كوش نيوز .. أخبار السودان بين يديك

الهندي عز الدين : أنا لا أقدم (ما يطلبه المستمعون)، مثلما يفعل كتاب كثر



شارك الموضوع :

[JUSTIFY]} عندما أكتب رأياً تبلور في (مركز) قناعاتي، فإنني لا أهتم كثيراً، ولا أبالي لردود الأفعال، سلبية كانت أم ايجابية. هذه هي طريقتي في الحياة، وسياستي في (التحرير).

} أنا لا أقدم (ما يطلبه المستمعون)، مثلما يفعل كتاب كثر، وسياسيون، ونشطاء مزيفون في قضايا الديمقراطية وحقوق الإنسان و(الاستهبال السياسي) والعهر الإعلامي على مواقع ومنتديات (الانترنت)، وبعض الأعمدة (المائلة) في الصحافة الورقية المهترئة.

} لو كانت هطرقات وسفاهات مناضلي (الكي بورد) تلفت انتباهي، بانتماءاتهم المختلفة من بقايا (سائحين) النسخة المشوهة إلى أراذل (صعاليك أون لاين)، لما كانت صحف ووكالات وفضائيات “مصر” أم الدنيا لا شغل لها ولا مشغلة غير كتابات صاحب هذا القلم.

} وللحقيقة وللتاريخ، فإنني لا أرتاد مواقع السفه السياسي (السوداني)، ولا وقت لي لأضيعه هناك، إذ تتطلب مسؤولياتي المهنية، وواجباتي الوطنية أن أركز في ما توفر لي من وقت للمواقع الجادة، والرصينة، وكالات الأنباء من “رويترز” إلى (أ.أ.ش) وكالة أنباء الشرق الأوسط، والفرنسية، ومواقع الإذاعات والتلفزة العالمية من الـ “بي. بي. سي” إلى (العربية) و(الجزيرة نت)، بالإضافة إلى استفادتي المستمرة من (قوقل) في (تأكيد) معلومات تأريخية أو بيانات وأرقام، فما حاجتي إلى مطالعة تعليقات (أميي) الانترنت، مرتكبي جرائم (الإملاء) و(النحو) مع سبق الجهالة وترصد الغباء؟!!

} ولهذا، وبما أن تلك الكتابات (الركيكة) لن تجد لها مكاناً في تلك المواقع الدولية آنفة الذكر، فإنها لن تجد حيزاً ولو صغيراً في برنامج متابعاتي اليومية، إلاّ عندما يتبرع أحدهم بسؤالي ببراءة أو بلاهة: (قريت ناس موقع شنو كدا.. كتبو عنك شنو؟!)، إجابتي الحاضرة والصادقة: (لا ما قريت)، فيردد على مسامعي مقطع أو مقطعين من الإسفاف المعهود، فيفاجأ بردي: (خليهم يقولوا.. أنا قاعد.. وزايد).

} الأغرب أنه عندما وصفتني الصحف المصرية نقلاً عن وكالة (أنباء الشرق الأوسط) بـ(الكاتب والمفكر السوداني)، تركوا أمر (حلايب سودانية)، وركزوا حسب ما (يحكى) لي متابعو هذا السخف على هذا الوصف (مفكر)!! (بالمناسبة ليس لي أي صفحة أو حساب على (الفيس بوك) وهذا للعلم، وقد زور بعضهم صفحتين باسمي قبل عامين).

} كيف بس (مفكر)؟ وليه؟ وعشان شنو؟ وفكر عمل شنو؟! مع أن الذي أطلق هذا الوصف صحفي (أجنبي)، لا تربطني به أي صلة معرفة، ولم يسبق لي أن التقيته، وهذا تقديره أكون (مفكراً) أو لا أكون، ولكنه ليس تقديري ولا رأيي في نفسي، فأنا لست مفكراً ولا يحزنون، أنا (صحفي) وبهذه الصفة أفاخر وأنازل، وأتحدى (داخلياً) و(خارجياً) وعلى امتداد بلاد وصحافة لغة الضاد.

} وهذا بالتأكيد ليس من قبيل الادعاءات، فأعمالي معروفة وموجودة، ليست أعمدة، ولا حوارات، وتحقيقات (تفوز بجوائز)، بل (صحف) واحدة وثانية وثالثة ناجحة وحية وما زالت تنافس في (سوق الله أكبر) تصنع (صحفيين)، وتقدم (كتاباً)، وتفتح (بيوتاً) والحمد لله.

} أعزائي (صعاليك أون لاين): أكتبوا كيفما يحكى لي (هواة النت)، ولكن أعلموا جيداً أن بينكم صحفيون وكتاب وآخرون (حساد) فشلوا في مقارعتي على (الورق) فاختاروا الاختفاء وراء (الأسماء الوهمية) في (الانترنت)، أنا (عافي ليهم)، لأنهم (جبناء)، وأعلموا أيضاً أنني بفضل الله – لا بفضل (حكومة) ولا (معارضة) – (قاعد وزايد).

} اللهم لك الحمد كما ينبغي لجلال وجهك وعظيم سلطانك.

} اللهم صلِ على سيدنا محمد وعلى آل سيدنا محمد كما صليت على سيدنا إبراهيم وعلى آل سيدنا إبراهيم.

صحيفة المجهر السياسي[/JUSTIFY]

شارك الموضوع :

66 التعليقات

إنتقل إلى نموذج التعليقات

      1. 1

        [SIZE=4]والله لم اكمل موضوعك لانه كما تصف معارضيك الذين تدعي بانك لاتقرأ تفاهاتهم كما تقول وانت تنتقدها وتتفهها، فعجبا لك من هندي كيف وانت لا تقرأها حكمت عليها!؟
        لا أنسى مبروك عليك غزل اهل الغزل جماعة هشتك بشتك
        هذا زمانك يا مهازل فامرحي قد عد كلب الصيد من ( الكتاب )
        ( أعتذر بشدة لصاحب العبارة)[/SIZE]

        الرد
      2. 2

        [JUSTIFY]بسم الله الرحمن الرحيم …….[/JUSTIFY]
        عندما يطالع القارئ لما تكتبه بهذا السفه عن مجموعات من خلال تلك المنتديات تستطيع أن تغير حكومات وأفراد ، وعندما تبرز مدي الجهل والغرور المستفحل في داخلك عن أن المراكز المتقدمة من الوجهات الإعلامية لا تأخذ بمثل هذه المهاترات في مراكز الأون لاين ، للأسف هذا الحديث مردود إليك لأن الغرب لا يهمل أي منبر كان مهما كان ذلك المنبر ولما جري خلف الفضائح في أوسخ المواقع والتي صحيفتك التافهة التي لا تساوي القمامة التي كتبت بها ، ولكن القارئ لم ولن يتنازل عن موضوع حلايب ولكن أساءه أن عميل مثلك وجد من يصفه بالأديب في زمن العمالة ولم يكن ذلك الكاتب سوي من الكتاب الذين يسيئون للوطن والمواطن ويعتبرون أن حلايب أرض مصرية وليس لأنك كاتب تستحق الشكر فأنت تشكر لأنك قلت مايفيد المعتدي علي الوطن والمحتل فماذا تريد أن يصفك مثل هذا الكاتب وأنت لا زلت تتمسك بنفس العمالة الفاضحة والإسفاف في القول والعمل لتؤكد ماأنت فيه ، لأن السودان هو بلد العهر السياسي فإن من أمثالك يعرضون فيه ولكن لو كنت حتي في أميركا لقذفوا بك في صندوق القمامة ولحوسبت بالعمالة والتفريض في حق الوطن ومن نعم الله علينا هو تلك مواقع الكي بورد ليتم فضح مثل أمثالك . ة

        الرد
      3. 3

        انت يالهندى بقيت ارزل سودانى بعد الموتمر الوطنى ربنا يهدك ويهد افكارك البالية نحن ناقصين عديمى وطنية لا ولا لمن يتنازل عن شبرا واحد فلتذهب مصر الى الجحيم وانت خلفة والله اكبر والعزة للسودان

        الرد
      4. 4

        لو كانت هطرقات وسفاهات مناضلي (الكي بورد) تلفت انتباهي، بانتماءاتهم المختلفة من بقايا (سائحين) النسخة المشوهة إلى أراذل (صعاليك أون لاين)، لما كانت صحف ووكالات وفضائيات “مصر” أم الدنيا لا شغل لها ولا مشغلة غير كتابات صاحب هذا القلم.

        صحف ووكالات وفضائيات مصر تطبل للعملاء والمنبطحون يا هندي ومن يبيعون ضمائرهم ولا مانع لديهم من التنازل عن كل شئ من أجل ان يكتب عنهم الغير مجرد كلمة وللأسف انت مجرد طبل أجوف وصاحب لسان قذر ومن تصفهم بصعاليك اون لاين اشرف وانبل منك ومن الخونة امثالك وطالما ان مصر بالنسبةلكم هي ام الدنيا فلماذا لا تطلبوا جنسيتها وتدعونا في هذا السودان الاغبش فنحن نعشق ترابه ومستعدون لخسارة العالم بكامله وليس مصر فقط من اجل ذرة من تراب هذا السودان الذي تحاول انت وامثالك بيعه من اجل كلمة تصدر من قنوات العهر وهز الوسط المصرية

        انت يا هندي صدقت انك صحفي ومفكر ؟
        والله شر البلية ما يضحك

        الرد
      5. 5

        كيف بس (مفكر)؟ وليه؟ وعشان شنو؟ وفكر عمل شنو؟!

        وتاني

        كيف بس (مفكر)؟ وليه؟ وعشان شنو؟ وفكر عمل شنو؟!

        وتاني ي انبطاحي ي خاااااااااائن ي عمييييييييييييييل

        كيف بس (مفكر)؟ وليه؟ وعشان شنو؟ وفكر عمل شنو؟!

        ورينا ي المفكر انت مفكر كيف وليه وعشان شنو وفكرته عملته شنو؟؟؟

        الرد
      6. 6

        نحن لا تعجبنا القرضمة ورفع النخرة .. إذا كنت تقوم بواجبك كصحفي وطني عليك بإدارة معركة الفقر والجهل والمرض التي يعاني منها السودان الأن .. أما مفكر وسيد البلد دي فعليك أن تتركها لمن يقيم أداءك من جمهور القراء .. لا تظن أن قراء الصحف ومتابعي القنوات الفضائية هم تلاميذ ابتدائي … وتستأسد عليهم أو تفرض وصايتك الفكرية .. قل رأيك ولكن بأدب وإلا فالصمت خير فضيلة

        الرد
      7. 7

        افشل الكتاب من يستعدى القراء
        افشل الكتاب من تكون حجته السباب والقذف لان ذلك يعنى الافلاس
        للقارى الحق فى التعليق لانه الذى تكتب له ويشترى جريدتك
        افشل الكتاب من لا يراعى الشعور العام لشعبه ويمس بكتاباته ثوابتهم ولو كان صحيحا
        هداك الله

        الرد
      8. 8

        حاول ان يثبت انه بطل ولكن اثبت تماما انه افشل صحفى فى العالم

        الرد
      9. 9

        النعامة تخطئ حين تشعر انها تستتر تدفن رأسها فى الرملة وكلللللللل جسمها فى العراااااء — حاتكون فهمت حاجة ياترى—-

        انت مفتعل ومثير مشاكل بامتياز هذا ماتجيده وتحسنه حتى لو بتكلم نفسك حاتشاكلها

        الرد
      10. 10

        دا ما عندو موضوع

        الرد
      11. 11

        هي رسالة لصحيفة المجهر السياسي ولمدير تحريرها المدعوا الهندي عز الدين
        استفزني مقالك وانت تقول ان مصر خط احمر وكتبت تعليقي في النيلين ثم
        فتحت موقع صحيفتكم الالكتروني وكتبت تعليق علي المقال ( شهادتي لله ) ولإدراج التعليق تم الطلب مني بالتسجيل وبالفعل قمت بالتسجيل وجاءني ايميل بنجاح التسجيل وقمت بتسجيل الدخول وكتبت تعليق علي المقال المذكور وتم ارساله بنجاح وكنت في انتظار ادراج التعليق ولكن ما يدل علي خبث وجبن القائمين علي شأن الصحيفة لم يتم إدراج التعليق وتم حظري من دخول الموقع الالكتروني للصحيفة.

        الرد
      12. 12

        كتب الهندي:

        “فما حاجتي إلى مطالعة تعليقات (أميي) الانترنت، مرتكبي جرائم (الإملاء) و(النحو) مع سبق الجهالة وترصد الغباء؟!!”

        طيب يا رئيس التحرير الهمام شوف غلطك النحوي في الجملة دي.

        “أعزائي (صعاليك أون لاين): أكتبوا كيفما يحكى لي (هواة النت)، ولكن أعلموا جيداً أن بينكم صحفيون وكتاب وآخرون (حساد) فشلوا في مقارعتي على (الورق)”.

        (صحفيين) يا الهندي، ما (صحفيون)، لأنها اسم أن مؤخر.

        الرد
      13. 13

        يا هندي أثبتت الأيام أن الصحفي مزمل أبو القاسم كان فعلاً على حق ،،، وكل من ناصروك ضده تجدهم اليوم قد غيروا رأيهم فيك،،، ولكن كيف تعرف ذلك أرجو عمل استفتاء في جريدتك …. صحيح عديم الشهادات الأكاديمية لا يمكن أن يأتي إلا بمثل ما أتيت به لأنه فعلاً الأواني الفارغة أكثر ضجيجاً.

        الرد
      14. 14

        ابو هنود المفكر و الصحفى المفتح فى بلد العميان حيلك حيلك وخلى ركوب العجله سدارى وخت الكرة فى الواطه التكيل خشمك ان شاء الله اين انت و الصحافه والله الصحافه الحله ما اقبلوا بيك مواطن تعيش وسطهم ؟
        والنفخه الكدابه و البوبار و فك الزرار ما بليق بك لان لا تمتلك الكريزما التى تؤهلك لذلك ؟
        مناضلى الكيبورد والله اكثر وطنيه منك و دفاعهم عن حلايب و شلاتين و ابو رماد لم يكن هطرقات يا ابو هنود و هم قدرها و قدود و الدفاع بالغالى و النفيس يارخيص وهذه من شيمنا السمحه الراسخه ف وجدان كل سودانى و تفتقدها يا ابو هنود القادم من جنوب أسيا واحمد ربك وبوس الايادى والارجل لانك منحت الجنسيه السودانيه وشكلك دليل على ذلك مع احترامى لكل الهنود الشرفاء الذين يتفاخرون بالجنسيه السودانيه ولكن يا ابوهنود الرخيص الجاهل الفاقد للحس الوطنى ولا تشبه اهلنا الطيبين السودانين المأصلين المفصلين .
        يا ريت تدخل اى موقع وتشوف الشرفاء كاتبن ايه فيك و الله تترك الصحافه و الكتابه الى يوم الدين وتعرف قدرك اذا كان لديك عقل تيز به ؟
        لكن للاسف نافخ نفسك و عامل فيها صحفى و مفكر و انت اجهل الجاهلين يا رخيص وذنب نابع للفراعنه .

        الرد
      15. 15

        [B][SIZE=7]والله ياهندى حاجة واحدة قعدتك فى الواطة . (ريرى)[/SIZE][/B]

        الرد
      16. 16

        لقد كنت احترمك كثيرا لكن ألحظ فى كتاباتك الاخيره تعالى واسفاف وتبجح وكتابات غير موضوعيه وتخدش كثير من القراء.وبكتاباتك هذه لن تجد احدا يشترى صحيقتك بعد الان.

        ملحوظه: لاحظ عندما يتكلم الهندى لا يفرق بين نطق حرف القاف والغين فينطق حرف الغين قافا.

        الرد
      17. 17

        الغريبة ان الهندي هو اول من يرتكب الجرائم في النحو واللغة العربية كلما تكلم ،، ولو ما مصدقين كلامي ده احضروا اقرب حلقة من برنامج قبل الطبع في النيل الازرق وشاهدوا واسمعوا كيف يقلب الهندي الغين قاف والقاف غين ..

        الرد
      18. 18

        بارت صحيفة (المفكر)الرجاءالمواصلة في مقاطعة هذه(الزبالة )المسماه المجهر السياسي حتي نري (المفكر )احد الكتاب الكبار في صحف المحروسة.

        الرد
      19. 19

        كل يوم تزداد قناعتى أنك شخص (ولااقول صحفى ) مثير للشفقه تعانى من عدة عقد نفسيه تتراوح مابين الدونيه والشعور بالعظمه إضافة غلى عقدة الذنب التى تظهر في كتاباتك كونك أحد مطبلى هذا النظام , أرجو أن تحاول زيارة طبيب نفسى عله يستطيع تقديم المعونه لك لتجاوز حالتك المرضيه وأسلوبك العدائى تجاه الآخرين !!

        الرد
      20. 20

        يا ايها المتسودن والمتصيحف .. ان كنت تكتب ولا تبالى بالغير .. فاحتفظ بما تتقيا لنفسك ولاتنشره .. وحديثك يناقض بعضه بعضا .. كيف عرفت باستنكار غالبية من قرأ تلك الالقاب التى اغدقها عليك اولاد بمبه وهم معروفين عالمين بابتداع الالقاب النفاقية ومنها على سبيل المثال لا الحصر ( ياباشا .. وحضرتك .. وسعادتك .. ) ؟؟؟
        ولماذا تبحث عند ( هواة النت ) عن شمارات ( صعاليك النت ) ان كنت صادقا في قولك انك لاتهتم !!!

        هنيئا للمتعوس بخايب الرجاء .. فما جاءنا من خنوع امثالك لمن لايسوى الا المزيد من الذل والمهانة .. ومانالنا من اسيادك او اولياء نعمتك الجدد الا المزيد من العفن .. وضياع خيرات البلاد ..

        المصرى ذى الياى لو ماتفضل دايس عليهو بيطير ليك فى وشك ..

        المصرى ذى الجزمة الجديدة كل ماتدوسو يفتح معاك ..

        المصرى كل ماتذلو .. يحترمك ..

        هذه الامثال هى نتاج وقائع وتجارب عاشها الالاف ممن عاشر المصريين .. فماذا تعرف انت عنهم ؟ وماهى تجربتك معهم ؟ وماهى خبرات تعاملك معهم؟ .. وحتى ان اعطوك مرتبة توفيق الحكيم او نجيب محفوظ او حتى البرادعى ؟ ربنا يهنى بخيت بى بخيته .. فلا انت ولاهم ستضيفون الى السودان شيئا .. او ستنقصون منه شيئا .. الاف البشر عبرو به ولايزال هو السودان ؟ فمن انت او هم !!!!

        انت السفيه .. وليس السودانيين لان ماكتبوه ويكتبوه هى ارائهم حتى وان لم تعجبك .. او تاتى على هواك .. انت ضليع فى الكتابة لما يطلبه المشترون .. فما حاجتك للكتابة الى مايطلبه المستمعون !!!..

        وان كانت مصادرك هى رويترز والعربية واشباهها .. و كنت تروج على الغير ماتستفرغه تلك المصادر فهى مصيبة .. كما انها تثبت انك ضحل التفكير والثقافة ..

        وانت قاعد ( لان هنالك من يدفع نقدا ليشترى تفاهاتك ) .. وانت زايد لست ( زايد ال نهيان ) .. بل زائد في الارتشاء والعمالة والمقابل حاضر او مؤجل الله اعلم .. مباشر او فائدة متبادله لانستطيع ان نفتى في ذلك ..

        وافيدك علما باننى وغيرى الاف من السودانيين الشرفاء .. لاعلاقة لنا بالصحافة حتى نحسد فكرك العظيم الموثق من اولاد بمبه اصل الفكر الانسانى في الكرة الارضية ..

        نحن من نفر …. وخلى رويترز او اولاد بمبه يتموها ليك ..

        الرد
      21. 21

        عدم احترام الرائ الاخر اكبر دليل على الغرور وعدم الفهم .والتملق للفر يق السيسى ليس هو الطريق للنجاح ولا من مقومات النجاح بشئ ونتمنى ان تعود الصحافه الباهته الى رشدها وهداها وان تهتم بقضايا المواطن والوطن والهموم الداخليه و ان تتحدث بكل مصداقيه ومناقشة كل ماهو مفيد حتى يستفيد المواطن من وقفتكم معه فى كل قضاياه وبذلك تكون قد ادت الصحافه ما عليها من مسؤليه امام الله والوطن 5

        الرد
      22. 22

        عندك تضخم شديد في ال (أنا). حاول قابل أخصائي نسية و عصبية.

        الرد
      23. 23

        اذا لم تكن تكتب للقراء فلمن تكتب ؟؟؟؟؟؟
        ليس بالضرورة ان تكتب ما نريد لكن يجب ان بحس القارئ ان الطرح جيد ويلامس قضاياه ويعكس رايه , والا الاجدر بك ان تكتب في دولة تانية
        اما كلامك ان بعض الزملاء يكتبون من وراء اسماء وهميه فهذا يوجد فقط في مخيلتك المريضة ويكفى رد امل هبانى حين القمتك جحرا يا ( فطبوع ) وتأكد تماما ان الذين تتحدث عنهم من الصحفيين لا يقرا احد منهم مقالاتك التافهة , نحن فقط رواد موقع النيليين اللذين نقرا مطريين عندما تطل علينا بصورتك العجيبة المستفزة

        الرد
      24. 24

        [B][FONT=Arial][B][SIZE=4]يا اخوانا الهندي ده انتوا ماعافين قصتوا ده واحد من انصاف السودانيين الذين قدموا للسودان في اواخر الستينات والسبعينات قدموا للسودان يتحدثون بلكنه مصريه الي ان انعدل لسانهم ولكن ولاؤهم لمصر لااستبعد ان يكون هؤلاء عملاء للمخابرات المصريه ويعملون لحسابها وهذا الهندي يستحيل ان يكون ولاؤه للسودان.[/SIZE][/B][/FONT][/B]

        الرد
      25. 25

        يا حليل الصحافه — عبد الرحمن مختار —- مصطفى ابوشرف —- اما هذا الهندى عار على الصحافه – – مت بغيظك —-

        الرد
      26. 26

        يا هندى , ماذا تفعل الفلوس للشخص اذا كان يزداد وضاعة كل يوم. شخص تزيد فلوسه لكنه يظل حقير, وهو فى نظر الناس حقير وقريبا سيكون حقير حتى فى نظر اولاده. صحيح ان الطيور على اشكالها تقع والمتعفن لا يحب الا حيث يوجد العفن. لا تتحدث عن الله, فمن يؤيد خوارج قتلوا الابرياء بالالاف فى الميادين وزوروا ولفقو وافسدوا القضاء وعاثوا ظلما وفسادا فى الارض , مثل هذا لايعرف الله. واسال الله الذى لا يرد دعوة مظلوم ان يكون مصيرك مثلهم فى الدنيا والاخرة

        الرد
      27. 27

        فلتهناء باسيادك الجدد ( اولاد بمبة الرقعوا اللمبة ) ونحن ايضا لانهتم لأى رقيع وضيع ويكفى انك اضحيت منبوذا ممقوتا من كل الشعب السودانى الاصيل وخلى اولاد بمبة ينفعوك .

        الرد
      28. 28

        دا زول عنده نفسيات وحب العظمه ما تشتغلوا بيهو .

        الرد
      29. 29

        [B]وقسماً لم أكمل موضوعك … ولكن الخونة أمثالك يجب أن يقتلوا

        ويصلبوا بتهمة خيانة الوطن !

        أمثالك يا قذر هم من يضيعون الأوطان !

        [/B]

        الرد
      30. 30

        اكثر ما يثلج الصدر انني و من خلال متابعاتي للتعليقات لموضوعين لم اجد و لا تعليق واحد الى جانب هذا الهندي حتى فى هذا الموقع الذي يعتبر هواه حكومى كما الهندي – سؤال بسيط اتمنى ان يجيب غليه هذا الهندي كيف عرفت بالاخطاء الاملائية و النحوية اذا لم تقرا هذه التعليقات – الشئ الاخر ان معظم المعلقين يكتبون اراءهم دون الالتفات للمسائل اللغوية لان الغرض هنا توصيل الفكرة و ليس امتحان لغة عربية – الشئ الاخير ان هذه التغليقات ونسة عادية ليس بالضرورة ان نرااجع النحو و الصرف و الاملاء

        الرد
      31. 31

        كلكم فارغين صحافيين ومرتادي صفحات ومن تسموا باسماء فارغة . بلد منكوبة ومضروبة في ركبها ونحن نتهاتر ونتفاصح ونشتم بعض قوموا لفوا بس.. صدق من سمانا اكسل العالم سويتوا شنو للبلد ولا قدمتوا شنو عشان كل واحد يجي ويوجع راسنا بالديمقراطية والحقوق اولا كدى خلونا نفتش وين اكلنا وين شرابنا ووين جنيهنا ونمرق من ذلة العالم لينا وبعدينا تعالوا اتناكفوا ولا … ونحن نتفرج….
        الصين اهلها قفلوها قرون لا يدخل احد ولا يطلع احد ولا فكر يدخل وعصروهم شغل وبس وعصروهم مافي كلام في السياسة ولا في غياب من الشغل لم بقوا اكبر قوة اقتصادية في العالم وبدون محاولة نشر فكر سياسي او دخل في امور سياسية لا تفيد البلد ..ونحن عايزين نبقى اسياد العالم وماعارفين ناكل وبلد بين اكبر نهرين في العالم وعطشانة وشوارعها بنية ويستوردوا فواكهةومنتجات زراعية وقمح
        انتوا مفلسين وجعانين ومرضانين والواحد راقد تحت البطانية من الملاريا ويادوب صوته يتسمع تلاقيه يقول الديمقراطية والحقوق وماعارف ايه,, يوصف في الباقين بافظع واشنع الالفاظ يا اخي جاتكم بلاوي لم تلمكم
        والله العظيم السودان دا لو سمعوا راي ناجروا لناس يجوا يشتغلوا وياكلونا ونحن نقعد من ضل لضل نناقش في السياسة والكورة ونقرا الجرايد من 8 لعشرة صباح ونتحاجج من هوالصاح ومن هوالغلط ..
        وباقي النهار نعدي سمسرة في العربات ولا الاراضي ولا ونسة في اشاعات دا كل هم الشعب السودان .شغل لا تستفيد منه الدولة باي شيء
        ولا واحد فيكم بيدخل للدولة قرش تستفيد منه وشايلين سكاكينكم تقطعوا فيها وفي بعض ..
        اقترحوا وتعالوا نبيعه ونقسمه وكل زول حر في حقه . ولا كمان تعالوا نتفق ناجروا للراجحي وصالح كامل والعليان وراسمالية الخليج يجيبوا عمالة من باكستان ولا الريف الاحمر ويسوا بلد وبعدين يطلعوا
        تقدروا تقولوا لي فرقنا شنو من باكستان ولا اي دولة في اسياء ولا المغرب العربي وليه مايكون لينا سمعة وقيمة زيهم ليه مانكون على الاقل زي بنغلاديش البتنهكم على عمالهم .البيشتغلوا اي شيء وباقل شيء بس يشتغل .. وليه ما نبقى زي تونس فرقهم شنو مننا شايفين تونسي مغترب .. وليه ماتبقوا زي لبنان بلد كله قدر ولاية الخرطوم وياكلوكم تفاح وعنب .. يا اخي اذا جوهم بينتجها نحن برضو جونا بينتج المناسب الماعندهم عملنا شنو فيه ..زرعنا التمر سويناه عرقي زرعنا الذرة سويناه مريسة .. زرعنا القمح كان تقاوي فاسدة زرعنا القطن اهملناه لم راح زرعنا السمسم خليناه لم بقت حبته اسوأ حبة .. زرعنا دوار الشمس فرضنا ضرائب طفتشت المستثمر ..
        انتوا عايزن ليكم مصلحة بلد ولا عارفين ليكم مصلحة بلد وين ؟؟.. بلد بقى سكانه كم طاشر مليون ولا عشرين مليون فيهم 15 مليون سياسي وفيهم 10 ملايين كاتب صحفي وفيهم 10 ملايين لاعبين كورة والعشرين كلهم سماسرة في العربات ..
        الشرطة تتحصل اموال بايصالات مطبوعة في مكاتبهم ويقول ليك امشي اشتكي .. يا اخي جبتوا لينا الضغط والسكري ..
        خلوا الكلام الكتير الما منه فايدة وشوفوا انتاجكم

        الرد
      32. 32

        طلعت هندى بصحيح المغشوش على نفسه .. هل هدا اسلوب صحفى يحترم نفسه ؟
        يا خى ده اسلوب رخيص لا يليق حتى بى داعرات شارع الهرم الدين تدافع عن
        احتلال دولتهم لجزء عزيز من الوطن..
        وكما وصفت صحف ووكالات وفضائيات “مصر” أم الدنيا لا شغل لها ولا مشغلة غير كتابات صاحب هذا القلم. لأنها علمت خسة ووضاعة ما تكتبه فى حق وطنك الدى لا تستحق ان تحمل جنسيته ، وهدا يدل على جهلك و حبك للظهور و التطبيل لك حتى ولو كان الثمن خيانتك للوطن ..ولك يوم ايها الهندى المرتزق
        و امثالك لا يستحقون الرد ولكن يستحقوق الشنق فليس بعد خيانة الوطن جريمة.

        الرد
      33. 33

        للاسف يا استاذ هندى حتى هذا الرد لا يستحقونه لانك بذلك احسستهم بانهم مهمين وما هم بذلك همس الإيمان كما وصفتهم الا صعاليك وسفهاء اتاحت من لهم التكنولوجيا الحديثة لندشر غسيلهم القذر وما يضيرنا لو كتب احدهم معارضنا بادب لنحترم رايه سر يا عزيزى فالكلاب ستنبح وتنبح لكنها لا تملك اسنانا لتعضك

        الرد
      34. 34

        اثبت اليوم بما لا يدع مجالا للشك انك ممن يرقصون حسب الايقاع بل انت عازف الطبله شخصيا الست انت من قال في انقلاب السيسي ما لم يقل مالك في الخمر وها انت اليوم تطبل للمصريين لمدحهم شخصك المريض بجنون العظمه وما تلك الا مرحله يتسلق بها المصريين علي اكتاف المنبطحين من امثالك حتي ينالوا ماربهم القذره وستريك الايام ما كان عنك خافي وبخس ثمن ارضاء عظمتك بي غالي التراب من وطنك وربي ان الصحفي الحر هو من يملك المبادي ولايتزحزح عنها قيد انمله وانت ابعد ما يكون من ذلك بي متابعتي لكتاباتك
        وحلايب سودانيه رغم انفك وانف المصريين وسد النهضه قائم ان ابيتم ام رضيتم ولا نامت اعين الجبناء

        الرد
      35. 35

        ايها الهندي انا كنت من اشد المعجبين بك وبتحليلاتك، وعندما صار الخلاف بينك وبين الاخ العزيز مزمل ابوالقاسم استغرب جدا فانت ومزمل لكم مكانة عندي مزمل من ايميز الصحفيين السودانيين لاني عملت معه ورجل حقاني بجد. بالرغم من كدا لا وقفت معاك لا مع مزمل. لكن بعد مقالك الشهير مصر خط أحمر تاكد لي ان مزمل على حق بجد.

        الرد
      36. 36

        اشتغل بك اعلام مصر لانك خائن لوطنك وبعت قلمك وتسب فى الاراء التى تشترى صحيفتك وتقرائهاوهذه الاصوات التى لاتريد ان تلتفت لها هى التى صنعتك وهى باذن الله سوف ترجعك الى الحضيض وخلى قروش المصريين تنفعك بعد اليوم دع المصريين بشتروا صحيفتك ويقرؤوها

        الرد
      37. 37

        كل يوم تزداد قناعتي بأن هذا الهندي مصاب بذهان العظمة الزائفة (بارانويا) نسأل الله له الشفاء والتعافي منه .

        الرد
      38. 38

        لما كانت صحف ووكالات وفضائيات “مصر” أم الدنيا لا شغل لها ولا مشغلة غير كتابات صاحب هذا القلم.
        الا تعلم ان هذه الصحف التي ذكرتها ومجدتها هم يعتمدون علي الكذب في اعلامهم ان كنت لا تعلم فهذه مصيبة ثانيا لماذا قمت بزيارة مصر مباشرة بعد عمودك المشبوه عارف لو عمليتك دي عملها مصري كان وجهو ليهو تهمه الخيانة والتخابر

        الرد
      39. 39

        لماذا تهاجمون الهندي بهذه الشراسة ؟؟؟؟؟؟ الا تعلمون انه مريض ؟؟؟؟
        وليس على المريض حرج . الواجب ان تقوموا بعلاجه . الا تعلمون انه يتهاوش ليل نهار مع من حوله ؟؟؟ حتى افراد اسرته يشتكون منه . طبعاً هو لا يعترف بأنه مريض وهذه هي طبيعة من يتعرض لهذا النوع من المرض . نحن مسلمون وواجبنا علاجه . ولكن السؤال المطروح من هو المريض الذي يقف خلف هذا المعتوه ؟؟؟؟؟؟؟؟؟؟؟؟؟

        الرد
      40. 40

        عندك حساب في الفيسبوك وتم إختراقه رأيك شنو؟ وكضااااااااااب قاعد تقرأ التعليقات في كل المواقع وحتقرأ التعليق ده، ولو ما بتقرا التعليقات دي ما كان كتبت كتابتك دي كلها عشان واحد قال ليك….

        يعني الناس دي كلها رأت إنو وجهت نظرك دي خطأ وإنت بس شايف نفسك على صواب

        الرد
      41. 41

        يا هندي ينقصك التعليم الذي يجعل الكاتب ناضجا ويعطيه الوعي .انت كاتب
        ينقصك النضج. في كثير من الاحيان تبدو فجا .بخصوص المصريين ساروي لك هذه
        الحكاية في احدي معارك نابليون مع بعض اعداءه عثر علي من له استعداد
        للتعاون معه وافشاء اسرار وطنه مقابل المال وبعد انتهاء
        المعركه وانتصار نابليون جاءه الجاسوس لقبض المال فرمي له نابليون بصرة
        تحتوي علي النقود فالتقطها الجاسوس وطلب تقبيل يد نابليون فرفض نابليون
        ذلك قائلا ان يده اكرم من يقبلها خائن لوطنه . تري هل سيقبل المصريين
        ان تقبل يدهم. ياهندي قد خاب من يقف ضد وطنه . ولايفعل ذلك الا خائب.

        الرد
      42. 42

        ايها البالون المنتفخ ايها المغرور دون اسباب ان المغرور كالذي يقف علي قمة جبل يري الناس صغارا ويرونه صغيرا لا تفرح ان وصفك كتاب مصر بالمفكر فهم يطبقون فيك المثل المصري لو عندك عند الكلب حاجة قولو يا سيدي انك مريض تحتاج لعلاج وانت مثير للشفقه

        الرد
      43. 43

        لو كنت ما شغال بيهم وبتكتب خلال أسبوع ثلاثة مقالات عنهم .. طيب لو أشتغلت بيهم كان عملت شنو ؟؟
        بعدين إنت بتكتب لمنو طيب ؟؟ .. ماهي دي عينة من القراء أجمعت تماما على رأي واحد فيك .. أين هي الفئة الراضية عن كتاباتك ؟؟
        اما إشادات المصريين بك فببساطة هم يعتبرونك ((مغفل نافع)) لترويج أفكارهم وعندما تتحقق أهدافهم سيتم رميك في أقرب مكب نفايات مع أعمدتك التملقية السطحية ..

        الرد
      44. 44

        [FONT=Arial][B][SIZE=5]تعجبنى يا أستاذ الهندى عز الدين , رغم أننى لا أوافقك الرأى فى إنحيازك لجانب الفراعنة على حساب بلدك , إلا أننى معجب بقلمك اللامع وإنت زول كتّاب تعرف تغيظ وتستفز القراء تمام , موضوعاتك التى تكتبها فى صحيفتك المجهر السياسى يقرأها عدد مقدر من السودانيين والأجانب داخل السودان وخارجه وينقلونها الى مواقعهم , والدليل على ذلك حجم التعليقات التى تكتب بخصوص موضوعاتك المثيرة للجدل , يكاد لا يخلو منتدى أو موقع سودانى من ذكر سيرة الهندى عز الدين , هم معجبين بكتاباتك ويبدأون بها يومهم , يتركون لب الموضوع ويكتبون عن شخص الهندى عز الدين , لم يذكر واحد منهم عن موقف أو موضوع إيجابى تطرقت له , مع أنك والشهادة لله كتبت عدة موضوعات جميلة تهم المواطن السودانى بشجاعة تحسد عليها و كنت تكتب بأسلوب حار ضد الحكومة , حتى يخيل الينا أنك ستدخل السجن بسبب ذلك الموضوع …..

        كثير من السودانيين رأيهم أبعد من رأى الهندى عز الدين فى العلاقة مع مصر ويقولون أن مصر والسودان دولة واحدة , وهنالك حزب سودانى
        شهير يدعوا جهاراً نهاراً للوحدة بين السودان ومصر منذ خمسينات القرن الماضى وحتى اليوم , ولم ينتقدهم القراء ولا الشعب كما انتقدوا الهندى عز الدين , هل ذلك هو الحسد , أم هم أعداء النجاح الذين لا يعجبهم العجب ولا الصيام فى رجب …

        هذا يذكرنى أيضاً ببرنامج تلفزيونى شهير يشاهده 99% من السودانيين فى الداخل والخارج (مع حسين خوجلى) , لكنهم لم يكتبوا عنه يوماً حديث إيجابى إنما كله نقد شخصى لمقدم البرنامج وتصنيفه على أنه (كوز كبير) ويدفع له النظام ليقول ذلك الكلام – ما يقوله حسين خوجلى فى برنامجه هو ما يتكلم عنه الناس فى الشارع فى الأماكن العامة فى البيوت فى كل مكان فقام بعرض هذا الكلام على الشاشة لتسمعه الحكومة , لأن كثير من المسئولين لا يصلهم حديث الشارع إنما يقيمون الوضع على حسب التقارير التى يتلقونها من مستشاريهم , فكان من الواجب أن نشجع مثل هذه البرامج لا أن ننتقدها دون مبرر لأنها تكشف كثير من الخفايا للمسئولين وهى أفضل من البرامج الغنائية التى لا حصر لها ….

        دعونا نترك الحسد , ونقول لمن أحسن أحسنت ولمن أساء أسأت دون تجريح أو إهانة لشخصه ….. وندعو الصحفيين الى تجنب إثارة واستفزاز القراء وهذا لا يعنى أن تكتب ما يعجب القراء , بل تكتب ما يمليه عليك ضميرك وواجبك الوطنى والمهنى ,,, سودان فوق فوق فوق …[/SIZE][/B][/FONT]

        الرد
      45. 45

        سلام للجميع اولا يا هندى كنت احترامك واقدرك كل التقدير ولكن تفاجئتة بمقالك مصر خط احمر وهنا استغرب مدحك لمصر الا تدرى ايها هندي ان مصر العدو الاول للسودان من اسرائيل الا تدرى ان مصر كانت دوما تعمل ضد مصالح السودان الا تدرى ان اطماع مصر فى السودان لا حدود لهالم يكتفوا بتغريق وادى حلفاتلك المدنية الاثرية العظمية كانت تحتوى على مليون نخله و200 الف فدان و 27 قرية وتشريد50 الف نسمة بتامر من بعض الخونة السودانيين بقيادة عبود وطلعت فريد هؤلا الخونة الى جنهم وبئس المصير انشاءالله الا تدرى ان مصريين يحتلون جزء من ارضنا الحبيبة وهى حلايب لم لا تتحدث عن احتلال حلايب ولنا بقية

        الرد
      46. 46

        سوال إلى إدارة الموقع الا يوجد صحفي آخر يمكن نشر مقالاته غير هذا المتصوحف الهندى يمكن أن تقوموا باستفتاء بسيط لمعرفة رأي القراء في مقالات هذا الهندى او على أقل تقدير غيروا شويه وهو نفسه يقول انه لا يرتاد المواقع الالكترونية فكونا من هذا المفكر الهندى

        الرد
      47. 47

        سوال إلى إدارة الموقع الا يوجد صحفي آخر يمكن نشر مقالاته غير هذا المتصوحف الهندى يمكن أن تقوموا باستفتاء بسيط لمعرفة رأي القراء في مقالات هذا الهندى او على أقل تقدير غيروا شويه وهو نفسه يقول انه لا يرتاد المواقع الالكترونية فكونا من هذا المفكر الهندى

        الرد
      48. 48

        الهندي المصري ده ما عندو موضوع ، والاخوه السودانيين المعلقين ايضاَ ماعندهم موضوع .
        السبب :
        1 / الهندي بيشكر و ينفخ في نفسو ويلمع في صورتو على حساب القارئ الاهبل اللي بيشتري الجريده بتاعتو .
        2 / الاخوه المعلقين عاملين ليه اهميه و ردوا عليه و ماخدين الموضوع باهميه كبيره وهم ما عارفين ان ده هو اللي الهندي عايزو عشان يشعر بالاهميه و يرفع اسهمو .
        الحاجه المزعلاني شديييييييييييد اني قبل موضوع حلايب كنت بحترم الهندي و كتاباتو لكن طلع فالصو .

        الرد
      49. 49

        يا ناس النيلين فكونا من هذا المفكر الهندى انتوا ما عندكم صحفى ثانى ولو كنتم فاكرين انو الناس مبسوطة من مقالاته اعملوا استفتاء بسيط لمعرفة رأي القراء في مقالات هذا الهندى

        الرد
      50. 50

        (} عندما أكتب رأياً تبلور في (مركز) قناعاتي، فإنني لا أهتم كثيراً، ولا أبالي لردود الأفعال، سلبية كانت أم ايجابية. هذه هي طريقتي في الحياة، وسياستي في (التحرير). )
        لوكان عندك ذرة من الفهم كنت قلت كلام عكس كدا….لكن أحجام البغال وأحلام العصافير….
        الملفت للنظر أن هذا الهندي (مع الاعتذار للهنود) يحب الظهور ويحب اهتمام الناس له بشدة وهوس شديدين يرقيا لدرجة المرض..
        والدليل ركوب هذا (القليص) أول طائرة وجدها أمامه الى القاهرة بعد أن وصفه أحد النكرات بالمفكر… والمضحك في الأمر أنه يدافع عن وصف النكرات له بالمفكر ولم يظهر حتى أي نوع من التواضع، ومادرى المسكين الحيران أن الألقاب لا تضيف للأنسان شيء بقدر ما تنتقص من قدره….
        وياااااا مفك….كرررر بعيد…

        الرد
      51. 51

        انت ياهندي سراب يحسبه الظمآن بعد طول سفر ماء
        او كأسد من بعيد فان اتيته وجدته ذئباً قداهلكه العواء
        أو ‘ابوفانوس’ تتبع نوره طائعا فيلقى بك في ارض خلاء
        او نعامة تخفي رأسها في سذاجةٍ وجسدها مكشوف في العراء
        فيا هندى أعلم ان من يدّعى العلم يُظهر ما يخفى من غباء
        تمجد نافع وتمدح سيسي مصر وانت وشيخكفي الخبث ســـــواء

        الرد
      52. 52

        [SIZE=6][B]انت لا تكتب مايطلبه المستمعون ولكن تكتب مايطلبعه الدافعون[/B] [/SIZE]

        الرد
      53. 53

        بالله انت طلعت صحفي كيف
        قال مابقرا لي صعاليق الانترنت حاجة
        طيب يامفكر كدي فكر معاي شوية علي قول اصحابك منين عرفت انهم صعاليق
        يالهوي ي لهوي جاتك نيلة انت واللي خلاك تبقي صحفي
        [B]الواد دا اهبل ي جدعان سيبوه في حالة [/B]

        الرد
      54. 54

        [SIZE=4]بسم الله جل ثناه وزادت عظمته

        قال تعالي في عباد الرحمن { وَعِبَادُ الرَّحْمَنِ الَّذِينَ يَمْشُونَ عَلَى الْأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلَامًا (63) } (الفرقان)

        أعرض عن الجاهل السفيه ** فكل ما قاله فهــــو فيه
        فلا يضر نهر الفرات يوما **إذا خاض بعض الكلاب فيه

        لن اقول لك الاخ الهندي فصفة الاخوة لا اتشرف بان تكون اخا لي ودعني اخاطبك بالمتسلق الهندي لانك بالفعل تسلقت علي كرامة شعب ووطن لتصل الي ما ذكرته وهو كلمة مفكر سوداني ويتردد اسمك في برامج القنوات المصريه لتجد ما تردح به في مسلسلات الردح الليلي المتواصل وهذا ان كان ذكاء منك للوصول لشهرة في الوطن العربي بعد ان تسلقت علي اكتاف الكثير في مجال الصحف لتصعد علي هرم الصحافة السودانية ولانك منذ طفولتك كنت بين اقرانك نكرة فاستعملت كل ما هو قذر ليعرفك الناس . لا والف لا يا متسلق فيجب ان تعلم لكلمة مفكر التي اطلقها عليك اعلام مصر لا تطلق جزافا بل لها حقوق وواجبات ولا استغرب من اطلاق كلمة مفكر من قبل الاعلام المصري فنحن نعرف انها امة ضحكت من جهلها الامم ومن جهلها اطلقت علي الفاقد كلمة مفكر .
        المفكر السوي هو الشخص الذي يعمل العقل ليأتي بجديد ليحل مشكلة خاصة أوعامة مستخدما طريقة عصف الذهن (بالإنجليزية: Brain Storming) وهي درجة من درجات الإلهام والمفكرون أصحاب الفكر النافع للبشرية ومشتقات كلمة فكرة وتفكير وفكر ومفكر وأفكار وتقابل أيديا ومنها ايدولوجي تعني الفكر المثالي وقديم قيل أنا أفكر إذا انا موجود والمفكر يعمل العقل ليحل مشكلة فهل اتيت بحل للمشكلة يرضي مصر وقبلها شعبك ام ارضيت اعلام الردح المصري .
        ويجب ان تعلم انا لست اعلاميا متخفي انا طبيب اعمل في المملكة العربية السعوديه .
        نحن لسنا صعاليك اون لاين بل نحن من تكتبون لاجلهم لنقرأ ونستفيد ونعرف ما يدور حولنا نعيش في غربة اجبرتنا عليها بعض ظروف المعيشة هاجرنا واصبحنا نتلقف كل خبر من بلدنا الحبيب واساء الينا مقالك الاول وابتلعنا مرارته لانه اتي من سوداني ولم نرد عسي ولعل يعود لرشده ولكن يبدو ان حب المصلحة قد ختم علي قلبك فامتهنت قلمك لمصلحتك ولمن يدفع لك فاذهب انت واعلام مصر للجحيم فحلايب سودانيه . ولدي سؤال ارجوا الاجابة عليه ماذا قدمت مصر للسودان منذ خلق البشريه ماذا قدمت تلك الدوله التي احتلتها كل دول العالم وحضاراتها السابقة ارجع لكتبهم واسألهم انهم ذكروا في كتبهم انهم احتلوا السودان فكيف تحتل دوله اخري وهي في الاصل محتله اسالهم لماذا تغفل كتبهم عن ذكر بعانخي اسأل وعندما تعرف الاجابة استفتي قلبك.[/SIZE]

        الرد
      55. 55

        تعرف لغة الاسفاف والسوقه والرجرجه والدهماء التي كتبت بها المقال ده هي اكبر دليل علي تاثير تعليقات مناضلي الكي بورد- كما قال سيدك نافع وانت قاعد زي الببغاء تردد- فيك. يا اخي من تواض لله رفعه واذا كنت حقيقه صحفي ومفكر زي ما قلتو لما تعالمت مع النقد بهذه الطريقه وزي ما بيقولو ناس الكوره خلي روحك س… قال صعاليك اون لاين هسع عليك الله دي لغه تخلي الناس الفرحان باشادتهم يقروها طيب يا فالح بالطريقه دي حيغيروا رايهم فيك. اعلم هذاك الله ان من بين مناضلي الكي بورد من يحمل شهادات لا تستطيع ان تحملها علي ظهرك خليك من تحملها في مخك الزي القرعه ده قال صحفي ومفكر قال جاك الغم.

        الرد
      56. 56

        أصلك إنت شبه المصارنه وهم أحسن منك كمان ، ومجدوك وكبروا راسك وقالوا عنك مفكر ((خلاص يا الطيب عبد الله كتبك ماليه المكتبات)) ، إنت راجل سليط اللسان وبتفتكر إنو الصحافة شتم وإساءه وتنكيل بمن يعارضك ، لسانك يتبرأ منك كما يتبرأ( السودان ) من أمثالك. وحكاية إنك ما بتقرأ ما يكتب عنك ما بتنطلي علينا.

        الرد
      57. 57

        صلة الرحم تدل على الأيمان بالله واليوم الآخر: عن أبي هريرة قال قال صلى الله عليه وسلم : ((من كان يؤمن بالله واليوم الآخر فليصل رحمه)) رواه البخاري (6138) .

        الرد
      58. 58

        [SIZE=5]اولا يا اهل الخير العنوا الشيطان طول بالك وسع صدرك يا استاذ الهندي انت كتبت مقالين فقط هم سبب هذا الجدل انت صحفي وتعرف كيف ينشر الخبر وتاثيره نفس الخبر وربما تم تلميعه من الذين مدحتهم وقلت خط احمر وواقع يجب التعامل معه هذه الصحف والقنوات ذات المصادر الماليه الضخمه شرق اوسط بي بي سي . عربيه . حره . كل هذه الجهات لا تقدم خبر واحد لمصلحة السودان لانني اظن وظن صائب هنالك لوبي عربي توجهه الاعلامي واضح . مع كامل احترامي لك استاذ الهندي لو تزعل ما تزعل لا نقبل مقال بهذا العنوان من اي صحفي سوداني اخر لان الصحفيين المصريين بشتمونا وانتم تمدحوهم هذا عيب في حق الوطن ومن قديم الزمان ارجعوا وراجعوا الاحداث .[/SIZE]

        الرد
      59. 59

        أسوأشيئ في هذا الموقع هو هذا الهندي ….

        الرد
      60. 60

        اذا كنت صحفي فيجب ان يتسع صدرك للنقد لكن يبدو انك مازلت متحصل نفايات والله دي جايه فيهو ولا رايكم شنو ؟

        الرد
      61. 61

        نحن ما بنعرف الثاني والثالث لكن وهذه حقيقة لا يتجادل حولها إثنان إنت ياهندي أكثر واحد مصلحجي وكثار ثلج وطبال كبير شديد ” خاصة للمتنفذين الإنقاذيين وهذا أكيد خوفا على مصالحك الشخصية حتى لا يصيب جرديدتك مكروه “توقف عن الصدور” وأيضا لم أرى سوداني يطبل للنظام المصري على مر التاريخ غيرك ياهنيدي ؟

        الرد
      62. 62

        ده فاكر الناس كلهم فاطمه الصادق
        صحي النوم
        و اعلم حالك

        الرد
      63. 63

        أنت تقدم مايطلبه المسؤلون….مبسوط ياسيدى

        الرد
      64. 64

        هذا الكلام الاستفزازى من المدعو الهندى عز الدين الذى فى غفلة من الزمن أصبح يكتب فى الصحافة وماهى أصلا المؤهلات التى تجعلك تعمل فى الصحافة ماهو اصلا تعليمك ليس عندك سوى الثانوى العالى يعنى فاشل فى التعليم واحد مثلك يقول علينا صعاليك أون لاين أنا أفتخربذلك وأنا حاليا أحضر لمناقشة الدكتوراة وسوف أكون صعلوك أون لاين معة دكتوراة ومعى أحترامى وتقديرى وأعزازى بكل الصعاليك أون لاين أنت ماذا عندك لاشئ هل الصحافة السودانية أصبحت عاجزة أن أمثالك الارزاقية يعملون فى الصحافة نحن فى زمن العاجائب على رأى المثل يجعل الاعمى ساعاتى ماهذا الدفاع عن المصريين لان هم فعلا أسيادك سوف أقول لك شئ لقد مرت الذكرى الثامنة على أستشهاد السودانين أمام مقر اللاجئين فى ميدان مصطفى محمود فى المهندسين القاهرة على يد الشرطة المصرية القذرة لماذا لم تكتب لان عميل المصريين لايهمة دماء السودانيين وبعدين هل أنت صدقت نفسك أنك مفكر ماهذة المهزلة التفخيم عند المصريين عادى لان هذا شعب تعود على الذل علشان كدة عندهم الباشا والبية عادى وعلى فكرة المصريين فى لحظة يطلعون بك سابع سما وفى لحظة ينزلون بك سابع أرض وأنت تمدح فى أسيادك المصريين لم تفكر أن هؤلاء يحتلون أرضك حلايب ويتم أهانة الشعب السودانى فى أفلامهم ومسلسلاتهم طبعا فى سبيل العمالة لايهمك الشعب السودانى فى شئ الواحد زعلان أن ضيعت وقتى فى التعليق على أمثالك ولكن تأكد سوف يأتى الوقت الذى يتم تطهير الصحافة والاعلام من أمثالكم العملاء فى نهاية سوف أقول لك لماذا لاتذهب تعيش عند أسيادك المصريين ونداء الى صعاليك اون لاين بارك اللة فيكم ونحن على الطريق الى أن يتم تطهير الصحافة والاعلام من هؤلاء العملاء

        الرد
      65. 65

        لا انت تقدم ما يطلبه المصريون
        خليهم ادوك حلبية

        الرد
      66. 66

        [B][SIZE=6]الهندي هذه سقطة مشينة أفقدتك قدراً كبيراً من القراء بل وأفقدتك هويتك ومصداقيتك وقد ضللت الطريق تماماً …إذ كيف يدافع صحفي من المفترض أنه يناضل في سبيل الحرية وصدق الكلمة عن نظام عسكري قام على آلاف الجثث ….كيف سمحت لك نفسك بالإشادة بالاستفتاء المزور ووصفه بأنه كان سلساً ومريحاً وقد استشهد خلاله أكثر من (14) مصري وجرح عدد لا حصر له ….كيف تدافع عن نظام قضائي يحكم على طالبات لم يتجاون الثامنة عشر ربيعاً بأكثر من عشر سنوات سجناً …لأنهن خرجن في مظاهرة سلمية للتعبير عن آرائهن….هذا الهندي لم يعد يملك أي مقومة من مقومات الصحفي الشريف…لذلك يتعين فصله من هذه المهنة التي أصبحت مهنة من لا مهنة له ….ما كتبنه اليوم هو عبارة عن ردحي مصريات ….وقد أعادنا العسكر المصريون إلى ستينات القرن الماضي بنتائج ما فوق التسعين في الانتخابات….خسئت أيها القزم ….كم قبضت مقابل هذا الردحي المشين …لقد أصبحت عاراً على كل سوداني [/SIZE][/B]

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.

    سودافاكس