غريب الدارين …. أنا الغرقان جوه في النيلين

[SIZE=5]اعزائـــــــــــــــي : أخوكم غريب النيلين – أقصد الدارين – يقدم لكم منظومة لو تمت البيعة ….
كيف لو تمت البيعة ؟
شق إيش أمشي ؟
بس أقبل وين ؟
وياكم عرفتوني
غريب دارين

أنا الحالي بقى زي حال الزين
مكتول في حوش العمدة
وأنا غرقان جوه في النيلين

ما بكفيني دمع العين
ماتكفيني قولة واللهِ حزين
الماضي من الأيام
وحاضري
عايش بيهو رهين
أنا النيلين
بقى ليا قرين

النيلين ؟
باقية لي ديار
داخل مارق على كيفي
بابه مفتوح ليا مصراعين
وحالي زي السمك
لوجف البحر
السمك بكتلو الطين

أنا وأخواني كنا متلمين
بالذوق والأدب
حاشانا الكلام الشين
ولو دخل علينا غريب
بره نكرشه حمرة عين

ياربي …تقول فجأة
صابنا سحر العين
والنقة …وكلام ناسن
مايقولوا يا الله
طبع عالمن حاسدين

وعشعش فينا طير البوم
وصيح فينا غراب البين
غربة وشتات وألم ؟!
واللهِ. ماااا ناقصين

بعد ما كنا متلمين
من داخل السودان
ومن كل بلاد الدنيا مجتمعين
من أمريكا …لي بريطانيا
من ألمانيا من هولندة
ودولن كتير بالحيل
ومن دول الخليج
قريبة قاب قوسين

النيلين ؟ ماها بس نيلين
بحرن كبييير
فيهو دوام عايمين
أنا الغرقااان جوه في النيلين

ووين تاني ألقى أخواني ؟
أخوانا كلهم طيبين
بيقاوي …أمير الموقع
راجل في الرجالة لزم
رصين ورزين

وباقي أصحابي …
الباقين لي صحيح أخوان
ود نبق…من وراء القصد
وسخطه على بني علمان

والحلو …درة الموقع
لسانه المر
على النسوان
تعليقه الظريف وذكي
بس غالبا قرفان
طيب وصافي النية
حاشاهو ما سجمان

وأخوي …سوداني يامغبوووون
والصابر الممكون
وبالصبر راجي الفرج عشمان
ومخ مافي …ياهو معاي
من أقدم الحيران

ومستر كديسة
دايم عليه تعبان
نان طووول يومه جري
يساكك الفيران !!

وعاشق النيلين
حالو من حالي
جوه الغريييق غطسان

عابد من قطر
وهباش …حايز أكبر الكيمان
وود الحسن والمر
الجعلي الشديد الحار
ودأبوعبيدة
وبقية الأخوان
والحب الكبير داخل الوجدان

كذااب لو قلت داير البيعة
حبي النبيل للموقع
محفور عميق في البال
ماداير شتات الحال
ماداير أعيش رحال
وكل الكتبناه
تاريخ موثق
حافظنه للأجيال

غريب الدارين[/SIZE]