جرائم وحوادث
السلطات السعودية تضبط سودانية وزوجها يصنعان الخمور
تمكنت الشرطة السعودية من ضبط أحد أكبر مصانع بالعاصمة الرياض تديره سيدة سودانية وزوجها من داخل منزلهما بحي العزيزية وعثرت علي كميات من الخمور داخل غرفة النوم . وقلت صحيفة الرياض الصادرة أمس ، ان المداهمة تمت بعد توفر المعلومات عن تورط سوداني في العقد الثالث من العمر وزوجته بتصنيع الخمور وترويجها بمنزلهما ، لتضع الشرطة لهما كميناً محكماً لتعثر بمنزلهما علي مصنع كبير متكامل لصناعة الخمور ، مع جميع أدوات التصنيع من خزان كبير للتكرير والتخمير واربعة وعشرين كيساً من السكر وثلاثة كراتين كبيرة من الخميرة وستين برميلاً سعة البرميل مائتان وخمسون لتراً موزعة علي ثلاث غرف بالمنزل مليئة بالخمور ، وبحسب صحيفة حكايات علي أكثر من مائتين وخمس وعشرين قارورة جاهزة للتعبئة بالخمور .
معقولة ؟! ده سوداني ده .. أكيد زوجته دي حبشية ما سودانية .. ولا شنو ؟ شفنا سودانيين كتير ببيعوا الخمرة بس بالكميات دي ما شفنا ؟
ياخ شرطوا عينا … الناس دى متخلفة ولا شنو ؟؟؟
يا اخوانا حرام عليكم انتو سودانيين يعنى انتو الكرامه والعزة … معقولة تكون جرائم السودانيين فى الخليج صناعة خمور ودعارة ؟؟؟
حرااااااااااااااااام عليكم
😡 د شنو الكلام الغريب دا 😡
الله يخيبكم . اخر حاجه المنكر . واولادكم بعدين حيعملو شنو في السودان ؟ .
يا ديامى انتوا سبب المشاكل دى كلها شوهتوا سمعتنا فى كل مكان انتوا عارفين أصلكم شنوا عشان ترد على أبو قرجه بهذه الطريقة البتشبهكم وعشان كدا نحن عملنا الجواز الالكترونى والرقم الوطنى الموحد واعادة النظر فى حاملى الجنسية لانكم أخذتوها فى زمن التيه والضلال ولكن الأن نحن صاحين ليكم ماتفكروا تانى،،،، وأنا مع الاخ قرجه فى كلاموا لأن هذا التصرف لا يشبه السودانيين ،، !!!!!؟؟؟؟؟
يا جماعة انا اكد ليكم انو سودانى ود بلد ما بعمل كده ونحن نعرف انو السودانيين فى المملكه منذ عشرات السنين محافظبن على عاداتهم ولكن هناك مجموعه شبه تشاديه واتيه من غرب السودان تحديدا يدعون انهم سودانيون وهم قبائل حدوديه ونسبه لتداخلهم يسهل عليهم الحصول على الجواز السودانى ولايخفى علينا امور الشعوذه والدجل التى يقومون بها فى المملكه ،نرجوا من الحكومه ان تتشد فى اجراءات استخراج الجوازات لهذه الفئه وشكرا
يا جماعة دة افرازات تحكم المراة علي الرجل ، يعني الراجل قاعد خالي شغل منذ مدة والمرة ما عيزة تسافر للسودان .
سفارتنا حبر على ورق ما يتابع اي شىء ، شوف السفارات التانية بيتدخل حتى في متابعة امور عمالته مع الكفلاء:lool:
اصلا الغربة فى اى مكان تفرز انواع من السلوكيات السيئة وهذا فى المقام الاول هو حب المال وترك ان الرزق من عند الله وكثير فى بلاد المهجر تجد سلوكيات مثل هذه اعتقد ان السبب الاساى هى الظروف الاقتصادية التى تواجهها الاسرة كما اننا يجب ان نعرف ان فى تكوين المجتمع السودانى هنالك من يتناول الخمور ويصنعها والا كيف توجد مشروبات كحولية محلية هل هذه مستوردة؟ هذه السلوكيات تنتقل مع الافراد حتى عندما يتركوا الوطن وعلينا ان نتساءل اذا لم يكن هنالك عرض لم يكن طلب اذا ان معالجة مثل هذه الظواهر تحتاج الى جهد مدروس مبنى على العلمية مثل التدخيين الان يعرفه البعض ضار ولكن يدخن؟ علينا ان نعالج مجتمعنا بتروى حتى لا تتكر الظواهر مستقبليا لا نعتمد على التباكى على ما حدث ونعتبر ان الموضوع طارىء ان الله لا يغير بقوم حتى يغيروا ما بانفسهم
الغريب با ابوقرجة – لو شفت السودانيين في اسمراء مترميين بعممهم في البارات – تقول شنوه برضو ديل حبش – ولو ما تعرف السودانيين بتعوين ذمان سودانيين حسع صاروا تايوان مش عشان اصلهم ولكن عشان اخلاق الناس في السودان اتغيرت والكروش كبرت والتفزيونات صارت اكبر عشان كدة ما يقدروا يقعدوا في البنبر عاوزين انتري – العنقريب صار من نوع من التحف في التاريخ . في اخي استر عورتك بدل ما تشوف عورات الناس ولا تنس للناس عيون ايضا . اللهم استر عوراتنا وعورات المسلمين جميعا ….آآآآآمين
ياجماعة حكاية السودانى والاصالة والنبل دى راحت منذ طلع علينا واحد اسمو نميرىوياحليل زمن ناس ساتى صالح 0000 أما السفارة السودانية ما فاضية من حفلات عيد الاستقلال وعيد شنو ما عارف السفارة السودانية فى الرياض عبارة عن عمم وجلاليب فالحين بس فى عليك متاخرات اما ماخفى فهو اعظم وانا لو كنت فى مكان الرئيس كل سفارة الرياض بوديهم المعاش عشان يرتاحو ونرتاح نحنا والله الهادى الى سواء السبيل واخيرا انا عارف نفسى بنفخ فى قربة مقدودة:mad: 😡 😡 😡
السودان دخل في نفق مظلم وتاني الله اعلم يطلع منو ( الكل في السودان عايز يبقى مليونير ويبني الطوابق ذي كيزانا وحارميتنا ، وسوات الخمور هي السودان شوية ؟؟؟ بس الجماعة ديل عايزين المكسب السريع بدل الجنية فكرو بالريال ؟؟ وحتت اخلاق وشعبي مثالي دي كانت زمان والله بقينا اسوا شعب
يا جماعة دايمن نترك الامر لأولي الامر بس ؟ وين دورنا نحن ؟ اكيد في سودانيين قريبين من الجماعة ديل كانوا عارفنهم ليه ما بلغوا السفارة ؟ وده فرصة عشان كل واحد يقوم بدورو ونخلي العصبية ضد الحكومة او معاها لانو الامور زي دي بتمس كل السودانيين وليس الحكومة ، اعملوها نفرة يا جماعة في كل دول المهجر وبلغوا عن كل سوداني بمارس اي عمل يخل بالشرف او الامانة المعروفة لدى السودانيين وكده تكونوا ضربتوا عصفورين بحجر واحد نهيتو عن المنكر وحافظتو على شرف بلدكم
واظن الحكاية دي ما صعبة كل واحد يفتش في الحي الساكن فيهو
حسبي الله لا اله الا الله عليه توكلت وهو رب العرش العظيم
فكونا كدا بالله دا خبر من غير مصدر … ما تبطلو اشاعات :crazy: 😡
جيبو لينا مصدر سعودي نشر الخبر .. ما تقول لينا صحيفة حكايات .. يعني ممكن يكون مجرد حكاية من حكايات صحيفة حكايات … ما قلنا ليكم حجونا وونسونا :crazy: 😡 :crazy: 😡
الله يلعنهم فضحونا ……المفروض السفارة السودانية يكون عندها عيون علي السودانيين بالتعاون مع الحكومة السعودية ….
يعني الخمرة والدعارة عند الحبش وبس نسيت انو في يوم من الايام بيع الخمور في السودان كان عادي لافي حرام ولا في حلال علي الاقل في الحبشة في بارات اما في السودان في البيوت والبارات والدعارة في الشوارع والبيوت فاتحة ابوابهاوانا من منطقة الخرطوم يعني يا ابو غرجة ما في داعي تنشر غسيلك علي جيرانك انشرو ا في بيتك يا محترم
وانا متاكد حتكون الاسره دي من العوائل المحترمه و المعروفه في السودان و لكن اقوليهم اسع انتو لوجيتو هنا و بعتوا انشاء الله ترمس ما كان اخير ليكم
لكن ما وريتونا كانوا بعملوا ياتو نوع الصافي و لا مراسي الشوق و لا ابكريستال و لا المستورد
:lool: ده ماشئ غريب . نحن سودانيين مقيمين في المملكة العربية السعودية بمدينة الرياض .
والله هناك سودانيين الواحد يستحى انهم من السودان – زنا – وسرقة – ونصب – واحتيال – وللاسف مع بني جنسهم .
يا اخوان نأمل أن تقوم السفارة بدورها برعاية الجالية – ونحن ندري ان السفارة لا تستطيع ان تغطي كل هذا الكم الهائل من المغتربين – لكن هناك بالتأكيد معلومات تتوفر لها عن طريق بعض الافراد.
نحن نطلب منهم حماية اسم السودان – وللاسف من السودانيين ضعفاء النفوس المقيمين هنا والمتاجريين بعروضهم .
والله المستعان
ولماذا تستغرب ياأباقرجة وتقل انها ليست سودانية ..هل نحن معصومون من الخطأ؟ لقد برزت ظواهر كثيرة مشينة ولاداعى أن نتمسك بمقولات قد تكون حقيقية ولكن لايمنع ذلك أن بعضا من بنى جلدتنا قد أدمنوا ايذاءنا بسولكهم القبيح الذى يغضب الله والعباد…ولايحق أن نرمى التهم على أجناس أخر…ففيهم الشريف كذلك كما فينا الوضيع الذى يخرب المجتمع ويشين السمعة ….اللهم نسألك أن تجنبنا شياطين الانس والجن……
اين سفارتنا من كل هذا الذى يحدث و ما خفى اعظم ؟؟؟؟
ابدآ دى ما سودانى وارجو الدفاع عن سمعت السودان لو تاكد انهم سودانين
اين سفارتنا من كل هذا الذى يحدث و ما خفى اعظم ؟؟؟؟
:lool:
نتمنى ان يكون الخبر غير صحيح …. سمعة المغتربين السودانيين جيدة ولكل لكل قاعدة شواذ … والحمدلله على كل حال … وان كان الخبر صحيحا نتمنى ان يكونا عبرة لمن يعتبر فى العقاب
السؤال المطروح هل دا عرقي بلح ولا مريسه هههههه
يا بركات ويا الديامي هدو اللعب شوية وأقرأوا الموضوع تااااني .. أنا قلت كدة لأنه كل السودانيين البتاجروا في الشغلة دي بالحبة ولو كثروا بالكرتونة .. لكن الشغلة فيها خزان ومصنع متكامل وبراميل وجوالات سكر وكراتين خميرة … الخ . عشان كدة قلت معقولة ديل سودانيين ؟! السودانيين حنينين وقلبهم رهيف شوية ..
بعدين تعال شوف هنا الحكومة كل يوم بتكتشف في مصانع الخمور في الفلل وفي الوديان .. الخ وكلهم حبش وبالذات مناطق جنوب السعودية في أبها وخميس مشيط والجرايد هنا كل يوم فيها الكلام دة ؟؟!!! بعدين ديل حبش لا بعرفوا عربي ولا حتى شكلهم زي الحبش الحلوين اللي نحنا نعرفهم ..
وللآخرين .. نحنا السودانيين ما أحسن من غيرنا دي حقيقة وحالنا أصبح حال .. لكن أنا ما خرجت برة إطار الموضوع المذكور .. وما دخلت بيت أحد ؟؟!!!
السفارة إنتو دايرنها تحوم في الغربة وتفتش في البيوت البتبيع العرقي ولا شنو ؟
وبعدين كيف ده إكون مستورد والشغلة فيها مصنع وبراميل وخزانات ؟؟!! والعورات الدخلة شنو ؟ ماهي كان مستورة ما كان جات في الجرايد !!! والموضوع هنا عن الخمرة بس الدخل الدعارة شنو ونسبها للحبش منو يالديامي ؟؟!! عشان حالنا إنصلح أول حاجة نتصالح مع نفسنا ونبدأ من نفسنا بعدين يجي الآخر وتجي السفارة وتجي الحكومة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!
ياودالشمالية انا ما قصدي اشتم ابوقرجة بس اذا انت من المقيمين في السعودية تقدر تعرف عن السودانيين المنحرفينوبدل ما نتكلم عن غيرنا حقووو نحافظ علي سمعت بلدنا مش كدة صح انا عن نفسي بتجنب التعاملمع السودانيين ده ما معناهو مافي ناس كويسين بالعكس سمعت السودانيين في المملكة تمام بس في ناس نفوسهم ضعيفة حقو نكون واقغيينوانا اسف يا ابو قرجة اذا كلامي زعلك انا واحد من الناس اللي انضر من السودانيينمن اول ما دخلت المملكة
والله يا ضرار البنبر ده ياهو البشيلهم بي كروشهم الكبيرة والأنتريه ده مظهر سااااي وبتكسر سريع ؟؟؟!!
كلامك هنا مضبوط يا ابو قرجة 😉 وانا معاك وانا قصدي نهتم في قضايانا ونخلي الاجناس التانية في حالهم لان المهم عندنا سودانا وسمعت السودان وبعدين ود الشمالية دخل في موضوع الجواز الالكتروني ده الجابو شنو خلينا في موضوعنا احسن يا ود الشمالية(؟)
لماذا كل هذه الضجة لأنه تم القبض علي علي سوداني وزوجته يصنعون الخمر بالسعودية ؟ ففي كل يوم يتم القبض علي عشرات الرجال والنساء من كل الجنسيات ولا نسمع مثل هذه الضجة وكأن الدنيا قامت ولم تقعد .. ولا داعي لتجيير العيوب للجوار ونعيب زماننا .. السودانيون والحمد لله من أكثر الجاليات المحترمة ليس في الخليج فقط ولكن في كل بقاع العالم ولكن لايمنع هذا من وجود بعض القلة من الشواذ اللذين ظهروا في السنوات الأخيرة .. يجب ان نعتز باننا سودانيين ولكن دون خدش الاخرين .. فالسوداني ليس ملاكا ..
لـــــــــو خمـور بس ماكويس في حاجات اكبر من الخمور
المشكلة انو الزوج ماشغال والزوجة ماعايزة ترجع السودان
مافي حل في النهاية بيع خمور ودعارة في شباب زكرو قالو مفروض السفارة تتدخل
فعلا مفروض السفارة تكون لها كلمة
يا جماعة فضيحتنا بقت بجلاجل فب البلد ، والله العلي العظيم الخبر صحيح وفعلا سودانيين وهم بنفس الحي اللي ساكنيين فيهو اقاربنا …
السودانيين بقوا فضايح وبس ،،، اخير نرجع ونعمل البلاده دي في بلدنا …
السلام عليكم ورحمة الله
اكبر فيكم غيرتكم على سوداننا الحبيب … اخوكم من السعودية و احببت ان اتطفل عليكم بمداخلتي بعد مروري من هنا صدفة ….. ارتبط في ذهني منذ الصغر السودان و اهله بالطيبة و الخلق الكريم و لازالت هذه الصورة قائمة لم تتغير ولن تتغير فلنا بينكم معنا اخوة و اساتذة افاضل كانوا مثالا للشرف و الامانة و الخلق الرفيع و نعلم يقينا ان الشواذ موجود في كل جنس ولون و هم لا يمثلون سوى انفسهم و منغصات لكل قيم و مبداء …… فقط اريد ان اقول اننا نعتز بكم يا اهلنا الطيبين .
محمد عبد الكريم
ياخي نحن ما مسؤولين من تصرفات الغير بقدر مسؤولين عن أخلاقنا وقيمنا كبيرة والله في حق السودان ياخي الإنسان سفير بلده في الخارج سبحان الله عن منطقك المعوج
أولا نسال الله السلامه قبل ايام قرانا عن عصابة تهريب سيارات واليوم قرات هذا الخير العجيب نعم عجيب لان مثل هذا الشص عديم المروه تجرد عن دينه أولا وعن سودانيته فمثل هؤلا لا اسف عليهم
البقول دخل الجواز الالكتروني شنوز اذا كان اي واحد حبشي وللا تشادي وللا فلاتي شايل جواز سوداني البيحميهو يبيع العرقي شنو وده غير الحبشيات الفاتحات بيوت وشايلات جوازات سودانيه والزمن ده البقول النصيحه يخت كلاشنكوفو جنبو .
اشكركم ايها الاشراف علي غيرتكم المنغير حدود علي بلدكم الغالي الحبيب السودان
يعني موضوع في غاية الخطورة وسمعة السودان في السعودية بقت حاجة يررثي لهاا وزي ماتفضلو الاخوة اي حبشي او تشادي مشي السودان دفع ليهو 200 الف اشتري ليهو جواز سوداني ودخل السعودية علي اساس انووو سوداني
المشكله عاوزة تكاتف جهود من العسكري بتاع الجوازات لي الضابط البصددق الجواز وبتاع المطار وبتاعين السفارة ديل قاعدين ساي شغلتهم شنو غير لقيط القروش مفروض اختوو متخصص في السفارة اخصائي اعرفوو الناس ديل حبش والله هم اسياد البلد ونحن الاقراب ياخي الحبش ديل كلهم الفي السعودية مابعرفوو اي شي عن السودان ومعهم جوازت سودانية والمصيبة مافي شي مابعملوهوو الرجال حرامية والنسوان والبنات الله احفظ اعراضنا واعراضكم
ولكم الشكر
لا حول وقوة الا بالله … الله يرحم الصورة الجميله للمواطن السوداني …;(
من المؤسف ان في مدينة جدة ضبطت 130 امرأة .. مخالفة واودعت شؤون الوافدين (للترحيل) …. رفضت السفارة
التدخل في القضية بحجة انهن ليس سودانيات …. والممثلية التشادية قالت نفس الشيء
والممثلية الارترية ايضا قالت نفس الشيء … والغريب في الامر ….انهن يحملن جوازات سودانية …
اذا كيف تضبط الشقله اذا كان كل ضابط جوازات بيبيع ذمتوا … واسم بلدوا 250 الف
وكيف امنعوا من الرشى وهو مالاقي ياكل ….
سمعتنا راحت …. بعد ما …………!
وتقول لي باعوا عرقي … هن باعن شرفهن وشرف رجالهم … يعني بقت على العرقي …. وبعد كدة جايين نقول دول ماسودانيين … حتى لو كانوا اسرائيلين
ما دام شايلين هويات سودانية فهم سفراء لبلدنا … ياسلام على السفير وهو بقزازة عرقي … او تكون سفيرة رابطه البتاع على راسة … عينك ياتاجر ….! صدقوني ما حنمشي عديل الا اذا اعترفنا بالعوج الفينا …. اما نضع العوج على الاخرين فانسوا اننا نتعدل ….
😮
الله يهدينا ويهديكم ويهدي كل عباده للطريق القويم …..
(كلمة حق من اشرف سوداني )
الرجاء نشر الموضوع دا لوفي موضوعية اصلا .
اولا مافيش حد معصوم في الدنيا دي ياحبايبنا ، ثانيا مافي داعي للشمت على ناس ابرياء ، كان تشاديين ولا ارترين ولااثيوبيين انتو شعب الله المختار ولاايه
اخيرا ، (من الشقال في القصور صبابين خمر وجرارين ، لبنايين ولاسودانين افيدونا ايها المعصومون من المعاصي )
ياجماعة الخير كدى خلو النفخة و الكضب و التعالى واتعامل كانة السودانى ملاك
السودانيين بشر وعادى ان يقعو فى الخطا
والناس ديل جايطين كده ماسودانى واحدين يقولو تشادى وواحد تان يقول ليك اريترى ومابعرف شنو حبشى
يا اخوانا كدى النسالكم سؤال انتو قبل ماتغتربو وتمشو السعوديه دى ماكنتو فى السودان انحنا العرقى البنشربو فى السودان ده بسووهو خواجات ولا شنو ؟؟؟؟؟؟
دحين ياأخوانا روقوو المنقة وأقعدو فى الواطة والسودان اتغير و السودانيين طباعهم ايضا اتغيرت والله يهدى الجميع :lool: