إغلاق كافتيريا العاملين بمستشفى الذرة لعدم مطابقة المواصفات

وهو في شنو مطابق للمواصفات لم جات على بوفيه ولا كفتريا ,, ياعم دا الزيت البيغلوا بيه السمك اسود من زيت رجوع العربات ، ولا البيحمروا بيه البطاطس ما معروف هو زيت ولا بترول خام
وللاسف نحن هكذا لا نهتم بنظافة وصحية الاكل ,, فحتى في بلاد المهجر المطاعم السودانية جايبة لينا وصمة عار .. تلاقي الواحد سافي ولا يسوط حله وعرقه ينقط ولا المرايل تلاقيها زي الطين ,, ولا يعرفوا ولا سمعوا بحاجة اسمها قفازات زي خلق الله .. ولم تعاين في الارض تلاقي اوسخ من اي محل تاني ..
وكان يزورني في مكتبي اتني من موظفي البلدية المكلفين بالمرور على المحلات سالني احدهم ليه يا اخي انتوا يا السودانين مطاعمكم مانظيفة وما بتهتموا بالناظفة للاواني او المحل ،، جوابي ان الشغالين في المهنة ماليهم علاقة اصلا .. قال لي مرات بنشوف حاجات ما نصدق انها تحصل من السودانين لعلمنا انهم يهتمون بنظافة البيوت واجسامهم ..