تفاصيل أكبر عملية احتيال على شركة شبه حكومية
الجدير بالذكر أن الشركة استقدمت الموظف الهندي براتب يبلغ «50» ألف جنيه ومنزل وعربة فضلاً عن امتيازات أخرى ، بديلاً لسوداني ذي جنسية أمريكية كان يتقاضي «12» ألف جنيه فقط. وتعود تفاصيل عملية الاحتيال إلى تلاعب الموظف الهندي بحكم عمله في شبكة الشركة ، ووجد معلومات تخص صفقة عقدتها الشركة عبارة عن أسبيرات ذات قيمة عالية ، فقام بتحويل مسارها وبيعها في عرض البحر لصالحه، وبحسب مصادر «الإنتباهة» فقد شك مهندس سوداني في الأمر عندما طلب منه الهندي أحد البرمجيات وبتكرار هبوط شبكة الشركة ، وبعد عملية تقصي قام بها المهندس السوداني اكتشف الجريمة، وبالبحث عن الهندي وجدوه قد أغلق هاتفه وتم العثور على عربته بباحة مطار الخرطوم ، وبمراجعة السلطات تم التأكد من مغادرته البلاد بجواز سفر أمريكي ، بخلاف جوازه الأصلي الذي جاء به للسودان والموجود بطرف إدارة الموارد البشرية بالشركة.
صحيفة الإنتباهة
[/JUSTIFY]
***تقدروا تجيبوه عن طريق الإنتربول الشرطه الدولية ، لا تسويات ولا يحزنون بعد الغبض عليه ، ولو في شركاء معه سيتم غبضهم جميعاً
***تفتحوا بلاغ رسمي وسريع وتراجعوا السفاره الأمريكيه القسم الأمني بالسفاره وبواسطة ال CIA رح سصلوا ليهوا لو كان بأمريكا
***نتمنى إلغاء الحريات الأربعة نهائيا
***وختاماً إنهاء لوجود الهندي بالسودان ، وإنهاء الوجود الباكستاني ، وإنهاء الوجود المصري والبنغالي
السلام عليكم
من عدم ناس البرمجيات في السودان جايبين ليكم هندي ؟! و الله الهنود انتو دا المرجع البلد لوراء 5 مليون دولار دي ممكن تدرب ليك 1000 سوداني يمكن تستفيد منو البلد قريب او بعيد
ربنا يكون في عون البلد دي
وأحد هندى صحبه عايز يلعب عليه قال ليه … أنت فكر انا سودانى
والله بقينا ملطشه حتى الهنود سرقونا .. و من عاشر قوما اربعين يوما صار منهم
و يمكن الهندى متابع قضايا سودانير و الأقطان و مشروع الجزيرة و و و و ..
[SIZE=5][FONT=Arial]بلد زي ما قالو جنازة بحر
بلد مافيها وجيع ياما في جراب الحاوي
[/FONT][/SIZE]
[frame=”6 100″]
[JUSTIFY][B][SIZE=5][FONT=Simplified Arabic]إجراءات الجوازات عند الخروج مش بيتم فيها التأكد من الدخول وما إذا كان الشخص الأجنبي قد تجاوز المدة المسموح له ببقاءها في السودان من عدمه؟؟
وعليه، فإن دخول هذا الشخص كان مثبت في جوازه الهندي.
كيف يتم إعتماد خروجه بجوازه الأمريكي وهو ليس به تأشيرة دخول؟؟
ماذا لو كان الجواز الأمريكي الذي خرج به مزور؟؟ وهذا غير مقبول لأنه كانت الأخبار تشير دوما إلى القبض على سودانيين/يات بجوازات مزورة عند كاونترات شركات الطيران – قبل وصولهم للجوازات:confused:
أكاد أجزم بأن الشركة المعنية هي كنانة!
العنصرية التي مورست ضد أبناء غرب السودان في هذه الشركة ومثيلاتها سوف لن تقود إلا إلى كوارث أكبر وأكبر.[/FONT][/SIZE][/B][/JUSTIFY][/frame]
مع انة يمكن ان تحصل في سودان العجائب والغرايب لكن كيف هندي ياخذ راتب 50000 جنية بالجديد يعني بالقديم 50 مليون ولا انا غلطان يا عالم حدي اصحح لي المعلومة دي اذا كان رئيس الجمهورية بياخذ 60 مليون في الشهر وغير ذلك مطار الخرطوم ده عامل زي زريبة الضان كيف دخل بجواز سفر هندي ومرق بامريكي فهمونا ليها كيف ثالثا كيف ابيع اسبيرات في عرض البحر هذا الشىء لايمكن ان يحصل وين اذن التسليم والتسلم والفواتير والاجراءات المحاسبية الطويلة والاعتمادات البنكية وغيرها دائما ناس النيلين سردهم مبتور
تستاهلو ماحدث لكم الم يكن اولا بهذا الراتب موظف سوداني ام انة الحسد والغيرة يجب ان لايمر ماحدث مرور الكرام طالما للدولة نصيب في هذهي الشركة ومحاسبة شرطة الجوازت علي هذا الخلل الامني هل كل من يحمل جواز غربي يخرج من البلاد دون تمحيص وتدقيق ام هي عقدة الخواجة
اذا عاوزين الطريقة الاخترق بيها الهندي انا خبير امن معلومات يمكن ان اتعاون معكم
دا كلام فارغ. دي سرقة مدبرة ومشترك فيها اكثر من شخص
انا كنت مغادر مطار الخرطوم نهاية أكتوبر الماضي وكنت في
مكتب الضابط المناوب برتبة عقيد فدخل رجل من الجنسية
السورية قد منع من السفر بسبب انه لا يحمل تأشيرة مغادرة
من الداخلية حيث انه يعمل مهندس بأحدي الشركات ومقيم
بالسودان. وللأمانة اذكر ما قاله العقيد ” انا أخليك تطلع
كيف يمكن تكون مطلوب مليارات” وكانت زوجة السوري
مسافرة مع زوجها في نفس الطائرة فقال له العقيد انا سوف
اسمح لزوجتك بالمغادرة وبدون رسوم .
الشركه هى شركة سودابت والهندى حضر بعقد لبرمجه ال SAP علما بان السودان مليان بمبرمجين
الهنود لحسوا ليك الخليج وبعض الدول الغربية ومازال السودان جاري وراء هندي واجنبي والسودانيين بمختلف مستوياتهم عواطلية رغم كفاءتهم ومقدرتهم على القيام بمثل ما يقوم به الاجنبي وافضل
[SIZE=5]تستاهلو[/SIZE]
[SIZE=6][FONT=Arial]أكاد اجزم ان هذا الخبر ملفق وينطوى على عملية احتيال وتمويه
اشتهر بها السودانيون خائنى الامانة والعهد والزمه
لو كان هندى وبجواز سفر امريكى يمكن ملاحقته والقبض عليه
لسهولة المعلومات والاجراءات فى امريكا
لكن ؟؟؟ اشك فى مصداقية الخبر والمدير والسكرتيرة اقرب الى الاحتيال
والشواهد كثيره
ياعالم اختشوا وحاسبوا ضمائركم[/FONT][/SIZE]
هنالك شركاء معه في نفس الشركة يجب التحري ثم انه امن قلة المؤهلين السودانييين ثم ان وظيفة بهذا الحجم اليس من الاجدر ان تكون مخصصة لفريق من السودانيين الموجودين في دول المهجر ويحملون مؤهلات عالية جدا( نواسيكم ونقول ليكم” خموا وصروا”
[COLOR=#0005FF][B][SIZE=6]عفيت منو الهندي
اذا المهندس السوداني معترف في كل دول العالم الا دولتو السودان
يجيبو هندي ؟؟؟ هندى قال
عشقنا وشفنا
والله السودان ما يتقدم طول عمرو طالما في ناس بيقيمو الاجنبي على السوداني انشاء الله جايى من الواق واق
المهندس السوداني اثبت كفاءتو وجدارتو في كافة مجالات الهندسة داخل وخارج السودان – بس مين يعترف
ياعالم المهندس السوداني يتحدى مهندسين العالم اسمعو اصحوا
50 مليون جنيه راتب الهندي = 12 مليون راتب السوداني ( دى العدالة يا ناس منبر العدالة ويا ناس العدل والمساواة ويا …………….. )
والله فرحت فرح شديد بالحصل دا …. في التعليقات في واحد جاب شركة كنانة والعنصرية وما ادراك ………… الخ … زي دا المؤخر السودان
خليك في اجنبي جابو محل سوداني فرضا السوداني ما نجح في محلو دا خلاص السودان مافيهو ولا مبرمج غيرو او بتاع اي تي غيرو ؟؟؟؟؟؟؟
حسبنا الله ونعم الوكيل [/SIZE][/B][/COLOR]
مالو اسم الشركه لم يعلن ؟ عوره ولا شنو؟
[FONT=Times New Roman][SIZE=4]الموضوع مفبرك والهندي دا كبش فداء شان تغطوا علي خيبتكم يا حراميه, والهنود لو حراميه كان نهبوا اموال الخليجيين السايبه دي. البلد كلها بؤره بتاعة فساد مافي داعي للكذب والتضليل. قال هندي قال, ومن متين في امريكي بتاع IT بشتغل بي 12 الف ياجهلاء.[/SIZE][/FONT]
انتو زعلانين لانو راتبه 50000 جنيه و الله العظيم انا بعرف هندى راتبه 13000 دولار وبحسبة بسيطة و اذا كان الدولار ب 8 جنيه نلاقى راتبه 104000 جنيه يعنى 104 مليون بالقديم و الله المستعان