[SIZE=5][JUSTIFY]شرعت أسرة في شرق الخرطوم في مقاضاة هيئة الطيران المدني في اتهام بتسبيبها الجنون لمعزة كانت تربطها بسطح بنايتها وكشفت مصادر أن ابن أسرة ثرية قد طلب من أسرته أن تشتري له ” غنماية ” ونفذت الأسرة رغبته وتم ربطها بسطح الطابق الثالث بمنزلهم بشرق الخرطوم ، وكان الابن يصعد يوميا للاعتناء بالمعزة وتفاجأ بأنها في حالة غير عادية وتم عرضها على الطبيب البيطري الذي أشار إلى أن المعزة قد تعرضت لحالة من الخوف افقدها عقلها بدليل أنها كانت ترتمي على الأرض توصلت الأسرة إلى أن حالة الخوف التي انتابت الغنماية ناتج من الطائرات التي تعبر على سطح البناية مما أخافها وأصابها بالجنون ، وعلمت ” الأهرام اليوم ” أن الأسرة عبر محاميها ستخاطب الهيئة رسميا بالأضرار التي لحقت بمعزتها .
صحيفة الأهرام اليوم
ت.إ
[/JUSTIFY][/SIZE]
قمة الهبل
اول حاجة لو عندي سلطة اجيب سيد الغنماية واسرتوا والمحامي بتاعهم
وحتي الغنماية كمان المهم كلهم في ميدان ابوجنزير وابطحهم ليك واحد وراء التاني اي واحد علي بطنوا وادي اي واحد مية جلدة في جع….. بس لمن يعرف الله واحد … قال غنمايتي جنت قال … ما تجن الجن اليركبك .
بلاهى الغنماية الفقدت عقلها ولا اسرة المتحنكش دا هههههههههههههههههه ومدام اثرايا رابطنها فى السطوح مالكم وهو اكيد مكان مابيئة الغنماية وتعذيب ليها ما تشوفوا ليها مزرعة لو انا القاضى بحكم على الاسرة اولا بسبب سوء المكان الختو فيهو الغنماية و تانيا الهبل وعدم الموضوع برفع الدعوة وتالتا تهمة الابتزاز على المحامى و الاسرة
فرق ياقريبك انا بتبرع لية بغنمايتنا اليوم كلة من خور لي خور ومرة في الدفيس ماتخلي قشر بصل ولاكيس اللوري لمن يجي ماري جنب الشارع قريب الدفيس تدخل من تحت اللوري وطيارات الرش لمن تجي قريب منها تقول طرشا ولا يهمها مافي واحد اقول لي غنمايتكم امكن طرشا واللة قولت حي حي حي تجي طايرة من فوق للحيطة قال حالة نفسيةقال حتي الغنم دلعتوها
الرفض لانه مخصص لسكن البشر ما الغنم. سيمنع من تسكين الغنمايه في العماره وغرامه من المحليه . مش اسره غنيه؟؟
[SIZE=7]احلى تعليق تعليق عطبراوي
ههههههههههههههههههههههههههه لا حول ولا قوة الا بالله أهذا يحصل في السودان؟ وما بالكم بالبني ادم السوداني الذي يجن بظلم الاخرين قال ود دلوعه قال وياترى بعمل بيها شنو فوق السطوح ؟ الله يقرفكم
والقال ليهم منو انها جنت؟؟
هي كانت عاقلة في الاول يعني؟؟
بعدين الظاهر الود دا بيعمل حاجات ما حلوة في الغنماية عشان كدا رجلينها بقت ما شايلاها
[SIZE=5]ذكروني بكديسة جنناها وبقى يجيها صرع ….ده لما كنا صغار كنا نشيلها نوديها لكلب الجيران عشان تشاكلو …وحسب فهمنا انو كديستنا بطلة ممكن تغلب الكلب ….وجنت فعلا وبقت تتشنج لما تتبول
الله يسامحنا ….وطبعا الكبار ما كان عندهم علم بتلك الجريمة النكراء[/SIZE]