جرائم وحوادث
محاكمة مواطن ضرب لصاً بـ (عكاز)
وكان اللص قد دخل إلى منزل المتهم ليلاً، فاستيقظ الأخير، وحمل عكازاً ضرب به اللص في رأسه، مما أدى لإصابته بالأذى الجسيم، وقاده إلى قسم الشرطة لتدوين بلاغ في مواجهته، فأوقفت الشرطة الشاكي أيضاً رهن التحقيق، وتم إخلاء سراحه بموجب ضمانة، بعد أن وجهت له النيابة التهمة تحت المادة (139)، وأحالت الملف للمحاكمة.
صحيفة المجهر السياسي
[/JUSTIFY]ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
[SIZE=5]سأل القاضي اللص : لماذا اعترضت الشرطي أثناء أداء عمله ؟
رد اللص بقوله : لأنه اعترضني أثناء القيام بعملي
أصلا يا صاحب الدار لما صحيت مفزوعا من نومك كان يجب أن تدرك أن بالدار لصا …وعليه فما الداعي للخوف ؟ !
ياخي حرامي وجايي يسرق ..فيها حاجة دي ؟ لذلك حوكمت …فالدولة تدرك أن الحرامية ما خرجت بهم إلا الحاجة والضرورة …يعني الحرامي ده ممكن تكون وراههو أسرة …تقوم تتسبب له في الأذى الجسيم ؟ ده كلام ياراجل ؟
سؤال بليد ياسيادة المحكمة الموقرة : الزول ينتظر لما الحرامي يقتله ؟
ذاتو يكون أحسن : فما للمرء خير في حياة
إخوتي : يعني بعد كده لما تصحا وتلقى حرامي قدامك تحلف عليه بالضيافة …ولو ما متعشي تشوفوا أي شيء حتى لو كفتة ندى ! وبعدها تقولوا له : أخي الحرامي تفضل خذ ماتشاءء …نحن عارفين الظروف ومامرقت تسرق إلا للضرورة[/SIZE]
صاحب البيت غلطان كان مفروض … يستقبلو بحفاوة … يعشيهو … وبعد ما يرتاح شوية … يعتذر ليهو ويوصلو لحدي الباب مع الهدايا … آآآآآخ استغفرتك يا مالك روحي
[SIZE=5]أيوه كدا صاح
ما في واحد يضرب لص
البلد فيها قانون
أقبض اللص وسلمه للشرطة وهي تقوم بالواجب
حالة واحدة بس مسموح ليك فيها أنك تضرب اللص
إذا كان مسلح وهاجمك
من حقك تدافع عن نفسك
لكن يتلموا ناس الحلة كلهم في لص واحد
ويضربوه لحدي ما يموت ويعلقوه في الشجرة
دا غلط
وشرعنا الحنيف
أبدا ما أمر بقتل اللص
[/SIZE]
صاحب البيت غلطان ضرب الحرامى بعصا لان الحرامى مسكين ماحيضرب صاحب البيت بل يتوسل الية ان يعطية شى ليسرقة وبين الحرامى والمواطنين عهد سلام وامان عادى جدا اذا كان قدوتنا حرامية طبيعى جدا ان يدافعوا عن الحرامية واللصوص من بنى جلدتهم
وهل الدخول للبيوت بدون أذن لصوصية أو هتك عرض على صاحب البيت أن يقدم باقة ورود وزهور وعليه أن يهش اللص أو هاتك العرض كما يهش الذباب بلطف لينصرف. …… سبحان الله ودا آخر الزمن في السودان .
[SIZE=5]الجنس للجنس رحمة لازم يكون هنالك تعاطف بين الحرامية اتذكر شيء وقع امامي في امام احدى السجون وقع حدث مجلجل ربما سرق زول مسؤول او حرامي سرق حرامي رجال الشرطة احضروا جميع اللصوص او المشتبه بهم كل عشرة دقائق دفعه وراء دفعه يتم حبسهم الى ان وصلت اخر دفعه حرامية وهم لديهم معلمين بالحرف قال لرجل الشرطة ( ياجنابوا خليت لينا منو برا يجاسف لينا ) امور السرقة والفساد والاخلاق اخر من يتكلم فيه المسؤولين في سرقة ناتجة عن الحقد والكره وفي سرقة حوجة وفي سرقة مرض لكن سرقة المسؤول للمال العام اسوا سرقة اسوا خيانه [/SIZE]
عليك الله شرطتنا دي مش تجيب الضغط عديل كده وكمان معاها سكري وكلسترول وضيق في الشرايين … ولا اقول ليكم ديل يجيبوا الذبحه عديل كده …
زول نطه ليك جوده بيتك … ضربتوا ده اسمه دفاع عن النفس …
جا ناطي جوه بيتي عايز يعمل شنو يعني … يبارك لي نجاح ولدي ولا عرس اخوي … ولا يمكن جاي يعزيني في الماتوا لي …
مش قلت ليكم شرطه تجيب الذبحه عدييييييييل كده …
انا لله وانا اليه راجعون …
عظم الله اجرنا واحسن الله عزائنا في الشرطه السودانية …