تفاصيل جديدة حول طرد القلعة لسائقها بسبب الكفتة
ما المبلغ الذي تدفعه إليك راتباً شهرياً؟ قال : مرتبي ( 500 ) جنيه.. ورغماً عن أنها بسيطة إلا أنني كنت قنوعاً بها لأسباب احتفظ بها لنفسي.
كيف تتعامل معكم في العادة؟ قال : بصراحة تعامل سيء فأقرب مثال علي ذلك أنها صرخت في وجهي في أكلي للكفته.
وأين تقيم مع الفنانة ندي القلعة في منزلها؟ قال : في باحة المنزل حيث أنها تمنعنا منعا باتاً من دخول الغرف.
هل تأكل وتشرب من راتبك الـ( 500 ) جنيه؟ قال : والله المبلغ الذي أخذه من ندي القلعة لا يكفيني فأنا أصرف منه علي وجباتي الثلاثة.
ما هي الكيفية التي عملت بها مع ندي القلعة؟ قال : أول مرة التقي فيها بندي كان ذلك في فندق ( هيلتون ).. فطلبت مني أن أعمل معها بشهادة عباس وكان أن استجبت لرغبتها.
ماذا كنت تعمل طوال السنوات الماضية؟ قال : سائقاً للعربة التي اقضي بها المشاوير الخاصة بها و أصطحب أبنائها إلي المدرسة وبالعكس كما أنني أسوق لها هي أيضا عندما يكون لديها حفل ثم أغسل العربة وأحرس منزلها في الخارج.. وهكذا علي مدي السنوات التي أشرت لها.
لماذا تبقي معها في المنزل ولا تذهب لأهلك بعد نهاية الدوام؟ قال : في بعض الأحيان أذهب إلي منزلنا في مدينة ام بدة وأسرتي تعرفها وزاروها في مرة من المرات وبالمقابل هي أيضاً زارتهم ذات مرة في أحدي الأعياد.
هل حدث أن جاملتكم في مناسبة خاصة بكم؟ قال : أبداً لم تفعل طوال فترة خدمتي معها.. مع أن تلك السنوات شهدت الكثير من المناسبات الفرايحية.. وأنا أصلاً لا أقدم لها رقاع الدعوات نهائياً لقناعاتي أنها لن تأتي.
وماذا حدث بعد كل هذه السنوات ؟ قال : آخر ما حدث هو أنه قبل شهر من تاريخه سافرت معها إلي الشقيقة تشاد.
مقاطعاً ما الذي جعلك تسافر معها وأنت سائق فماذا تفعل في أنجمينا؟ قال : شددت الرحال معها علي أساس أن (اعتل) لها الساون سستم الخاص بها ورافقتها في الحفلات التي غنتها في تشاد.
ما هي نوعية الحفلات التي غنتها ندي القلعة في تشاد؟ قال : حفلات تجارية.
مقاطعاً حفلات تجارية تشاد كلام غير صحيح فالحفل التجاري الوحيد أحياه الفنان ايمن دقله والفنانتين حنان بلوبلو ورشا هاشم؟ قال : ليست تجارية بالمفهوم الجماهيري.. فهي غنت في مناسبة زواج كنت احمل من خلالها الساون سستم كما أنني كنت أجمع لها ( النقطة ) في كل الحفلات التي غنتها هناك
وأين كانت وجهتكم الثانية بعد تشاد؟ قال : من هناك سافرنا مباشرة إلي أثيوبيا فالتذكرة كانت كونكشن تشاد.. أثيوبيا.. السودان.. وكان معنا في هذه الرحلة والدتها وشقيقتها (…. ) وابنها (…..) وأبنتها (…..) وفني الساون سستم ( بشارة ) و( الدرديري ).
وماذا؟ قال : في أديس أبابا قالت ندي القلعة أنها تعرضت لسرقة مبلغ مالي وأكدت أن السرقة تمت من حقيبتها داخل غرفتها الخاصة بها.. فما كان منها إلا وأحضرت لنا الشرطة الإثيوبية التي قامت بتبصيمنا جميعا بالأصابع وفي النهاية قالت إنها عرفت من الذي سرق المبلغ المالي.
وعلي ماذا أنتهت قضية السرقة؟ قال : ذهبت الشرطة دون أن تقتاد أحداً منا بعد أن تحدثت هي إليهم بعد البصمة.
وماذا بعد ذلك؟ قال : عدنا من أديس أبابا إلي الخرطوم حيث أنها من دون الأيام ( كوركت فيني كواريك شديدة ) .. قائلة : يا صلاح الخلاك تأكل أكلي شنو.
ما الذي أكلته من مطبخ الفنان ندي القلعة؟ قال : أكلت ( كفته ) غضبت علي أثرها غضب شديد وهي تقول أكلت أكلي ليه ودخلت مطبخي ليه.
سراج النعيم _ النيلين
[/JUSTIFY]
no ccomments .
[SIZE=7]ده شنو؟؟؟؟؟[/SIZE]
يكفتك ………….. اقول ليك شنو عاد
سراج شمااااارات
[SIZE=4]نواصل مع مسلسل الكفتة وتداعيتها
أبيات اليوم :
دي أشهر كفتة في التاريخ
أنا ماعلي
تقول لقاء قمة ..هلال مريخ
وأنا ماعلي
ياناس بقى الموضوع مسيييخ
أنا ماعلي
صراحة يا صلاح أنت زول لتيخ
أنا ماعلي
تاكل الكفتة ؟ وماتاكل تبيخ
أنا ماعلي
أو تاكلها خدرة وحلي ببتيخ
أنا ماعلي
عندك الويكة وممكن ملوحة ومالو الفسيخ
وأنا ماعلي
ياسراج : باللهِ في الحلقة الجاية مهم جدا أسأل صلاح كانت كفتة ناشفة ولابي دمعة ؟
[/SIZE]
ليه ياصلاح اكلت الكفته وليه دخلت مطبخها كان تنتظر الاكل يحضر لك ولها حق تمنعك من دخول الغرف دى حرمه برضو هل ترضاها لزوجتك يدخل عليها احد انت ما سودانى يازول مافى داعى تنشر بعد كل السنوات وتنسى فضلها عليك اتقى الله
و الله يا سراج النعيم ما عندك اي موضوع في ذمتك دي موضوع تكتبوا و ينشر انت والله تلعب على عقول الناس و كرهتنا موقع النيلين استحي على نفسك انت تسئ لنفسك بهذه الكتابات يا اخي بالله احترم نفسك و احترم القراء
يا ناس النيلين انتو بقت ما عندكم شغلة غير ندي ، وصلاح والكفتة التي بينهما ، عليك الله طلعونا من البقالة دي .
انصردينك ودالنعيم شماراتك تمام التمام ده الشغل ولابلاش كدي ياسراج شوف لينا صلاح ده اكل تاني شنو ممكن اكل جاجة تاني يلا سرعة
صلاح كفته ، ده احسن اسم يناسبك
تعتل الساوند وتلم النقطة ؟؟؟
اريتك راجل السجم
[FONT=Arial Black]
[SIZE=5][B]أمانة عليك
يا ود النعمة
وينا التفاصيل الجديدة في كلامك دا
ما ياهو نفس الكلام القريناه أمس
بي صمته
المحيرني
شنو الخلاك تقلب على ندوية كدا
ما لحدي قريب كنت بتكسر ليها في التلج
ولا خلاص فقدت الأمل
خلي الولية في حالها
ما توقف ليها سوقها[/B][/SIZE]
[/FONT]
يااااااااااا صلاح يا خوى…. الله ماااا شقه حنكاً نساه.
وانا متاكد انك رجل على مقدره من الاعمال وعلى الاقل كونك كنت سائق هى فى الحقيقه مهنه شريفه جدا جداوالدخل فيها عااااااالى جدا فى بعض الاحيان كما انها تسمح ببعض الاشغال الاخرى.
التحليل الشخصى لى انك اشتغلته مع الفنانه المدعوه ندى القلعه لانك حبيت القرب منها وانك سائق خاص ليها كان همك الوحيد لاصطحابه الشهره.
دخولك فى المطبخ لصالحها هو امير غير عادل والواضح كان من دون استئذان والشرع حرم ذلك والامر الثانى دخولك عليها وهى ليست من محارمك الدين نهانا عن ذلك.فلذلك وان كان الاسلوب (الطرد) بااااااااااايخ برضو انت غلطان شديد.
وبالوااااااااضح دى اخره الجرى وراء النسوان.
مقال سخيف وتافة
ده شنوووو داااا ؟؟؟؟
ياخي انا اشك انووو صلاح دا يمتلك ذرة من الرجولة بعد الكلام القريتو دا
الراجل دا مالو زالي نفسو كدا والله الحيجات البعملا دي خدامة ما بتعملة
وتاني شئ هي عندها حق بيتا وهي حرة
وبعدين انا مستغرب وين الصحافة الحرة النزيهة الواعية يعني دا اااخر ماتوصل اليه الصحفي نفهم شنو يعني خلااااااص الصحافة بقت بتاعت شمارات زي جبنة النسوان حاجة ماعندها قيمة امااااا
انتي ياسيد الايكون عندك ضغينة مع ندى دي
ياربي عندك حفلة ابت تعملة ليك ؟؟
كسرة …
اتمني من الصحافة ان ترتقي بالشعوب وتهتم بالعادات والتقاليد لا ان تكون مثل النساء في الجبنة
طيب يا صلاح كفته واحده واحده :
1 – مرتبك 500 ج في الزمن الصعب ده
2 – بتاكل منو التلات وجبات
3 – بتمشي لي اهلك مرات من نفس المرتب
4 – معاملتا معاكم سئيه وتمنعك من دخول الغرف
5 – بتغسل العربيه و تحرس البيت ( من بره)
6 – داير منها مرتب 8 شهور
7 – داير من ولدا 1000 ج
التحقيق :
1 – الجابرك شنو تشتغل بمرتب ضعيف زي ده و انت عندك التزامات و اسره و كمان بتاكل من جيبك ؟؟؟؟
2 – بتمنعك دخول الغرف الدخلك المطبخ شنو ؟؟؟؟؟
3 – ال 8 شهور الما صرفت فيها المرتب كنت بتتصرف من وين ؟؟؟؟
4 – ال 1000 ج طالبن الولد في شنو بالضبط ؟؟؟؟؟؟؟؟؟؟
5 – وكت انت عارف الوجبات التلاته عليك ماكل الكفته دي بالذات لييييه ؟؟؟
6 – ما هي الاسباب الخاصه التي تحتفظ بها لنفسك في تحملك لاساءاتها و العمل معها رغم انك متاكد من انها لن تتنازل و تلبي لك دعوة فرح .
[SIZE=7]7 – يا سراج النعيم بصراااااحه كده الزوله دي مالك مقبل عليها اليومين ديل ؟ الخروف اللي عملو منو الكفته ده قريبك . [/SIZE]
لو سمحتم ارفقوا صوره للكفته حتى تكتمل تفاهة الموضوع… وينفجر اخر شريان الواحد بقى مكنكش فيه
[SIZE=5]اشهر 3 حاجات في السودان كفتة ندي وثبة عمر وهوت دوك عمر برضو
اللهم لا تسلط علينا بذنوبنا من لا يخافك ولا يخشاك[/SIZE]
هي ندي القلعة كان عشتو كان دخل المطبخ … هو قاعد لي الساعه أتانين صباحا ما عشتو ولا أدتو قروش عشا وكمان ما بتديهو مرتبو بالشهور هو اصلو شنو ده . هو اصلو كلب ولا غنمايه ألرحمه كويسه برضو يا ندي .. والله يا ندي الا ربنا يعاقبك ويحوجك حق العيشة والرغيف في حياتك دي ، لي انت بتعاملي الناس كدي 22
[COLOR=#FF0008][SIZE=4]الناس بتكبر في الحكاية
القصة ما كفته
القصة انو المره دي انسرقت ، وفجاءة لقت صاحبنا بتاع الكفتة دا ياكل في اكل خاص
فبنت السرقة مع الكفتة وانوا الوصلوا للكفته امكن اصل لي اي حاجه
فكانت نتيجة الشك هي الطردت صاحبنا
يعني بتدخل في مناطق مامفروض تدخله وتاكل في اكل لا يخصل معناها يمكن تصل لي اي شيء ما بخصك
[/SIZE][/COLOR]
[SIZE=6]كفتتي ال مســــت غرورك وفرقتنا يااا حبيبي [/SIZE]
موضوع هايف وهابط لا يرقى ان ينشر فى الاعلام قالت دخلت مطبخى واكلت كفتتى دة شنو العبط والهبالة دة ربنا يرحم الاعلام والاعلامين
يا سراج الجحيم انت ماعندك غير الكتابه البلهاء دى شنوا كفته ندى وكوارع صلاح عليك الله طلعنا من مطعمكم ده
وين ناس الرقابة القبلية ؟ مفروض المواضيع الشخصية التي لا تخدم الشأن العام و التي تتناول الجوانب الشخصية للمشاهير تحظر من النشر و يتعتبر جريمة اخلاقية.
[SIZE=4]الأخ وائل ….تحية طيبة
ماذا تقول ؟رقابة شنو ؟!
أهو المشاهير ديل أكتر ناس يجب أن يكونوا تحت الرقابة في كل تحركاتهم وسكناتهم وأولها شؤونهم الخاصة ….عارف ليه ؟ لأنهم ممكن يكونوا قدوة الشباب حتى في الأمور السيئة
وبالعكس لما يلقوا رقابة صارمة بيمسكوا الدرب عديييل …لكن لو طلقوها ليهم عاثوا في الأرض فسادا
وموقف زي ده يخلي ليك ندى كل يوم تعمل كفتة وتقسمها للمساكين حتى تمحو ما حدث[/SIZE]
يإخوانا حقو الموضوع ده تعمله سيناريو قيلم ونسميه ,, نسميه أيوه.. أيوه
الكفته الملعونه .
بالله عليكم ده موضوع يأخذ حيز للشر لولا إفلاس الصحفي المعي بالموضوع … يأخي
الإعلام هو نبض الشارع ورأي المواطن المغلوب غلى أمره.
ما هذه السطحيه والإنحدار الصحفي .. هزلت والله هزلت .
زارتكم في منزلكم في امبده … وختلك تعيش في حوش البيت وبتدفع ليك راتب وقلت انها ما بتديك تاكل … وقلت انك اكلت الكفته .. وحسب قولك .. كما أنني كنت أجمع لها ( النقطة ) في كل الحفلات
بالله انت راجل الرجالة تطير وتقع في البير كان الرجالة زي رجالتك دي ..
والله انك جاحد للنعمة وللوظيفه ومن شيم الرجالة انك تحافظ علي اسرار عملك حتي لو تم طردك لانك سرقت الكفته ….
والله يخلي لينا ندوي القلعة سفيرة الاغنية السودانية العالمية ..