كوش نيوز .. أخبار السودان بين يديك

كلام المساطيل ده البقولو منو ؟!



شارك الموضوع :

كلام المساطيل ده البقولو منو ؟!

[JUSTIFY]
( فلســـــفة )
قال أحد الظرفاء أنه سئل يوماً عن ما هو وجه الشبه بين الحمار والارنب ,
فقال مستخدماً علم
المنطق الذى درسه حين كان كمسارياً فىخط الحاج يوسف بالردمية , فقال :
الحمار بالغة الانجليزية اسمهدونكى , احذف (دون ) من الكلمة حتفضل ليك كلمة
( كى ) , وكلمة
( كى ) بابالانجليزى يعنى مفتاح , مش ؟
طيب , ضع كلمة ( مفتاح ) فى جملة مفيدة , أو حكمة خذ مثلاً : ( الصبر مفتاح
الفرج ) , كويس معاك
كده , الان أحذف مفتاح الفرج من الجملة , حيفضل عندك كلمة صبر صاح ؟
ضع كلمة (الصبر ) فى حكمة جديدة برضو , ممكن يكون : ( الصبر جميل ) بعد داك
أحزف ( الصبر ) من الجملة حيفضل عندك كلمة ( جميل ) , كده الكلام ده ماشى
كويس ؟
حسناً هل تذكر ممثلاً مصرياً إسمه (جميل راتب ) ؟
احذف كلمة ( جميل ) من أسم الممثل , سيبقى لديك كلمة راتب , أليس كذلك ؟
أعكس الحرفين الأخرين فى راتب ليصبح الاسم (رابت ) , ورابت باللغة
الانجليزية تعنى
( ارنب ) صاح ؟
هل عرفت العلاقة بين الحمار والارنب ؟
اقيتنى كيف ؟!!

عــــرس مــــافى :
تزوجت إحدى السيدات رجلاً تجاوز العقد الخامس من عمره , فلما دخل العريس
غرفتها رأى
ثلاث ( جلالبيب ) معلقة فى ( الحمار ) والحمار لغير الناطقين بها يعنى (
الشماعة )
ومن سيسأل منكم عن الشماعة عليه الخروج فوراً من الغلاف الجوى لهذه الزاوية
سأل الزوج عن ( اسياد الجلاليب دى ) فقالت له فى برود :
( الجلابية السمينة دى حقت راجلى الأول الغرق فى البحر فى عيد الاضحى الفات )
والجلابية التانية دى حقت منو ؟
( قصدك الجلابية البيضاء دى حقت راجلى المات محروق فى اراكوبة الشتا الفات )
طيب الجلابية التالتة دى ؟
أيوه دى (حقت راجلى التالت المسكين كتلوهو الحرامية وأنا نايمة جنبو قبل
ستة شهور كده ) ؟
– بالله ؟؟ طيب لو زول سألك من الجلابية الرابعة دى قولى ليهو حقت راجلى
الجرى يوم دخلتو
عريان بالعراقى بس ؟؟؟؟

( شـــمارات حبيب نورة )
قال ســـقراط مرة :
تلاته عمرهم ما نالو :
واحدة ما عندها غير قلنا وقالو !
وراجل ( مرا ) خاتى العــرس فى بالو
قيل ثم من , قال
واحد نسوان الحلة كاشفات حالو …. ؟!!

[/JUSTIFY]

آخر الحكي
[email]wagddi@hotmail.com[/email]

شارك الموضوع :

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

This site uses Akismet to reduce spam. Learn how your comment data is processed.

سودافاكس