش من طرف يعني ؟؟ الله يهدي الجميع . والله المستعان،،،،، .
القانون يقول (العسكري دائما على حق خاصة إذا كانت رتبته من ملازم فما فوق) فعليه تحكم المحكمة بأن يقوم “سعادة الملازم ” بتكفيت الطبيبة وإثنين من الممرضات وسستر واحدة وعلى إدارة المستشفى الاعتذار “المكتوب” لسعادتو
لو ما إتخطينا عقدة ( إنته عارف انا منو ) و(انا ممكن أعمليك شنو ) عمرنا ما حنتقدم
هو قايل نفسو منو حتت الملازم دا؟ الطبيبة الضربها دا لو خريجت اليوم وإتعينت فى الشرطة أو الجيش بتكون ملازم اول وبعد 4 سنوات بتكون نقيب وحتت الملازم دا بحتاج لى 12 سنة عشان يبقى نقيب – فعلا بعض الناس بتدخل الأجهزة الأمنية والشرطية عشان تحس بانها كبيرة وتكمل النقص الفيها – هسى لو كانت أخته أم زوجته أو قريبته مكان الدكتورة دى وضرب أى واحد كان عمل فيها قومه وقعده وحراسة وضرب.
اللهم أبعد الحاسين بالدونية والنقص من الشرطة والأمن والجيش
الملازم الناقص ده أكيييييد ما راجل ، مافي راجل بيضرب ليهو مرا أبداً مهما حصل ، و انا والله العظيم لو كنت موجود في المستشفى و شفت الحصل للطبيبة دي كنت ح أضرب الولد الملازم ده بي أي حاجه في يدي و يحصل اليحصل .. حتى الناس ما بقى عندها نخوة ولا رجولة ، و أنا بتساءل وين أهل الطبيبة و قرايبها و أخوانها الرجال ؟؟!!!! ولا رفع دعوى ولا غيرو ، حق أختي آخدو بيدي بس ، أصلاً البلد دي بقت غابة ، القوي فيها ياكل الضعيف ، مافي لا حكومة و لا محاكم و لا عدل ولا غيرو ، ألا لعنة الله على القوم الظالمين ..
لاحظت أن بعض من يعملون في دوائر حكوميةينظرون لناس الجيش والشرطة نظره بتعالي وخاصة من تقدم للإلتحاق بالكلية الحربية أو الشرطة ولم يتمكن من دخولها. هل فكر هؤلاء بأن هذه الفئات تواجه الموت عشانك. إيه يعني لو الضابط دخل وشاف أبوه لمدة دقيقة.يمكن يكون هو مستأذن أو على سفر أو في مرابطه أو هذا هو الوقت الوحيد المتاح له لزيارة والده.