[JUSTIFY][SIZE=5]شهدت صالة افراح بالعاصمة الخرطوم يوم امس الاول الخميس انتشاراً مقدراً لعدد من كوادر الشرطة النسائية وذلك بغرض حماية وتآمين المناسبة الخاصة بطلب من (العروس) التى رفضت الرقيص ما لم يتم تآمين الصالة بالشرطة حيث لجأ أهل العروس الى الشرطة للإشراف والحفاظ على تلك الامسية من التسرب للجوالات وضبط المدعوين وذلك بعد ان تسبب رقيص العروس فى اوقات سابقة فى الكثير من المشكلات…
ياسين الشيخ _ النيلين
الخرطوم[/SIZE][/JUSTIFY]
عفيييييييييت منك بت رجال
وألف مبرووووووووووووووووك.
الله يسعدك يا الصالحة النقية
مبروك ايه ياعمك ،، وبت رجال ايه حليل زمن الرجال ،، اصلا مافى داعى ترقص امام جمع من النساء وعشان شنو وبعدين عريس الهنا ده ماعندو غيرة ! لياخذ زوجته الى عش الزوجية ولترقص له ماطاب له الرقص !، لكن ارجع واقول الناس فى شنو والسودانية فى شنو.!
يا ابو مونتي في الاصل لو كانت بت رجال وكان عندها رجال ما كان خلوها رقصت لانو هي حتكون مصوره بالفيديو والفيديو دا شن ضمنا لما يشيلوه الناس عشان يحضروه ما يحضروه رجال واصلا بتكون لابسه لبس سئ للغاية.
يعنى الحفلة الرابة قبل رقيص العروس حلال
يعنى الغناء والفنان والاختلاط قبل رقيص العروس مافى مشكلة
يعنى تصوبرك قبل رقيص العروس في الكوشة وانت مع الاسد حقك تمام التمام
بالضبط زى طرفة مريض السكرى ضرب الكسرة واللقمة وحلى بالباسطة والحلوبات ولمن جا عند الشاى قال بشرب من غير سكر
[SIZE=5]الرقص من أساسو قدّام (المدعوين) الداعي ليهو شنو؟؟؟[/SIZE]
هي اصلا ضروري ترقص يعني عادة فارغة وشعب شغال بالفارغة
والله مافي اي داعي ليه ، دي بقت مداخل لضعاف النفوس للتجريح والخوض في عورات الناس .
الدايرة تتعلم الرقيص تتعلم وترقص لراجلها في البيت وتؤجر على ذلك ان شاءالله
شرطه فارغه وماعندها شغله … تلقى جايبنهم بى صحنين كوكتيل و100 الف .. شوفو شغلتكم بدل مبارين لى تامين رقيص العروسات في الصالات ..
يعنى شنو اكان شخلعت قدام الحريم وشافوها قلابه !!! عالم متخلفه !!!
تكون فكرة العريس عفيت منو ومنها ، بعدين هي لو رقصت محتشمه ما اظن حيكون فيها حاجه لانها بترقص في يوم فرحها، بس طبعاً ما ممكن اللبس المحتشم والرقيص يتلمو في الزمن ده .