منوعات
الشعب يريد تغيير ” عداد ” إنصاف مدني ..!!
وقال عدد كبير منهم إن الأسف الحقيقي يكمن في أن الدلوكة هي تراث سوداني قديم لا ينبغي أن يصل إلى تلك الدرجة من ” البرجوازية ” مضيفين أن الدلوكة كانت في السابق حقا لكل سوداني وأداة من أدوات فرحة الرئيسية وبدون مقابل ، لكنها اليوم “تعززت ” وصارت بعيدة كل العد عن تحقيق أحلامهم ورغباتهم ، وهاجم عدد منهم المطربات اللائي يتغنين بالدلوكة وفي مقدمتهن إنصاف مدني ، واصفين أسعار تعاقداتهن بـ ” الفلكية ” ومنادين بضرورة اتخاذ وقفة في هذا الجانب .
صحيفة السوداني
ت.إ
[/JUSTIFY][/SIZE]
البيدفع فلوس لمغنيات الدلوكه يبقى هو دلوكه / الدلوكه للدلاليك /
جكس الحله بسوي في شنو؟؟
صحيفة السوداني
ت.إ
حالة من الغضب انتابت عدد كبير من الأزواج الجدد الذين يرتبون لإقامة حفلات زواجهم .. وينادون ( الشعب يريد تغيير ” عداد ” المطربات اللائي يتغنين بالدلوكة وفي مقدمتهن إنصاف مدني ) .. بعد أن رفعن أسعار أقامة حفلات ” الدلوكة ” والجرتق .. والتي تعتبر من أساسيات أي حفل زواج لأرقام فلكية )) .
والله ده كلام فارغ .. ومعاهم حق ما دام البلد سايبة .. وكل يوم الأسعار في كل شيء طايرة السما .. والمطلوب تدخل المسئولين بوزارة الثقافة مع اتحاد( الفنانين ) المهن الموسيقية .. أو أي جهة ذات علاقة .
فمثلا انصاف مدني تتقاضى أجر الحفل ما بين الساعة 9 إلى الساعة 11 مساء ما يزيد عن ( 19 ) مليون جنيه.
دائما اخباركم ناقصة يا ناس النيلين لم يشير الخبر الى سعر حفلة الدلوكة قبل وبعد
أي واحدة من طرف الحي ممكن تغني بالدلوكة أفضل من “إنصاف مدني هذه” نقول لهؤلاء العرسان الجدد ” أبحثوا عن فنانات في أحيائكم .. وسوف تجدوه ..” نحن كنا في قري الجزيرة لنا بنات من القرية يقمن بالغناء بالدلوكة أفضل من أي مغنية حالية .. أنا عرست وما جبت مغنية دلوكة بنات الحلة براهن وكانت أجمل حفلة والشباب إنبسط جداجدا وقفشات ونكات وونسات وكل شئ تم على ما يرام ولم آت بفنان يوم الدخلة بس أولاد الحلة براهم وكانت من أجمل ما يكون ” بس أجرناليهم مكرفون وخلاص …
هو دي الحاجات الجايبة البلا للسودان .زمان الأعراس ( وما زماناً بعيد)كانت الأعراس بسيطة ومُبهِجة جداً ويجوا الأهل يقعدوا في بيت العريس أسبوع وإسبوعين، شوفوا هسع وأحسبوا:- الصالات المبهرجة وبعد حفل الصالة البعض يعمل حفلة في البيت*أوفر نايت*+ الفنان وجوغته+ فطورالعريس و”معاهوالعربيةو عدة الفطور وهدايا موصِلي فطور العريس”+ حِنة العروس (بفنان وحضور العريس) والصبحية بفنانة،ودخلت عادات عجيبة وغريبةوما خُفيَ كان أعظم!والناس تشتكي من الحالة الاقتصادية الصعبة والغلاء ،وخلّيك من اللِبس الفاخر ، والمُفاخرة والبوبار وغيرهُ. وإنصاف مدني وكمال ترباس وغيرهم عايشين وهم الشُهرة الفارغة، عشان كدة يرفعوا أسعارهم ومكسبهم ده فيه شك كبير من ناحية الحلال والحرام، وفوق لكل ده يجي كمال ترباس يسب السودان ويقول الموية في الخرطوم كعبة ولونها أبيض، وياريت قال الكلام ده لسوداني!! قالوا لواحد هندي بيّاع في محل أقمشة، والغريبة قال للهندي إنه عنده مجموعة فلل في الخرطوم، بالله عليكم جِنس ده لاقاكم.
[B]هو شرطا يعني انصاف مدني تستاهلو براكم رفعتوا سعرها البلد كلها دلاليك وانتو ساكين انصاف ياهو الغنا وياهو النبيح[/B]