[JUSTIFY]دفعت عروس شابة بعريضة إلى قاضي المحكمة الشرعية بالخرطوم بحري تطلب الطلاق من زوجها بعد أسبوعين من الزفاف بدعوى أنه يكذب عبر محادثاته الهاتفية بجانب عدم التزامه بفريضة الصلاة ، وأفادت العروس في الدعوى التي قدمتها عبر محام بأنها تزوجت قبل أسبوعين لكنها اكتشفت مساوئ الزوج عندما قضيا الفترة داخل الشقة ووجدت خصالا لا تحبها منها تعمد زوجها الكذب الكثير عبر الهاتف وكذلك عدم أدائه للصلاة طيلة أقامتها سويا وأكدت عدم رغبتها في استمرار الحياة الزوجية بينهما لتقوم المحكمة بإعلان زوج الشاكية للرد على الدعوى بشأن طلب الطلاق .صحيفة حكايات
ت.إ
[/JUSTIFY]
وانت يا المسكينه قايلة الأسباب ده بطلقك من زوجك … ده هو لسه مافشة غبينت الدفعو فيك …..ههههههههه
[FONT=Arial Black]
[SIZE=5]يا جماعة الخير
دخلوا الأجاويد
إنتو عارفين العريس دا منو
دا أخوكم حلو السجمان
خمستاشر يوم ما قدر
العروس طلبت الطلاق
أقنعوها
تديه فرصة تاني خمستاشر يوم
وكان ما قدر كمان بعد دا
عداها العيب[/SIZE]
[/FONT]
طيب قبل الزواج كان بيصلى ولا ماكان بيصلى. ليه اهلك ماسئله عنه وجابه أخباره. ولا الزمن بقى صعب العرس الأول وبعدين نشوف. إنشاء الله يتهدى على إيدك حاولى وأصبرى عليه مين عارف. ولازم تصلى الأستخارة : فعسى أن تكرهى شيئا وهو خير لكى.
لا خلاااااااااص يا انتي
ما يكذب ما اي زول بكذب
الرئيس بكذب
النائب بكذب
الوزير بكذب
الوالي بكذب
المحافظ بكذب
المعتمد بكذب
المدير بكذب
نحن برضو بنكذب
بس بنصلي
حبوبتي قالت أخدوهم بالصح وعيشوهم
بالكضب عاده سودانيه متوارثه،للأغلبيه وهذا
سبب دمارنا.
حبل الكذب قصير وين كنتي قبل الزواج مانططي عيونيك
من الأفضل النصح بدل الطلاق أصلا في أزمة في العرسان كان طلقك مابتعرسي بالهين
[SIZE=3]انتي شفتي كضب !! بس عشان جديدة ساكت، العالم دي كلها شايفة حاجات في بعض تجنن، بس ممشية أمورها، هسي الواحد تلقاهو قاعد في شقة ومتحمل عيوبها بس عشان الرحول صعب، ناهيك عن الرحول ن مرة / أو راجل، بس برضو كويس تتخارجي من بدري قبلي ما (تتدبسي) معاهو بي أطفال، لأنو واضح جدا انتو ما نافعين مع بعض.[/SIZE]