الجميعابي : الأطفال مجهولي الأبوين وصلوا بين 4-10 يومياً

نسأل الله السلامة 4 -10 يوميا ً رقم كبير جدا جدا ويعني ان الفساد الاخلاقي بدا يجري فينا مجري الدم لذلك ابتلينا باوكامبو وامثاله نسال الله الستر لولايانا

الجميعابى اظنو بزيد الامور حبتين يعنى البنات ديل قاعدات وين الواحدة تحمل وتلدى ومافى زول يجيب خبر الحكاية شنو وين اخوان فاطنه والموضوع دا ما مفهوم شنو يعنى فى اليوم الواحد مابين 4الى 10 يعنى من كل حى بنت واحدة ولا كيف النسبة دى عالية شديد .. ياجماعة اقيفوا شويه ويابنات ديرو بالكم على حالكم والكلام دا عيب وخطير على سمعة الاسرة وياجماعة اتفقدوا بناتكم وحزروا اولادكم من الخطا … وربنا يحفظنا ويحفظ السامعين … ودمتم

( إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ )
يا أخوانا نحنا أتغيرنا للأسواء وكل يوم مصيبة جديدة المجمتع بقى ولا عليه ولاحاجة كل صابون تفلت وانفلات أخلاقي هسع ذى الأطفال ديل ذنبهم شنو و التساهل الشديد دا بقى سبب في التمادي كمان وكمان المفروض يكون الموضوع ماشي للحل وليس بفهم أغلطوا انتو يا أحباب نجيكم نحنا بالأعذار ….. المجتمع راح فيها وعشان كدة كل يوم ابتلاءات اوكامبوا وغيرو ….

هذه الصورة القاتمة وغيرها من مظاهر الفساد والإنحلال والإنحطاط الفكري والأخلاقي الذي يشهده السودان اليوم لم تكن معروفة من قبل فمن السبب نحتاج لعلماء اجتماع ودين واقتصاد ليشخصوا لنا هذا الداء وكيفية العلاج . انها كارثة وقلت من قبل أن النار ستحرق الجميع والله لن ينجو منها أحد فافيقوا ايها النائمون . وفيما يتعلق بهؤلاء الأطفال لاذنب لهم وعلينا جميعا المساهمة في تخفيف معاناتهم واعدادهم ليتفاعلوا ايجابيا في المستقبل مع المجتمع وهم بشر مثلنا لاجريرة لهم فيما حدث يقول الرسول صلى الله عليه وسلم : من مسح على رأس يتيم لايمسحها إلا لله كان له بكل شعرة يمسحها حسنة .
كلمة أخيرة قال الدكتور مصطفى عثمان أن الشعب السوداني كان قبل الإنقاذ شحات ونقول له وكيف أصبح الشعب الشوداني بعد الإنقاذ ؟